【#港日聯手】講到香港拉麵，無論做成點，十間有十間都被本地拉麵迷評得體無完膚，彷彿無一間係合格水準。事實上，香港地欣賞比批評困難，台灣人可能比較識得欣賞別人，但香港人係唔識得欣賞他人，多數都有批評先代表有品味嘅心態。台灣人嘅「不錯」真係代表中等水準，而香港人嘅「唔錯」代表嘅已經係高水準。言歸正傳，今次E.A.Two前往上水一間由日本夫婦開設嘅本土拉麵小店，據悉至今已開業10年，一直都係只賣豬骨湯拉麵，能夠於香港呢個地方屹立10年，已經顯示其功力唔會差得去邊，值得拍拖兩個人試試。
【#闖入北區】雖然處於結業潮當中，但香港小店依然不少，只要有心尋找，拍拖兩個人留港搵食其實不難。E.A.Two繼續為香港人搜羅仍舊隱身香港、默默經營嘅地道小店，而且唔少都有一定水準。小店選擇眾多，每間各有優點同缺點，好食就食多啲，唔好食唔好逼自己食，希望本土香港人明白，自己小店自己撐！呢篇係上水篇﹕
【#懷舊扒房】香港懷舊扒房愈來愈少，雖然香港商舖執10間開16間，但執吓一間又執吓一間，扒房呢一個category真係買少見少。想要拍拖兩個人搵間扒房撐吓檯腳都唔容易！今次E.A.Two前往北區一帶，發現上水有一間頗高水準嘅舊式扒房，於粉嶺都有分店！
【#區區有小店 】香港結業潮下，美食小店似乎一間又一間逐步消失，縱然搵食艱難，現時依然有唔少值得支持嘅小店尚存，香港人一樣可以拍拖兩個人搜羅各種喜愛菜式，甚至性價比高嘅餐廳選擇。今次E.A.Two編輯就為大家整理2024年上水區尚存嘅餐廳小店，即睇該區隱藏美食介紹！
【#區區有小店】近年，香港不斷有餐廳宣佈結業，唔少有質素嘅餐廳都逐步消失，同香港講拜拜，本地尚存嘅小店數目愈來愈少。今次編輯就一次過總結返我哋實試過嘅餐廳推介，結合現時仍然有嘅餐廳美食，方便大家繼續支持本土小店，第六炮找尋上水尚存嘅本土餐廳。
【#外賣限定】離上水廣場只有5分鐘步程，就可以到達上水食街，幾條街道內有多間平民小店，價錢經濟實惠，當中有一間係好值得拍拖兩個人去食，不單水準不俗，而且尊重外賣人士，單單門口就能夠見到好多款菜式選擇都係只限外賣，連茶碗蒸外賣都有得保持「靚仔」！ 編輯曾經去過好幾間本地主打日本菜嘅小店，發現茶碗蒸係最麻煩嘅一款菜式，要不整個茶碗蒸蛋就被反轉缺乏賣相，要不就直頭唔願意供應，外賣定食無茶碗蒸蛋都試過。今次上水呢間小店既尊重外賣人士，連茶碗蒸蛋都有專用碗，而且細心啲睇會見到茶碗蒸嘅小碗係屬於7號塑膠，能夠耐高溫，呢種塑膠一般會用於運動水樽或嬰兒奶樽等用途。
【#最後機會】近年，香港城市變化愈來愈大，食肆開一間又執一間，唔少都寧願選擇結業，一係經營不善，一係移民。最近編輯又發現一間於上水開業5年嘅小店，表示只做到9月尾，門口寫明「再見上水」，並無標示結業原因，只係提到「老細唔撈啦」、「經歷上水嘅變化同善忘」，所以先決定於月底結業，想拍拖兩個人最後前往試吓就要趁最後幾日去食啦！
【#醬汁用心】上水有一間只有二、三百呎嘅蚊型小食店，開業至今有6至7年，現時店舖招牌雖然有幾分花俏，但實際上內籠望落非常殘舊，罨罨耷耷，行過未必會想食，小食以港式、台式為主，但原來係有驚喜嘅，醬汁先至係精華所在，難怪受到區內街坊同學生哥歡迎。
【#全部都係雞】香港人對於米線、麵類都相當熱衷，碗碗不單快靚正，而且價錢低廉，故米線檔、麵檔都開完一間又一間，的而且確，能夠拍拖兩個人日日食嘅唔係西餐廳，亦唔係咖啡店，反而係呢種街坊麵檔。上水有一間小店已經開業3年，一直堅持做「雞」……係「雞湯麵」先啱，至今仍然保持水準，甚為難得。而幾個月前，呢間雞湯麵店於旺角開設分店，靠近鬧市，而當中一款雞湯麵的確係同上水店如出一轍，編輯決定慳返啖口水，毋須重複評價。
【#冬蔭功車仔麵】上水匯背後向來係美食區，有多間小店可為拍拖兩個人提供選擇，編輯亦曾嘗試幾間小店，但通常都係走向符興街右邊方向，今次就向符興街左邊方向找尋小店，當中有一間以售賣車仔麵為主嘅麵檔，以中泰式為主打，店名「亞來」亦恍惚似泰文發音。
