分類: 兩個人旅吓行

【#平民蟹皇撈】澳門北端通常以當地民居為主，比較少遊客拍拖兩個人前往，筷子基一帶算係拍拖兩個人比較少人去嘅地方，但就隱藏唔少地道食店。今次前往一間頗受當地人歡迎嘅蟹皇撈飯店，既有魚翅撈飯，亦有蟹皇撈飯，更有瀑布蟹皇撈。該店雖然似一間茶記，不過店內嘅奶茶、咖啡竟然比主打嘅蟹皇撈更高水準，時尚咖啡機同舖頭裝修反而有啲格格不入。

【#澳門抺茶】澳門「大三巴街」向來都係遊客經常遊覽嘅熱門街道，一條路可以直通澳門地標「大三巴」，該街道就係手信街。而手信街一隅巷弄隱藏一間澳門抹茶專門店，唔單止有抹茶雪糕，亦有抹茶葡撻可以畀拍拖兩個人去試試。不過，葡撻竟然不及台灣嘅KFC？

【#平民葡國菜】如果拍拖兩個人去澳門快閃遊，少不免係搵間葡國菜餐廳，但遊客區好多葡式餐廳價格都係偏高，想要搵間價錢較低嘅葡國餐唔係咁容易。其中，澳門大三巴附近有一間平民葡國菜餐廳，價格較其他葡國菜餐廳低廉。

【#限定夜市】澳門不時會有夜市，其中澳門半島就有一個比較知名嘅「康公夜市」，而另一端亦不時有限定夜市。該夜市位於「塔石廣場」，名為「塔石藝墟」，雖然唔係經常舉行，但間唔中就會出現限定夜市，如果拍拖兩個人去澳門快閃，不妨去睇睇嗰期有無夜市啦！