【#LocalTour】週末拍拖兩個人去邊好？好多人想去離島一日遊，只會諗到坪洲、長洲、南丫島等著名島嶼，以致幾個小島經常被擠得水洩不通，但事實上想登小島遊覽，亦有其他選擇。今次編輯就帶大家到兩個真正嘅香港小島，吉澳、鴨洲係香港最北端嘅小島，比東平洲更近邊境，一個有天然地質公園風土地貌，另一個有2021年9月先開通嘅文化徑，而船班次亦係週末限定，只有指定時間先會來往兩個小島，十足真正嘅香港「Local Tour」！
【#無污染水塘】大嶼山南岸山徑眾多，亦有唔少靚景沙灘，當中貝澳就係其中之一，從貝澳起步，一條路線可以輕鬆直達十塱村內一個澄澈而無雜質嘅小水塘，水塘位於芝麻灣半島，即使拍拖兩個人唔走山路，亦可以經全瀝青路到達水塘。
【#安心野餐地】最近，本地人搵食愈來愈艱難，單單堂食定外賣都要作出選擇，將食物外賣又要擔心拍拖去邊度食好，倒不如兩個人試吓去野餐，一於跟假日休息嘅「姐姐」隨時隨地隨意去吓野餐啦！雖然「姐姐」通常會選擇天橋底、天橋內，又或者隧道內等地方，但事實上我哋要野餐亦可以有更多選擇嘅，大家可以揀選有草地、有風景嘅野餐地方，唔少野餐地更可享海景。同時，無需擔心野餐點離食肆距離遠，令食物、飲品冷卻，皆因唔少都係靠近鬧市同食肆，絕對可以安心野餐！編輯搜羅咗100個本地野餐地點，早前已經一口氣為大家推介過九龍篇、新界篇、港島篇，最後推介嘅就係大嶼山及離島區各個野餐點啦！
【#神秘樹屋】隨行山郊遊人士日益增加，香港秘景愈趨減少，要拍拖兩個人找尋人流稀少嘅秘密境地，變得難上加難，編輯今次就帶大家前往隱藏於城中嘅秘點，環境幽靜，既係歷史遺跡，亦係攝影打卡好地方，遺跡中同時有一座高聳樹屋，充滿東南亞風格，霸氣非常！
【#大叔的愛取景地】大澳向來充滿水鄉感，漁村棚屋滿佈，除咗虎山同市中心，有咩地方好行？的確大澳虎山紅木橋配搭黃昏日落景絕對係影相位，觀景台簡單易行，編輯甚至聽到高跟鞋聲添！
長洲、南丫島、梅窩、坪洲係全港嘅4大離島，每個離島都有唔少小店，今次編輯就為大家推介每個離島一間隱藏版嘅離島打卡Cafe，最啱情侶周末拍拖兩個人去放空吓！
【#快閃路線】想走上東梅古道，由東涌行到梅窩，大多數人都會以黨鐵東涌站為起點，個個都教路乘搭地下鐵去東涌，唔通個個都想搭地下鐵？大概係個個都貪嗰邊方便快捷，以為係最慳水慳力又慳時間嘅方法。今次記者就帶大家由另一條路線取替經地下鐵行東梅古道，拍拖亦毋須乘搭地下鐵路，都可以兩個人以東涌為起點行到梅窩！
【#賞花地圖】無得去旅行，有無諗過一個本地旅程都可以似足去日本咁呢？今次推介長洲一遊，不單可以遊覽日式鳥居，亦可以於春季賞櫻花，重可以見到日本神社繪馬，絕對係坐船穿越日本！
【#南丫島秘境】南丫島洪聖爺灣泳灘向來係遊人必到之處，但附近其實有一個人流較少而可以觀景嘅沙灘，以外藉人士為主，可以望日落靚景，都算係一個小島秘密觀景地。
