荔枝角工廈秘道藏外賣店自選車仔麵菠菜粉皮蕃茄湯底有新意

近年，香港工廠大廈躲藏唔少高水準小店，以觀塘工廈最為人熟悉，而荔枝角工廈亦有唔少秘密通道，其中以下呢間外賣車仔麵店就躲藏於工廈一角，只有深入一隅窄巷秘道，先可以探索食店，車仔麵款式唔簡單，選擇甚多，可以拍拖兩個人試一試。

車仔麵本身係本地一種特色麵食，最初起源於50年代，當時中國大陸難民湧入香港，為求生計，只好於街頭充當流動攤販，俗稱「街頭小販」，通常都係無牌經營。其中一種食物就係車仔麵，由於擺放於改裝嘅木頭車售賣，客人可以自由選擇湯汁、配料、麵條，所以被稱作「車仔麵」。另外，有指多數車仔麵檔都只係於後巷準備食材，擺賣時又欠缺衛生，故車仔麵又被稱為「嗱喳麵」，「嗱喳」等同「污糟」。

一直以來，車仔麵都係比較平價嘅麵食，屹今仍然處於低位，而呢間位於工廈一角嘅車仔麵外賣店，自選車仔麵最少3餸，$13起錶，每份都可以配上湯汁、醬料、配料、麵或飯底。單單湯底都有至少7款，其中秘坊豬骨湯、特濃鮮茄湯都係必試嘅湯汁，前者較清甜，後者味較重，似蕃茄蓉中加咗茄膏，帶有酸甜味，而秘坊甜辣醬、麻辣醬亦可以一試，辣度唔簡單，係有兩三個層次，不過編輯認為呢種湯汁加上辣醬有啲多餘，而且影響湯汁本身原味道。