[sig_post_pv label=””] 個人瀏覽過
大埔最近有一間全新開業嘅日式料理小店，午市套餐份量亦充足，價錢相宜，最重要係有水準，可算係隱藏版日式料理店，適合拍拖兩個人去撐吓枱腳。
店內有一排壽司吧枱，一排座位面前有約4至5位壽司師傅，另一邊亦有燒物料理師傅，壽司吧下面有普通座位，枱櫈唔少，可容納至少20人。最大特色係日本岩蠔$45、原條池魚刺身$168、中拖羅刺身$138/3、鹿兒島和牛串$68等，甚至焦糖鵝肝壽司$42，當中生蠔都有分為岩手縣雪解蠔、日本直送獨眼龍、
丼飯當中最平有汁燒三文魚丼$58、咖哩黑豚豬扒飯$58、日式照燒雞扒飯$58，而蒲燒鰻魚飯$88，跟餐送沙律、麵豉湯，為青瓜絲配蟹柳絲、蟹籽沙律，麵豉湯有豆腐、海帶。而新開業多送一份中華沙律，啖啖清新可口，好醒胃。蒲燒鰻魚飯水準好高，米飯為珍珠米，煙韌有咬口，黏有蒲燒醬汁更可口，醬汁唔會太鹹，鹹中帶香甜味。鰻魚大塊而厚身，表皮無脆香口，魚肉軟腍，非常彈牙，無乜碎骨，近魚皮位置有少少，但可以咬碎，成舊可以放心擺入口。鰻魚旁邊配有秋葵、粟米條，
午市亦有幾公壽司定食，其中有鮨壽司定食跟細烏冬$128，壽司包含三文魚、金目鯛、縞池魚、蟹棒、三文魚子、海膽、帶子、玉子，合共有8款壽司。壽司定食內嘅係加拿大海膽，海膽有2格，質感Creamy而細膩；有好大粒新鮮帶子，足足有2個5蚊銀咁大，鮮甜味美；而縞池魚比較罕見，啖啖魚鮮味。烏冬雖然細細碗，總算順滑，最難得係湯底係昆布湯熬煮出嚟嘅口味，反而係有驚喜。
延伸閱讀﹕入場有限制！大埔慈山寺偽旅行驚現仿日本神社御手洗 必睇全球第2高巨型純白觀音像
有壽司師傅推介超多海膽嘅海膽軍艦，一份日本海膽軍艦$68、加拿大海膽軍艦$45，份量原來係定食上海膽軍艦嘅一倍，相信食一至兩件已經夠晒滿足。
E.A.Tips﹕
(1) 小店離大埔墟街市只係3至4分鐘步程，離新達廣場就約10分鐘步程。
(2) 新張期內外賣自取有9折優惠，但唔包括午市定食。
(3) 乘搭巴士路線64K,74B,74D,74K, 74X,75K,264R、小巴路線26,28K,501S,806C，可直達廣福道。
(4) 小店有外賣送餐服務，可致電查詢。
良鮨壽司
大埔廣福道77號地舖
12:00 – 22:00
2861 0161
