香港行山路線2023｜於香港行山，好多時候都要帶備足夠裝備，拍拖兩個人行山隨時要重裝。今次編輯為大家整合全港30條超簡單行山路線，輕輕鬆鬆上山，無需要太辛苦，都可以到達賞景位，甚至可以360度環瞰山下景色。對於「15分鐘上山頂」，有啲人睇慣咗部份平台，可能已經覺得呢啲係標題黨，欺騙讀者，但編輯可以肯定，以下路線絕對可以15分鐘登山頂，當然以個人步程計算，絕對係快靚正行山路線！
離島
觀景山
毗連香港國際機場及知名觀賞日落景點飛機維修區嘅「觀景山」，海拔僅有77米高，由地面上山極為輕鬆，快則無需15分鐘即達山頂標高處位置，但偏偏比較少遊人前往。「觀景山」山頂可俯視整個赤臘角機場景，另一端亦可回望東涌市景，更可從高空觀賞夕陽西下景色，風光明媚。
心經簡林
鄰近昂坪「天壇大佛」嘅「心經簡林」，當中一株株木刻為人熟悉，近年係唔少旅客及本地行山客嘅熱門打卡景點。由昂坪廣場起步至「心經簡林」，全程為平路，暢通易達，15分鐘即到微斜階梯。木刻矗立，到底有幾多人明瞭「心經簡林」其中有咩意思呢？
虎山
大澳有「香港威尼斯」之稱，水上棚屋於石屎森林中風格獨特，小島風景優美，其中「虎山」及「大澳觀景台」都係大澳行山路線，基本上無需要15分鐘就能夠登上「虎山」山頂，左右兩端都可以180度賞景，黃昏時間更可觀賞壯觀懸日景緻。
大嶺頭
位於馬灣嘅「大嶺頭」，相對「馬灣舊村」較少人認知。雖然位於馬灣一隅，山路迂迴曲折，入口唔明顯，但其實極容易走，15分鐘內足以登上山頂！「大嶺頭」頂端不僅可環瞰整條「青馬大橋」，眺望「汀九橋」，更可以近距離望「汲水門大橋」，3橋景色盡收眼底！
九龍
格仔山
九龍一帶有唔少市區快靚正登山點，靠近樂富廣場嘅「格仔山」就係其中之一，15分鐘即達山頂，可從海拔不足100米小山丘賞景，180度俯視九龍塘、九龍仔一帶風景！相對以前無邊際山頂，現時「格仔山」山頂已經加設安全欄杆，而山上已經髹上紅白格仔，襯托返「格仔山」歷史。
紅燈山
而何文田「紅燈山」為近年另一個九龍市區熱門登山點，與「格仔山」一樣，都係快靚正行山路線，分別在於「紅燈山」雖然可以15分鐘登上山頂，從海拔106米高眺望維港海景，但同時可以延伸至何文田、土瓜灣方向，穿過4個配水庫遊樂場。
沈雲山
至於近觀塘、九龍灣嘅「沈雲山」，毗連順利邨，另一端可從九龍灣上山，亦係九龍區快靚正行山路線，山頂為配水庫遊樂場，海拔約有177米高，可眺望獅子山。
平山
「平山」鄰近野餐勝地「佐敦谷公園」，亦係近年受歡迎嘅人氣行山路線。由九龍灣起步，接連乘搭3架電梯，即可以到達「平山」入口。一端有一條直長樓梯級，15分鐘即達山頂標高柱，海拔約有189米高，可回望九龍東一帶風景，有如深水埗「嘉頓山」。
嘉頓山
講到快靚正登山點始祖，必選海拔僅有約90.6米嘅深水埗「嘉頓山」，入口近「嘉頓餅房」嘅「嘉頓山」，路線簡單，直上直落，輕鬆易行，山頂可俯視深水埗鬧市景色，夜景尤其醉人！
訊號山
位於尖沙嘴鬧市嘅「訊號山」，地標為「訊號山花園」，全程瀝青路，海拔僅有35米高，可能係最矮嘅小山丘。當中有一座紅磚塔，週邊可近距離俯視「維多利亞港」海景，為鬧市中暢通易達嘅市區後山。
斧山
前臨牛池灣、背靠慈雲山嘅「斧山」，目前只要從秘道上山，依循樓梯級走，就可以輕鬆登上山頂位置，海拔僅有約140米高，走遠少少更可以於牛池灣配水庫旁眺望「獅子山」。
港島
小玉桂山
港島南區有一座「玉桂山」，甚為艱險難行，但附近其實重有一座「小玉桂山」，分別可從「利東邨」或「海怡半島」上山。只需要不足10分鐘步程，就可以輕鬆從山腳路面攀上「小玉桂山」山頂位置，呢座副峰只有約143米高，能環瞰港島南區海景。
紅香爐峰
提到港島區最為人熟悉又最高人氣嘅行山路線，必選「紅香爐峰」！從寶馬山出發，走過小山路，15分鐘即可登上山頂位置，海拔約有228米高，可從高空180度觀賞維港景緻。不過「紅香爐峰」山頂為亂石堆砌，需要格外小心。
龍虎山
從西環直上「龍虎山」，路程輕鬆，全程為瀝青路，簡單易行，海拔約為150米高，基本上同走上「太平山」山頂為同一路線。山上更有一座「松林炮台」，歷史痕跡依舊，充滿頹廢風格。
大頭洲
石澳「情人橋」係拍拖兩個人必去嘅打卡位，沙灘更吸引眾多外地遊客。而穿過沙灘、「情人橋」，則可登上「大頭洲」山頂，但最高點海拔只有約56米高，15分鐘步程即可從山頂回望大澳小漁村獨特風景。
西高山
「太平山」山頂係熱門旅遊景點，走過當中「盧吉道」，可直達附近「西高山」，全程為瀝青路，同時15分鐘步程可直達「西高山」山頂，海拔約有494米高，既可居高臨下俯瞰山下景色，亦可從西面觀賞夕陽靚景。
奇力山
港島山頂區一帶有唔少行山路線，其中「奇力山」相對「扯旗山」係比較鮮為人知嘅行山路線。既可15分鐘登頂，山頂海拔約有505米高，係快靚正行山路線中最高嘅一座山峰，亦可以從最高點享盡360度港島靚景。不過，「奇力山」山頂平台唔太容易上行，必須要量力而為，未能上行亦可於下方山路觀賞相同方向風景，例如下瞰薄扶林水塘。
新界
豬黃嶺
元朗「娛苑」曾經係唔少人打卡點，但比較少人知道，「娛苑」背後有一座「豬黃嶺」小山峰。「豬黃嶺」只有142級樓梯，同時海拔僅有約52米高。上山路段極為輕鬆，山頂兩端分別可眺望「雞公嶺」、「淋坑山」，係鮮為人知嘅元朗後山。
淋坑山
天元屯一帶有好多行山路線，其中「淋坑山」係天水圍居民一定知道嘅後山，海拔大概只有不足90米高。「淋坑山」同九龍灣「平山」及深水埗「嘉頓山」一樣，都係該區極速登山路線，既可散散步，亦可賞景，「淋坑山」可環瞰北區風景。
青欣山
所謂嘅「青欣山」，其實即係青衣後山「青衣自然徑」，路段全為瀝青路，輕鬆又簡單。同上述路線一樣，15分鐘可到達山頂位，俯瞰「青馬大橋」風景，山頂海拔只有約218米高。
細山
「細山」位於青衣東北面，鄰近「青欣山」，同樣係簡單行山路線，快靚正到達山頂標高柱。「細山」內設有步行徑，靠近著名嘅「三支香」，海拔約有169米高。
蝴蝶山
位於粉嶺嘅「蝴蝶山」，支線眾多，可從多角度上山，係北區知名行山路線。「蝴蝶山」海拔約有240米，15分鐘可到達賞景位，可以連接「北大刀屻」、「大刀屻」、「牛牯嶺」等行山路線。
延伸閱讀﹕蝴蝶山有蝴蝶？ 晨運路線眺新界北風景
小夏威夷徑／鴨仔山
將軍澳行山路線當中，以「鴨仔山」、「小夏威夷徑」最為人熟悉，一條路線可完全連接「鴨仔山」及「小夏威夷徑」，山頂分別有約153米及130米，既可搵瀑布，亦可賞景，15分鐘可上山。
皇帝巖
鄰近屯門「龍鼓灘」嘅「皇帝巖」，入口位置比較隱蔽，海拔並唔高，同樣係15分鐘快靚正路線，山頂位置更可眺望青山一帶，以及遠眺龍鼓洲。
道風山
沙田「道風山」最為人熟悉係山上巨型十字架及中式教堂，入口連接車路，所以更加易行，如果要從交通交匯處上行就要15分鐘。走到純白十字架賞景位置，大概只係15分鐘步程，「道風山」海拔約有130米高。
芺蓉山
位於「大帽山」山腳嘅「芺蓉山」，靠近佛教寺廟，海拔約有314米高，從引水道位置可俯視荃青葵一帶市區風景，屬荃灣後花園之一。
龜山
於呢個「快靚正路線」中，毗連「尖鼻咀」嘅「龜山」絕對係最快嘅登頂路線！皆因從地面走到「龜山」山頂標高柱，隨時無需要5分鐘即達！不過山頂位置海拔只有72米高，目前全被樹木遮蔽，反而下行至「尖鼻咀」海旁，可觀賞無敵海景。
大石磨
遠離市區嘅「大石磨」，係比較偏僻及鮮為人知嘅行山點，山頂可環瞰270度邊境風光。「大石磨」海拔約有183米高，雖然斜路幾斜，但駕車可達廢屋入口，穿過廢屋，15分鐘內必達山頂位置。
馬草壟
落馬洲「馬草壟」係近年人氣行山賞景邊境路線，山腳有「南屋仔」可供打卡。「馬草壟」小山丘海拔並不高，山上亦可俯視魚塘景，黃昏更可望落日餘暉。
白虎山
至於同樣係邊境路線嘅「白虎山」，比「馬草壟」路線更為偏僻，從地面登上山頂，大概只係15分鐘步程，但由落車起計，就大約需30分鐘步程。「白虎山」海拔只有約173米高，頂端仍然矗立英屬香港設立嘅麥景陶碉堡，山頂可眺望邊境香園圍口岸。
E.A.Tips :
❷ 行山謹記帶備足夠糧水，穿著合適鞋子。
❸ 山野不留痕，自己垃圾要自己帶走。
❹ 行山要量力而為。
新蒲崗濃姐加持、米線生力軍成排隊店！秋拾小食完勝米線﹕蝦多士／八味豆腐／炭燒豬頸肉／脆炸韭菜餃
黃埔玻璃屋隱藏飽肚咖啡店！$150真日式套餐份量﹕鰻魚飯／蕎麥麵／前菜／咖啡｜& green
【#黃埔玻璃屋】平常想拍拖兩個人喺香港搵間Cafe，食飽後再坐吓唔容易，一係份量唔夠飽肚，一係人流客量眾多導致限時用餐，有時候難免用外地咖啡店比較。不過，香港其實一樣可以搵到能夠飽肚又可以慢慢坐嘅咖啡店，就好似近紅磡、黃埔嘅「& Green」，同其他咖啡店價格相近，但份量就正常好多！
松屋8月終登港！總公司直營插旗佐敦還原牛肉飯 實試3點與日本分店有別！
【#香港松屋】等候多時，香港區「松屋」千呼萬喚始出來！由日本總公司直營嘅「松屋（Matsuya）」於8月中正式登陸香港，並選址佐敦區，對視日本為鄉下嘅香港人絕對係恩物，就算情侶拍拖兩個人唔係成日可以飛去日本，都可以食到日本版嘅燒牛丼啦！即刻睇吓E.A.Two實試「松屋」香港店，雖然大致上係還原日本「松屋」，但原來都有3點係同日本分店有分別呢！
火炭玻璃屋咖啡店外望園景 橙皮咖啡來自大埔？印式pizza／意粉有新意
【#火炭玻璃屋】以往去旅行，台灣、泰國都有唔少玻璃屋咖啡店，吸引唔少情侶拍拖兩個人去打卡，香港則少之又少。於Google Map內，火炭區竟然有一間寫住「玻璃屋」咖啡店，即管去試一試！
土瓜灣僅存親民泰北菜加添創意 來泰巷招牌咖喱麵／冬蔭功／泰式燒肉
【#高水準泰國菜】土瓜灣雖然已進行重建，唔少小店都被逼結束營業，但該區依然有小店尚存，其中有間泰國菜小店，水準不俗，不妨拍拖兩個人去試一試！
全港10間精選《米芝蓮指南》必比登推介2024！蝦籽撈麵／古法瀨粉／鹽酥雞／肉骨茶
【#米芝蓮小店】《米芝蓮指南》係唔少人嘅美食地圖之一，整份指南云云有好多間食肆，但E.A.Two精選嘅只係得10間，都係值得拍拖兩個人支持嘅香港小店。不過有一間於攞完2024年米芝蓮之後，就已經宣佈結業，即刻睇重有邊9間小店，mark實地址去醫吓肚啦！
【新年好去處2024】香港ifc商場網紗繁花盛開 小咭印出趣味花朵
【#繁花設計】中環IFC商場不時有期間限定展覽，今個新春就以繁花及香氣為主題，感覺簡單直接，拍拖兩個人更可用2024年小咭收集5個年花圖案，寫上隻言片語及祝福語句。
【新年好去處2024】荃灣廣場戶外設海量熊貓 極似外賣平台宣傳廣告？
【#熊貓主題】今個新年，有好多商場展覽都以貓咪為主題，荃灣廣場都係用貓，不過係熊貓，出現大量熊貓主題打卡裝置，似乎有意吸引拍拖兩個人去影吓相。不過編輯放眼一望，誤以為整個展覽係一個外賣平台嘅宣傳活動！
【新年好去處2024】金鐘太古廣場新年紅色花卉小屋連桃花樹打卡 設計精簡時尚符合中區風格
【#紅色小屋】金鐘太古廣場係中區重要地標之一，充滿時尚魅力，今次新年展覽僅以紅色小屋為主，加上桃花樹裝飾，設計簡潔，卻帶有時尚感，符合該區風格，足以吸引唔少人拍拖兩個人打卡。
【新年好去處2024】荃灣如心廣場又係貓咪主題？ 新年本地插畫金魚貓Kiyo迎Meow接福
【#迎貓接福】荃灣如心廣場向來係該區重要商場地標之一，今年與其他商場展覽如出一轍，新春展覽都係以貓咪為主題，實行吸引拍拖兩個人迎Meow接福。你話變成《飯戲攻心》明禎呢個阿Meow就話特別姐，點解個個商場都用貓做主題，設計真係咁無新意？
【新年好去處2024】灣仔利東街紅噹噹燈籠／金魚高掛現燈海 金龍賀歲似醒獅表演
【#紅噹噹賀歲】2024年嘅農曆新年與2.14情人節基本重疊，拍拖兩個人過完年初一二三，馬上就到情人節，故此今年新年展覽裝飾同時有新年氣氛及情人節特色。灣仔利東街雖然大概只係得紅噹噹燈籠高高懸掛，以及金龍裝飾，但同時有新年及情人節活動。
尖沙嘴鬧市香檳大廈上年底強拍 十室九空僅餘星座冰室＋賓館＋少數相機店
【#其實幾時會拆】尖沙嘴香檳大廈由建成至今有超過60年歷史，而全盛期從90年代中至今亦有近30年歷史，自從2011年收購，直到上年底強拍，歷時有13年。目前，拍拖兩個人依舊可以遊走香檳大廈，只不過重有咩睇呢？
