臨近中秋，又係拍拖兩個人找尋中秋好去處嘅時候。繼往年大澳花燈節變成中秋人氣打卡熱點，灣仔藍屋去年亦與大澳非茂里合作，加入花燈戰團。今年藍屋更再接再勵，再次設下花燈節，多個手繪花燈掛滿藍色小屋，走廊更有多條燈謎。而藍屋附近嘅利東街亦一如以往張燈結綵，200米長街道內掛有800個紅噹噹燈籠，至少比碼頭附近天橋大紅燈籠好。
灣仔藍屋係香港一級歷史建築物，自從活化之後，一直係香港熱門旅遊景點，加上各類文化藝術活動，更加變成文青好去處。而現時藍屋雖然外牆全為藍色油漆，以藍色為主調，但其實原先係以黃色為主調嘅黃屋，小屋由黃變藍，有記憶嘅你應該會記得原先嘅黃色油漆，即使被髹上其他顏色，有見過嘅嘢係唔會忘記。
大澳花燈節幾年來引起熱話，手繪花燈掛滿小島每個角落，燈籠數量有逾2500個。上年藍屋就與大澳非茂里聯乘，設下工作坊，將手繪燈籠帶到灣仔藍屋。
今年，藍屋再次將手繪燈籠掛滿藍屋週圍，不過今次就由本地插畫家、灣仔街坊及藍屋友好製作手繪燈籠，早前就舉辦「花燈繪畫工作坊」、「手繪月球燈工作坊」、「中秋燈籠紮作工作坊」。於日前（17日）先將手繪燈籠掛於藍屋上，據悉燈籠數量有逾700個！2023年9月，更於藍屋建築群一帶設下「藍屋中秋花燈攝影比賽」，有興趣不妨聯絡Facebook群組「WE嘩藍屋」。
此外，離藍屋不遠嘅利東街，不單有濃厚中西交融氣息，係婚嫁專屬印刷品製作地，被稱為喜帖街。雖然業權已收歸政府所有，已經少見印刷店，但每年中秋同樣會添置張燈結綵，於小巷上空懸掛大量紅噹噹燈籠。200米灣仔小巷內，週邊都係外國潮流品牌、各間唔同類型嘅餐廳，由餐廳到街道人流，皆已經變成聯合國，不過遊人只限港人、以及菲藉與中國藉。
今次灣仔利東街打造「躍兔‧迎月」綵燈會，於上空掛滿800個繽紛紅燈籠，同樣係中式燈籠，相對於前往中環碼頭嘅天橋懸掛嘅大紅燈籠嚟講，設計上已經好得多。利東街上空既有普通款紅燈穩，亦有玉兔、金魚、楊桃等象徵中秋佳節嘅燈籠。
而利東街內不僅有各種造型嘅燈籠，亦有「舞龍文化體驗班」，公眾可以參與體驗活動，一嘗舞龍文化，試試操控18米LED火龍，以LED燈光取代煙火，將科技融入傳統文化。
大多數燈籠都係高高懸掛上空，無論係藍屋抑或利東街，通常人流多過燈籠，要拍攝獨一無二嘅打卡照片，就需要小技巧，甚至道具。其中，低炒係最常嘅拍攝方式，於中庭或大街上從低處往上影，就可以只拍攝到上空七彩燈籠，更有浪漫氛圍。如果睇厭低炒角度，亦可以自備小燈籠作道具，遮蔽週邊或背後途人之餘，亦可以為畫面構圖加添趣味。另外，更有趣嘅方法係利用街道上嘅途人作背景，與主角互相呼應，主角望向街道上途人及燈籠，反而有可能得到另一種感覺。
E.A.Tips :
❷ 「藍屋中秋花燈攝影比賽」相片提交日期由即日起至2023年10月6日。
❸ 藍屋設有中秋限定「灣仔街坊 x 釀製時令果酒製作坊」，日期為2022年9月24日 (星期日) 14:00 - 16:00，每位收費$350。
❹ 藍屋亦設有「地水南音迎中秋 / 管樂演奏度中秋」活動，日期為9月24日 (星期日)13:30 - 17:00╴，地點為灣仔景星街藍屋建築群空地。而另一活動「管樂演奏度中秋@香港管樂學院」於9月30日 (星期六) 17:00 - 18:00，於灣仔景星街藍屋建築群空地舉行，免費入場。
❺ 於9月29日晚20:30起，「LED火龍舞鼓賀中秋」會於利東街中庭往皇后大道東方向走，經過莊士頓道入口再折返利東街中庭。
❻ 利東街「舞龍文化體驗班」有幾場，每節30分鐘，包括2023年9月17及23日 14:00、 14:45、15:30、19:00、19:45、20:30；2023年9月24日 19:00、19:45、20:30；2023年9月29日 16:00、 16:45、17:30。
❼
藍屋
灣仔石水渠街72A 號街 4 號地舖地舖及慶雲
10:00–18:00；星期三休息
2833 4608
利東街
灣仔莊士敦道修頓球場對面
24hours
元朗高水準蓬萊咖喱屋$70牛羊雞自選配搭 印度黃飯、蒜蓉烤餅、芝士烤餅
【#香港咖喱屋】正宗印度菜係香港地幾難搵嘅一款菜式，元朗國內20年來一直隱藏一間高水準嘅印度咖喱屋，咖喱香料味道濃郁，室內就好似西餐廳咁嘅水平，情侶拍拖兩個人不妨去撐吓檯腳啦！
全港20間分店！牛角60分鐘半自助燒肉放題 似舊時邊種自助餐？
【#燒肉自助餐】來自日本嘅日本燒肉專門店「牛角」，向來係唔少情侶拍拖兩個人食自助燒肉嘅地方，認知度高。喺香港就係已全線結業嘅「敘福樓」姊妹店，目前依然有20間分店。最近再去食「牛角」，方才發現呢個半自助燒肉放題，竟然似舊時學生時代一種平價自助餐，到底係邊種同點解呢？無咩事，都係去食返一人燒肉。
新蒲崗濃姐加持、米線生力軍成排隊店！秋拾小食完勝米線﹕蝦多士／八味豆腐／炭燒豬頸肉／脆炸韭菜餃
【#排隊米線】雖然近年有唔少食肆相繼結業，但香港依然有小店靜靜雞開業，其中位於新蒲崗嘅「秋拾米線」轉瞬成為一間拍拖兩個人嘅排隊米線，到底有咩咁巴閉？有讀者向E.A.Two透露，該店曾經由同區嘅「濃姐茶餐廳」認證及推介，即管去試一試呢間米線生力軍！
新即是舊定新不如舊？荃灣小商場人氣米線貴香園重新出發 雲南酸辣、麻辣、酸麻辣、沙嗲湯底
【#新即是舊】米線向來係香港人特別鍾情嘅美食類別，尤其係雲南酸辣米線！唔少情侶都鍾意拍拖兩個人去食米線，貪快捷同平靚正。荃灣原先有間叫「貴香園」嘅米線店，後來結業，目前原來已重開，而且改名為「新貴香園」。到底改名後嘅「貴香園」，係新即是舊，抑或係新不如舊呢？
隱藏尖沙嘴死場！好時中心Hokahoka真日本人居酒屋 午市平價海膽三色丼／特選刺身丼
【#真日式居酒屋】香港人對於香港餐廳小店水平標準要求特別高，恍惚要批評先代表自己有品味，但事實上懂得批評並唔等於有品味，懂得如何欣賞先係最高境界。至今，E.A.Two編輯從來都未見過有一間香港餐廳小店係無任何香港人批評過；連帶做其他事情都係一樣，分別在於你紅定唔紅，無論你做到90分定100分，始終都有人批評。今次E.A.Two前往一個尖沙嘴被稱為「死場」嘅商場，當中有一間水準頗高、來自日本人嘅日式居酒屋，縱然走唔甩一定會有少數人批評，但至少好少見人大力批評，編輯試過後亦想豎起手指公讚好，值得情侶拍拖兩個人去撐檯腳。
香港牛肉飯大混戰！自選本土牛丼御三家！牛丼家／松屋／Sukiya 3強鼎立！
【#本土牛丼御三家】「加藤屋Katoya」於今年3月全線結業後，本來牛肉飯只係剩低早於2019年已率先插旗香港嘅日本連鎖牛肉飯連鎖店「すき家Sukiya」。今年夏天，卻先後有2間牛肉飯店開業。其中一間係於7月中開業嘅本土牛肉飯「牛丼家Gyudonya」，1個月後，連另一間日本連鎖牛肉飯連鎖店「松屋Matsuya」都正式登陸香港，令香港出現牛肉飯大混戰！日本有知名嘅「牛丼御三家」，E.A.Two就為情侶拍拖兩個人自選本土推介「牛丼御三家」，至於香港嘅「吉野家Yoshinoya」，我哋唔鍾意揀。
【新年好去處2024】香港ifc商場網紗繁花盛開 小咭印出趣味花朵
【#繁花設計】中環IFC商場不時有期間限定展覽，今個新春就以繁花及香氣為主題，感覺簡單直接，拍拖兩個人更可用2024年小咭收集5個年花圖案，寫上隻言片語及祝福語句。
【新年好去處2024】荃灣廣場戶外設海量熊貓 極似外賣平台宣傳廣告？
【#熊貓主題】今個新年，有好多商場展覽都以貓咪為主題，荃灣廣場都係用貓，不過係熊貓，出現大量熊貓主題打卡裝置，似乎有意吸引拍拖兩個人去影吓相。不過編輯放眼一望，誤以為整個展覽係一個外賣平台嘅宣傳活動！
【新年好去處2024】金鐘太古廣場新年紅色花卉小屋連桃花樹打卡 設計精簡時尚符合中區風格
【#紅色小屋】金鐘太古廣場係中區重要地標之一，充滿時尚魅力，今次新年展覽僅以紅色小屋為主，加上桃花樹裝飾，設計簡潔，卻帶有時尚感，符合該區風格，足以吸引唔少人拍拖兩個人打卡。
【新年好去處2024】荃灣如心廣場又係貓咪主題？ 新年本地插畫金魚貓Kiyo迎Meow接福
【#迎貓接福】荃灣如心廣場向來係該區重要商場地標之一，今年與其他商場展覽如出一轍，新春展覽都係以貓咪為主題，實行吸引拍拖兩個人迎Meow接福。你話變成《飯戲攻心》明禎呢個阿Meow就話特別姐，點解個個商場都用貓做主題，設計真係咁無新意？
【新年好去處2024】灣仔利東街紅噹噹燈籠／金魚高掛現燈海 金龍賀歲似醒獅表演
【#紅噹噹賀歲】2024年嘅農曆新年與2.14情人節基本重疊，拍拖兩個人過完年初一二三，馬上就到情人節，故此今年新年展覽裝飾同時有新年氣氛及情人節特色。灣仔利東街雖然大概只係得紅噹噹燈籠高高懸掛，以及金龍裝飾，但同時有新年及情人節活動。
尖沙嘴鬧市香檳大廈上年底強拍 十室九空僅餘星座冰室＋賓館＋少數相機店
【#其實幾時會拆】尖沙嘴香檳大廈由建成至今有超過60年歷史，而全盛期從90年代中至今亦有近30年歷史，自從2011年收購，直到上年底強拍，歷時有13年。目前，拍拖兩個人依舊可以遊走香檳大廈，只不過重有咩睇呢？
