嫌鴨仔坑泥灘多人？隱藏版皇冠郵筒起步！帶你徒步白泥日本鎌倉風格海堤眺夕陽

❶ 於元朗泰豐街乘搭小巴路線33號，即能到達深灣路及白泥，若然去上白泥鴨仔坑就直接鴨仔坑士多落車，下白泥就近總站落車。

❷ 如果要去睇皇冠郵筒，只需要於過咗流浮山，再過埋深港西部通道大橋之後，叫明記士多落有落就得，車程30分鐘內。

❸ 無論夏天定冬天，日落最佳觀賞時間都係17:00 – 18:30。

❹ 最好預先上天文台睇睇日落時間﹕http://www.hko.gov.hk/contente.htm

❺ 回程時，最好比其他人早一步走，而且去返總站上車，步行去20分鐘，否則可能會比較難上車，位置係下白泥村鄉公所門口。

❻ 白泥小巴路線33號每18至23分鐘一班車，有時會加開居民村巴，路線最遲班次係21:30。

❼ 由白泥行返出市區，步程大概係2小時。

❽ 泥灘泥土黏稠，比較濕潤，所以地面沙泥容易沾上鞋底，故最好帶備拖鞋，會比較方便。

❾ 稔灣路海堤係禁止停泊車輛，而且有警車停泊路面，故千祈唔好泊低架車喺海邊。

❿ 深灣路沿途不時有狗隻，而且似村狗或野狗，故必須要小心安全，唔好挑釁。