[sig_post_pv label=””] 個人瀏覽過
有啲人唔願意去中國，去旅行會嗌「不了」，偏偏全中國最著名嘅歷史建築就位處中國境內，即係由春秋戰國開始就存在嘅萬里長城，至今逾2500年歷史，有逾2萬公里，城牆連綿不絕。其實，本地都有唔少迷你長城景觀，城牆均靠近海邊，景色亦壯觀，無需要拍拖兩個人走上大灣區嘅，至於點解要寫呢篇，我哋一視同仁唔會歧視任何國家，咩地方都會寫，編輯但求安全，大家理解就得。
（1）長洲﹕小長城觀景台
長洲就有一個寫明小長城嘅地方，登上小山路，沿海岸線走，即可以見到海邊沿途嘅長洲小長城，有如縮小版中國萬里長城。小長城人流唔多，路邊有連綿麻石柱圍欄，扶手有如長城，回望時有迂迴感，確實有長城感覺。
延伸閱讀﹕長洲高空觀景文青遊 登小長城睇怪石抖抖氣
（2）東涌﹕東涌炮台+東涌小炮台
另一道城牆位處東涌，內有兩座充滿歲月痕跡嘅東涌炮台、東涌小炮台，炮台位置滿佈城牆，圍牆由花崗岩石建造，炮台就以麻石建成。沿城牆環繞一圈有如走入迷你版萬里長城，炮台顯得小城池充滿防禦力，而小炮台更靠近海灣，臨海地段環境更清幽寧靜，目前仍有兩堵曲尺形圍牆，炮台則屬香港法定古蹟。
延伸閱讀﹕東涌臨海雙炮台 遠離市區滿滿歲月痕跡
延伸閱讀﹕遊東涌寺廟群山上靜土 石門甲行1小時直上昂坪營地 仰望人氣木刻群心經簡林
（3）大澳﹕虎山觀景台
最熱門嘅「長城」打卡點必然要數大澳嘅虎山觀景台，海拔只有約75米高，平坦易行，連綿紅木色木橋非常浪漫，遠睇似足小型長城。虎山依山而建，從虎山觀望，可眺港珠澳大橋、南中國海、珠三角海灣、大嶼山山脈，景觀有如置身中國萬里長城。
（4）深井﹕青龍頭青山公路
最後一座城牆係位處青龍頭段嘅中式住宅龍圃花園，從外面觀望，建築採中式設計，構成獨特城牆古堡模式，有如長城景觀，而住宅既靠近海邊，亦毗連馬路邊。
延伸閱讀﹕營地草原睇牛牛！ 屯門冷門路線新手爆林睇白色波波 走桃坑峒圓墩望三橋尋客家古蹟
