外賣食乜好?本地賣日本餐嘅地方有好多,丼飯、手卷、壽司、刺身都係經常受香港人歡迎嘅菜式,如果要買外賣,日本嘢都係水準較穩定嘅菜式,適合拍拖兩個人野餐。銅鑼灣就有一間小店離避風塘不遠,以手卷、丼飯為主打,更有生蠔可擇,手卷最平$16,而生蠔更低至$14!
小店以「熊築地」命名,似乎想模擬小型日本築地,加上毗連另一連鎖店「別天神」,更顯日本小街道風格。店外有少量高枱,故既可以外賣,亦可以立食,手卷、生蠔又的確立食會好啲嘅,可以即時進食。
當中,亦有自選幸運丼飯,5in1,三文魚腩、吞拿魚片、鰻魚、珍寶甜蝦、帶子,丼飯不過不失,魚生亦算新鮮,份量適中,水準都算係平穩。
店內手卷最平只係$16,而最特別嘅應該係鵝肝手卷$59、蟹膏蟹籽手卷$35、以「海膽山」作招徠嘅海膽手卷$59/一板。不過當日無晒鵝肝,亦無馬糞海膽,得返加拿大海膽,故編輯加多款中拖羅腩手卷$30,出餐速度都算快,唔使等個10分鐘。
手卷紫菜與醋飯分隔,進食時先自行包裹,可以確保紫菜仍有脆感。手卷大小適中,配料份量亦足,雖然非食到底都係餸,但放置頂端嘅魚生亦吸引。
海膽手卷其實幾受歡迎,但一格嘅海膽份量唔算多,只係海膽唔會太快溶化,入口仍算新鮮,唔會有異味,質感Creamy,略帶甘甜味;蟹膏亦出色,鹹度適中份量較海膽多,蟹籽、蟹膏都無腥味,鹹中有鮮甜味,蟹膏味久久不散,似乎比海膽更出色;拖羅亦新鮮,較其他魚類質感偏紮實,整體中規中矩,都算係可以回味嘅手卷。
E.A.Tips :
❶ 小店位置正對銅鑼灣避風塘、怡和午炮。
❷ 生蠔每隻$14,不過最少要買6隻,比較適合想睇成本又想開Party。
❷ 生蠔每隻$14,不過最少要買6隻,比較適合想睇成本又想開Party。
EATWO
Miss A
熊築地
銅鑼灣告士打道276號地下4號舖
12:30 – 02:00
9172 1167