10分鐘走完南區海景步道苗鍾徑連接深水灣至黃竹坑探索唯一內陸古老石刻古蹟文物

港島南區向來係高尚住宅區，環境比市區優美，空氣污染指數較低，編輯曾經介紹過唔少南區好地方，今次就帶大家去一條極少人發現得到嘅悠閒海景步道，整條路線可由淺水灣、深水灣步行到黃竹坑，沿途享全海景緻，仰望南朗山、海洋公園遊樂設施，步道平坦而清靜，非常適合拍拖兩個人散吓步。

由中環乘搭巴士到深水灣，車程僅約20分鐘，深水灣泳灘鄰近淺水灣泳灘，同樣位處港島南區，毗鄰香港哥爾夫球會，據悉香港首席富豪李嘉誠亦於深水灣居住。沙灘並非水清沙幼，甚至乎可稱為粗糙，但海水甚深，係玩滑浪、風帆、滑板勝地。而沙灘位置亦可眺望熨波洲，背靠聶高信山，沙灘面積比淺水灣細小，但人流亦相對較少，環境相對清靜。

離深水灣泳灘不遠，有一道極少人留意到嘅海景步道，連接深水灣至黃竹坑，名為苗鍾徑，兩端距離約600公尺。路段雖然唔長，但係唔少跑友嘅跑步路線，點對點基本上只係步行10分鐘，但全程均可享全海景觀，兩個人漫步一流！

對於苗鍾徑，資料來源並唔多，據悉源由係來自兩個人嘅姓氏，由於早期香港島需由南丫島發電廠供電予香港電燈公司，負責人姓鍾，而政府地政總署方面則為Tim Mills，並建議定好走線安排，於岸邊興建行人通道，可方便公眾，最終以一道高架行人道紀念兩個人嘅友誼，將「鍾」、「Mills」結合，一中一西嘅姓氏結合都算罕有，形成苗鍾徑（Mills & Chung Path），全由當時英資嘅港燈興建同管理。

遊走苗鍾徑，可由深水灣方向作入口，又或者黃竹坑方向為入口，整個路段平坦，沿海岸綠走極輕鬆易行，可回望深水灣，亦可眺望熨波洲、南朗山、海洋公園，苗鍾徑背靠山巒，沿海而建，180度海景可隨意觀賞。而沿麗海堤岸路臨海小路走，則可同樣遊走另一段海邊步道，連接深水灣與淺水灣。

黃竹坑一端小溪亦隱藏一個史前石刻，沿南風道上行，經過港大同學會書院，即會見到黃竹坑石刻指示牌，前行1分鐘即可轉入石刻位置。而黃竹坑石刻有獨特紋理同圖騰，最大特色係當中嘅三組迴旋紋，如同動物眼睛，石刻旁邊為小溪，流水潺潺，靠近水邊。

遊人拾給而上後，穿過閘門就可於觀景台小石橋觀望黃竹坑石刻，位置靠近黃竹坑食水抽水站，但謹記唔好越過，免生危險。而黃竹坑石刻為香港九大石刻之一，但有別於香港其他石刻，係唯一位處內陸地區嘅石刻，早於1984年已被古物古蹟辦事處列為法定古蹟。

兩個人旅吓行

專題

立即 Follow E.A.Two 兩個人醫吓肚
Instagram: @e_a_two
Like Facebook 專頁: E.A.Two 兩個人醫吓肚
Subscribe YouTube Official Channel E.A.Two 兩隻嘢玩乜好，
了解更多E.A.Two 資訊

E.A.Tips :

❶ 巴士路線40, 52, 6X, 73皆可前往苗鍾徑，一端入口位置靠近深水灣沙灘，巴士路線6A,6X,73,260,973,65、小巴路線路40,40X,42皆可到達深水灣。

❷ 從海洋公園巴士總站為起點，到黃竹坑石刻步程約15分鐘，而巴士啊線41A,76則可直達南風道，前行至石刻入口僅2至3分鐘步程。

❸ 苗鍾徑全程為海邊步道，可延伸至堅尼地城方向。

❹ 石刻為文物之一，請好好保護。

❺ 深水灣為康文署正式泳灘，救生員當值時間為09:00至於18:00。

❻ 深水灣雖有基本沖身設施，但無士多等補給點。

❼ 若倒轉由海洋公園巴士站為起點，可先到黃竹坑石刻，再繞到苗鍾徑，並可以觀賞黃昏日落。

❽ 穿過海洋公園停車場，向黃竹坑體育館方向走，前往黃竹坑道，轉入南風道，10分鐘上行可達黃竹坑石刻，由石刻到苗鍾徑僅約步行15至20分鐘。

❾ 黃竹坑入口有一道樓梯，想避免上行方向，可以黃竹坑為起點，沙灘為終點。

❿ 以黃竹坑方向起步，於香島道步行，經過香港鄉村俱樂部，即可持尋苗鍾徑路口；而由深水灣方向為起點，則可以於域多利會旁邊路口進入。

❿ 注意香島道不時有大車經過，要小心安全。

❿ 雖然路段簡單，但都記得要做返防曬同帶備足夠糧水。

❿ 苗鍾徑有欄杆，但謹記唔好攀爬，免生危險。