標籤: 文青打卡

【#泰國偽旅行】泰國向來帶俾香港人度假感覺，除咗曼谷係旅遊熱門行程，其他地方如布吉、芭達雅、蘇美島都係度假勝地，而東南亞地區旅行價錢亦相宜，係拍拖情侶旅遊好地方。不過，暫時未有得去旅行之前，可以先遊走本地嘅好地方，一樣可以有泰國度假感覺，亦可以兩個人拍攝偽旅行相片，為咗營造泰國度假感，先帶大家去港島一遊。

【#台灣偽旅行】台灣中部有一條非常出名嘅「彩虹眷村」，每個去到台中嘅旅客都會到訪佈滿繽紛色彩嘅彩虹眷村打卡，拍拖情侶們可於壁畫前影吓相，但目前無得去旅行，暫時只得留喺香港，其實香港都有3條「彩虹村」。但此村不同彼村，所講嘅並非位處九龍東嘅「彩虹邨」，而係富有特色嘅壁畫村，每條村落都畫上色彩豐富嘅壁畫，用色吸睛。兩個人一日之內可以走完3個壁畫村，想輕鬆啲亦可以分3日行，倘若再加上食埋台灣菜，真係有台灣之旅嘅感覺。

【#日本偽旅行】香港有好多值得一遊嘅公園，當中有唔少係可以影吓相，先為大家推介共中5個以日式設計為主嘅小公園，大多隱藏於鬧市一隅，望落似足日式庭園，比起幾千萬嘅噴水池更有特色，可以隨時拍拖去「港版日式庭園」影吓偽旅行照片。

【#樹蔭小徑】連接太平山山頂有幾條路線，除咗纜車小徑，薄扶林家樂徑亦係其中之一，但夏日炎炎，由山腳或山腰向山頂進發係比較疲憊，編輯建議逆線而走，由山頂折返薄扶林，路段林蔭眾多，落山輕鬆易行，適合拍拖情侶散步，30分鐘可以走完薄扶林水塘道，亦可兩個人探索水塘秘道，再走訪歷史建築。

【#港版吳哥窟】疫情陰霾籠罩下，香港人未能出外旅行，令本地遊成為熱潮，唔少人幻想力變得豐富，一個又一個香港景點搖身一變成為偽國外景點，今次編輯亦前往赤柱大潭，位置係李小龍經典電影拍攝場地，可從此秘地找尋當中嘅「港版吳哥窟」，荒野堡壘隱藏於石灘背後，有如「天空之城」！

【#10分鐘船程】踏入初夏，氣溫上升，汗流浹背嘅行山路線理應需要減少，隨之而來嘅係小島遊覽同海上活動，而西貢就有多條路線通往多個小島，船程只需15分鐘嘅客家小島鹽田梓就係其中之一。相對長洲、南丫島，鹽田梓人流比較少，可以到訪全港碩果僅存嘅曬鹽場、教友村，有指鹽田梓係可以極速走完一圈嘅小島，今次編輯實試由每日最後一班船次出發，睇睇網上資訊係咪真係咁準確？

【#海邊小鎮】本地迪士尼樂園入場費人均每次要$639，即使年票亦要$1278起，去一次主題樂園可以去普慶餐廳食到至少一次Buffet，主題樂園絕對唔係經濟型拍拖情侶好去處。今次編輯推介兩個人遊走迪士尼周邊景點，既可以於港版琉森湖散步，亦可於找尋古奇城堡、復古燈塔打卡，觀賞季節限定雞蛋花同金黃色節果決明，更可以到訪一道長達2.5公里嘅海濱小路，其中1公里路更加係無人之境。今趟精彩嘅迪士尼海邊小鎮遊成本極低，唔計車費，全程都係$0！

【#姆明谷小屋】一個好嘅場景，以圍欄封實其實到底是好是壞？元朗公園嘅《姆明》小屋同荔枝角公園嘅《愛麗絲夢遊仙境》小屋大有分別，荔枝角公園容許一般人進入，但元朗公園呢個角落以白色圍欄圍封，一般人無法進入，其實等同於「廢」。編輯明白以圍欄圍封係可以保護場內嘅花草、小屋不被破獲，但事實上以金錢、心思堆砌出一個建築出嚟，若無人欣賞，等於倒錢落海，一般人路過根本唔會發現小屋係似足芬蘭童話小說《姆明》。一直唔解決源頭問題，但又圍封園內嘅地方，到底封死又有何作用？