配水庫公園2023｜配水庫遊樂場多數位於市區一帶，而且擁有寬闊大草地，一般位於舊式配水庫之上，適合拍拖兩個人去野餐。城中到底有幾多個配水庫？編輯曾經走訪港、九、新界大部份配水庫，但其實只有一部份配水庫先會於上蓋設有遊樂場或休憩花園，即刻睇睇有邊個配水庫公園啱心水啦！
九龍
油麻地配水庫休憩花園
毗鄰京士柏氣象站嘅「油麻地配水庫休憩花園」，係油麻地一個市區空中花園，從亞皆老街鬧市上行，穿過直長階梯，大概300級樓梯，即可以到達後花園大草地，野餐一流！
格仔山（樂富配水庫休憩花園）
九龍區另一個空中花園係近年著名嘅市區行山景點「格仔山」，小山路旁邊為「樂富配水庫休憩花園」，當中有一片偌大草地，同樣係野餐好去處。
紅燈山（馬頭圍配水庫遊樂場／何文田上配水庫遊樂場／東何文田配水庫遊樂場／京士柏上配水庫遊樂場）
至於「紅燈山」，亦係近年一個市區行山熱門路線，山路連接多達4個配水庫遊樂場，包括馬頭圍配水庫遊樂場、何文田上配水庫遊樂場、東何文田配水庫遊樂場、京士柏上配水庫遊樂場，每一個配水庫上蓋都設有一個草地公園，以供休憩用途。
沈雲山（觀塘上配水庫遊樂場）
「沈雲山」既毗鄰「平山」，亦鄰近知名野餐勝地「佐敦谷公園」，小山丘山頂位其實係「觀塘上配水庫遊樂場」，設於配水庫上蓋，設有緩跑徑及草地。
慈雲山配水庫遊樂場／黃大仙配水庫遊樂場
而「慈雲山配水庫遊樂場」、「黃大仙配水庫遊樂場」則設於慈雲山至黃大仙一帶，其中「慈雲山配水庫遊樂場」更位於慈雲山東南坡，2個配水庫遊樂場雖然只設有硬地球場，但慈雲山配水庫上行山坡小路就可回望市區風景。
藍田配水庫遊樂場
基本上，「藍田配水庫遊樂場」內只有硬地球場，位於屋邨一帶，並無風景，但若上行至「藍田公園」，則會有更多設施，亦會有較廣闊嘅市區風景。
石硤尾配水庫遊樂場
從石硤尾上行至「石硤尾配水庫遊樂場」，內有大片草地，亦有一個緩跑徑，該配水庫遊樂場毗連龍翔道，車輛高速行駛，而另一端則可下瞰九龍市景。
牛頭角食水配水庫
「牛頭角食水配水庫」上蓋設有一個全新遊樂場，應該係眾多配水庫遊樂場中最新穎嘅一個，遊樂場連正名都未有，但就確實設於配水庫上蓋，當中既包含大草地，亦設有超特別嘅遊樂設施。
深水埗主教山配水庫
講到香港配水庫設施，絕對不得不提深水埗主教山配水庫！該配水庫一度受到爭議，幾乎絕跡香港。雖然深水埗配水庫上蓋並非設有遊樂場或公園，但就特別設有一個平台，讓公眾可以預約進入參觀。
新界
細山（青衣東食水配水庫+青衣東二號食水配水庫）
「青衣東食水配水庫」、「青衣東二號食水配水庫」基本與細山步行徑相連，其中一個更設有配水庫遊樂場，不過就並無草地，只係一個硬地球場。
葵盛配水庫休憩處
葵涌一帶既有一個一直唔開放嘅「葵涌公園」，其實附近都有一個「葵盛配水庫休憩處」，屬葵涌後花園，標高柱一端可遠眺市區風景。
港島
摩星嶺配水庫臨時花園
鄰近摩星嶺炮台嘅「摩星嶺配水庫臨時花園」，上行可達偌大草地，既可野餐，亦可瞰港島海景，更能夠下行至芝加哥大學香港校園及日落觀瀾亭，黃昏時可眺望夕陽景色。
小玉桂山（玉桂山配水庫休憩處）
屬市區山徑嘅「小玉桂山」，山中設有「玉桂山配水庫休憩處」，只有一個小型硬地休憩處及極細小嘅緩跑徑，鐵絲網外可眺望港島風景。
干德道配水庫遊樂場
設於半山區嘅「干德道配水庫遊樂場」，係比較鮮為人知嘅配水庫遊樂場系列，當中其實都係得個小型遊樂場，並無大草地，沿路景觀會比較優勝。
馬己仙峽配水庫遊樂場
同樣位於半山區嘅「馬己仙峽配水庫遊樂場」，地方偌大，亦包含多項遊樂設施，更有足夠休憩空間，位置毗鄰荷蘭徑，附近可下瞰中區市景。
柴灣北配水庫遊樂場
而「柴灣北配水庫遊樂場」位置近柴灣西灣山，雖然該配水庫遊樂場只有硬地球場，只有少量市區風景，但背後有秘道可通往西灣山炮台，可以放眼更廣闊柴灣景色。
北角配水庫遊樂場
至於「北角配水庫遊樂場」，都係一個僅有硬地球場嘅配水庫遊樂場，但側面有小山路可以連接背後觀景台，能飽覽超過270港九風景。
筲箕灣配水庫遊樂場
「筲箕灣配水庫遊樂場」亦係一個普通配水庫遊樂場，只有少量休憩設施，但背後有山徑延伸，可以通往西灣河後花園，小山徑可眺望維多利亞港風景。
箕璉坊配水庫休憩處
而「箕璉坊配水庫休憩處」為半山區配水庫遊樂場之一，其中有一個面積頗大嘅草地，絕對係半山區野餐勝地，一端亦可遠眺港島市區景，草地中亦被大廈包圍，唔會太曬。
雲景道配水庫遊樂場
位於炮台山之上嘅「雲景道配水庫遊樂場」，同時處於紅香爐峰之下，雖有小型球場，但無乜風景，想要賞景就要繼續上行至北角行山路線。
黃竹坑配水庫休憩花園
毗鄰南朗山嘅「黃竹坑配水庫休憩花園」，設有少量遊樂設施，鐵絲網外可眺望與南朗山相同方向景色，只要於同一條山路繼續上行，就可以前往南朗山。
堅尼地城配水庫遊樂場
「堅尼地城配水庫遊樂場」只係一個普通嘅配水庫上蓋遊樂場，當中只有硬地籃球場，無其他設施，入口處勉強可以回望西環風景。
離島
長洲北有蓋配水庫公園
離島區配水庫遊樂場極為罕見，長洲小島嘅「長洲北有蓋配水庫公園」，可能係唯一一個離島配水庫遊樂場，最特別之處係入口有如日式鳥居，而上行至北眺亭山頂處則可俯視長洲景色。
E.A.Tips :
❷ 行山謹記帶備足夠糧水，穿著合適鞋子。
❸ 山野不留痕，自己垃圾要自己帶走。
❹ 行山要量力而為。
好好運快餐店「世一」沙嗲牛肉麵近月荔枝角重開！麵底加1樣嘢畫蛇添足扣分、極上系列週六限定！
取代McGriddles！激罕小店三層班戟漢堡！Coffee Question設假日限定多品料理
【#班戟漢堡】香港美式連鎖快餐店麥當勞推出嘅McGriddles一度風靡唔少香港人，好多人都忍唔住去排隊試食期間限定嘅McGriddles。但有唔少唔想食M記嘅朋友嚟講，反而想去搵小店取代，今次E.A.Two前往一間荔枝角咖啡店，當中就有能夠取代McGriddles嘅真班戟漢堡，並非改用熱香餅製作，而係真正嘅班戟製作，而食物同咖啡水平都不俗，更加可以坐低chill吓，適合情侶拍拖兩個人前往！
天水圍新北江商場人氣米線店！麗江雲南米線湯底變辣水？小食副線蒜泥白肉／麻辣雞更驚喜
【#人氣米線】香港人喜愛拍拖兩個人去食米線，貨快捷、平價、方便，不時有人自選喜愛嘅米線店，有好幾間本土米線店都係別具人氣，其中天水圍小吃集中地嘅新北江商場就有一間頗受歡迎嘅米線店，到底係咪真係咁惹味呢？
中環純素拉麵店與咖啡店合租重開試業！素味謀麵四菇濃湯、鮮茄甘筍濃湯水平大躍進！MVP即炸天婦羅！
【#中環重開】原先座落中環、以日式素食拉麵為主打嘅「素味謀麵」，係全港唯一賣純素拉麵嘅食店，曾經一度面臨裝修、結業情況，近月終於喺中環重開！雖然座位唔多，但無論係環境定出品，都係絕對係值得情侶拍拖兩個人前往用餐嘅小店！
觀塘咖啡店The Hunt 7款Signiture Coffee 招牌Tiramisu大受歡迎？
【#藍色咖啡店】觀塘地下鐵路站以上嘅全為住宅，而觀塘地下鐵路站以下嘅則全為工業區。觀塘區內滿佈食肆小店，即使身處結業潮之下，小店依然眾多，而咖啡店選擇依然不少。其中座落鴻圖道嘅「The Hunt Coffee & Roastery」就係一間以藍色為主調嘅西式咖啡店，猶如小藍屋，適合情侶拍拖兩個人前往。
慈雲山兩三碗車仔麵／米線／餃子兩店距離僅1分鐘！招牌豬頸肉、胡椒豬扒、柱侯牛腩可配銀針粉！
【#港式車仔麵】車仔麵、米線、餃子都係香港人鍾意食嘅菜式，多數都係貪佢價錢平，而且快靚正，配合香港人步伐急促嘅節奏。身處香港，於呢個選項之內，情侶拍拖兩個人可以有唔少選擇，其中有一間小店同一區1分鐘步程之內，就可以去到另一間地舖，車仔麵、米線同餃子都係任君選擇！
屯門巷弄小店拾號公社撐檯腳必到！特色西餐酒吧午餐CP值高、小酌適宜！
【#情侶餐廳】屯門位處大西北地帶，美食選擇不少，距離大商場V City不遠處，原來有一間特色西餐酒吧躲藏於巷弄之間。該店地方不大，但環境創適，加上西餐為主，適合情侶拍拖兩個人撐吓檯腳！
淺水灣唯一！Parabolica Caffe座落打卡熱點影灣園 時尚雅緻貴族級咖啡店
【#淺水灣唯一】淺水灣為典型香港景點之一，而影灣園內嘅旋轉樓梯及花園更加係知名打卡熱點，呢一帶到底有咩值得拍拖兩個人前往嘅餐廳呢？原先其實重有另一間餐廳「Hooman by the Sea」，但現時只係剩低尖沙嘴店；而淺水灣則只有1間咖啡小店「Parabolica Caffe」依舊屹立不搖。
【新年路線2024】山頂廣場起步！全新配水庫公園毗鄰薄扶林水塘 山腳直達伯大尼教堂／薄扶林牧場
【#隱藏配水庫公園】香港太平山山頂係眾所週知嘅熱門景點，亦係獲得世界三大夜景之一嘅地方，過百年歷史嘅盧吉道更可270度環迴俯視維港兩岸。而由山頂廣場出發，除咗西高山、龍虎山、薄扶林水塘等路線，亦有一道比較鮮為人知嘅山路，中途隱藏一個最近山頂嘅配水庫遊樂場，適合拍拖兩個人走一走。山腳終點更可直達IG打卡熱點伯大尼教堂及薄扶林牧場，今次路線與薄扶林水塘並無關係。
2024年全新公園近古蹟地南固臺／合和中心！船街花園隱身灣仔採海盜船／鐘樓設計
【#全新公園】灣仔又有新地標啦！今次E.A.Two編輯又一次快人一步搵到灣仔全新公園，位置毗連皇后大道東，背靠一座歷史古蹟建築物。最特別之處，係該公園現時只係局部開放，未有完全開放所有地方，而公園旺中帶靜，絕對適合情侶拍拖兩個人散步及談心！
【新年好去處2024】香港ifc商場網紗繁花盛開 小咭印出趣味花朵
【#繁花設計】中環IFC商場不時有期間限定展覽，今個新春就以繁花及香氣為主題，感覺簡單直接，拍拖兩個人更可用2024年小咭收集5個年花圖案，寫上隻言片語及祝福語句。
【新年好去處2024】荃灣廣場戶外設海量熊貓 極似外賣平台宣傳廣告？
【#熊貓主題】今個新年，有好多商場展覽都以貓咪為主題，荃灣廣場都係用貓，不過係熊貓，出現大量熊貓主題打卡裝置，似乎有意吸引拍拖兩個人去影吓相。不過編輯放眼一望，誤以為整個展覽係一個外賣平台嘅宣傳活動！
【新年好去處2024】金鐘太古廣場新年紅色花卉小屋連桃花樹打卡 設計精簡時尚符合中區風格
【#紅色小屋】金鐘太古廣場係中區重要地標之一，充滿時尚魅力，今次新年展覽僅以紅色小屋為主，加上桃花樹裝飾，設計簡潔，卻帶有時尚感，符合該區風格，足以吸引唔少人拍拖兩個人打卡。
