標籤: 文青打卡地

【#秒到日本】炮台山都有影相位？原來上山方向行近配水庫遊樂場，旁邊有一個充滿日式風格嘅小公園，路段更可直上紅香爐峰山頂處。

【#絕跡西環】最近海事處以防疫為由，封閉西環碼頭，並於入口處加設木板，甚至上鎖，嚴禁非工作人員嘅公眾進入，西環碼頭風景瞬間絕跡，公眾嘅市區後花園又消失一個。到底係政府與民為敵，定係以往市民進入西環碼頭時嘅行為太過火呢？

【#快閃上山】港島山徑有好多，呢條都算係快閃山徑咯！由北角配水庫背後小路延伸至小山徑入口，用最短時間兼最少體力，直上觀景台俯視300度港島東至九龍半島一帶景觀。

【#空中花園】摩星嶺風景優美不在話下，堅尼地城市區都有一個幽靜嘅空中花園？一條樓梯，就可以感受寧靜氛圍。

【#寧靜花園】大多數人去黃竹坑都係行南朗山，但南朗山山腳其實都有一個好地方，人流極少，十足十一個清靜小花園。

【#連島沙洲】靠近鴨脷洲配水庫遊樂場嘅玉桂山，為鴨脷洲東部最高嘅山峰，南面沙碮更連接小島鴨脷排，香港仔海峽、南中國海景觀盡入眼簾。

【#西灣山秘道】一般人上柴灣西灣山，大多會經過西灣炮台晨運徑，路段靠近鯉魚門公園及渡假村，不過現時渡假村因疫情轉為隔離營而封閉，行山嘅朋友亦未能途經西灣炮台晨運徑而步行上西灣山同西灣炮台。記者今次實地考察，發現有兩條小路都可以直上西灣山同西灣炮台，今次帶大家行吓呢兩條神秘通道，闖入目前極少人流嘅西灣山。

【#半山小徑】半山荷蘭徑都算係港島區嘅後花園之一，平緩山徑無需體力，可從高空望中區風景。

【#南丫島秘境】南丫島洪聖爺灣泳灘向來係遊人必到之處，但附近其實有一個人流較少而可以觀景嘅沙灘，以外藉人士為主，可以望日落靚景，都算係一個小島秘密觀景地。

【#空中花園】市區車水馬龍，要抖吓氣就要向上走，油麻地都有一個空中花園，行300幾級樓梯就到。