【#台南牛肉湯】台南美食唔單止有虱目魚、鱔魚意麵，當然唔少得牛肉湯！如果拍拖兩個人去台南，一定要試試台南嘅地道牛肉湯。台南市區嘅牛肉湯店雖然選擇不少，但大多數都係不時大排長龍，休息日不一。E.A.Two當時前往台南，正值新年假期之後，依然有唔少店舖未開始營業，或者臨時休息，而有營業嘅店舖就大排長龍，結果走過7間牛肉湯專門店，都食唔到1間！最終只能夠於飯店早餐，以及行到安平區先食到牛肉湯！旅遊，就係會遇上意想不到嘅突發情況。
【#聯乘商品】近月Lawson便利店首次同露營品牌Coleman聯乘推出全新商品，當中有兩款雨傘，吸引唔少人朝聖，瞬間成為日本便利店瘋搶嘅爆紅商品！準備拍拖兩個人去日本嘅話，去Lawson便利店時，記得留意吓呢兩款獨特雨傘，有直遮同縮骨遮可以選擇，E.A.Two都忍唔住買咗把返香港！
【#文創園區】台灣有好多文創園區，適合拍拖兩個人行逛，台南就係一個文化歷史氣息濃厚嘅地方，要搵文創園區其實不難！今次E.A.Two就前往毗鄰「新光三越」嘅「藍晒圖文創園區」，可以免費進入參觀，入面有藍圖工藝，亦有3D立體藍晒圖，文青小店選擇不少。據悉，呢個文創園區夜晚會比日光時份更加靚，即睇該文創園區地址！
【#神戶展覽】Sanrio迷召喚！日本不時有Sanrio主題展覽，大多數都係以幾個Sanrio卡通人物為主題，入面會有好多公仔打卡位。最近E.A.Two前往神戶一個神戶展覽，展期限定約為2個零月，入面反其道而行，唔單止於美術館舉行，內容比打卡位更多，可以深入認識Sanrio可愛文化背景，更可以睇到Hello Kitty嘅前身！不過展覽即將結束，如果拍拖兩個人即將前往神戶或大阪一帶旅行，不妨去參觀一下。參觀前記得留意美術館位置同交通方法，重可以擺低隨身物品入儲物櫃，輕鬆參觀展覽，無需額外付費！
【#香腸博物館】台南博物館不少，每一個博物館都有詳細資訊，台灣好多時候都將本來嘅工廠打造成觀光工廠，唔少更容許旅客免費進入參觀。拍拖兩個人去台南，不妨搜尋吓在地觀光工廠，其中黑橋牌香腸就有一個博物館座落於台南市區一帶，唔單止免費進入，而且一程公車即達，交通方便！呢間係全店首間香腸博物館，入面重有各式手信，其中有款甚至聯乘祀典武廟，相當有趣！
【#虱目魚粥】台南美食不少，除咗牛肉湯之外，最具人氣嘅要選虱目魚粥﹐拍拖兩個人必試！今次E.A.Two前往一間旅客未必會留意到嘅虱目魚粥店，該店有超過35年歷史，竟然位於馬路旁邊，距離知名文創園區只有約1分鐘步程！
【#機場觀景台】平常去唔同地方嘅機場，不難發現幾乎每個機場都會有個觀景台，可以下瞰停機坪。到高雄快閃遊之後，如果拍拖兩個人距離check in時間較早，不妨去出境大堂入口訪邊嘅機場觀景台坐一坐啦！咁香港呢？除咗天際走廊，飛機落機後竟然重有個觀景台？
【#台南App】台南係一個台灣古都，擁有豐富歷史文化特色，美食小吃、古蹟眾多，係一個值得拍拖兩個人深入探索嘅城市。不過，台南係並無捷運穿梭市區，想要於台南自由行，記得要準備定各台南交通App。當然唔少得在地人美食推薦App，以及當地即時天氣預報啦！不過，到底可唔可以於台南直接Call Uber呢？即刻睇E.A.Two台南旅遊實試經驗！
【#富士山景】東京係唔少人熱門嘅旅遊目的地，無論係拍拖兩個人飛成田機場定羽田機場，近年飛機窗口位都變得頗為熱門。原來係因為來往東京嘅航班中，飛機上可以近距離睇到富士山。要睇富士山嘅話，即睇機票買位小貼士！
【#高雄小食間】高雄係香港到台灣落機嘅重要目的地，機程只係1小時左右，通常係拍拖兩個人快閃旅遊嘅好去處之一。今次E.A.Two就去高雄找尋隱身於市區內嘅餐廳，原來有一間「小食間」座落距離「漢神百貨不遠嘅巷弄之間，係在地人醫肚嘅地方，於Google評分竟然有4.8分！
