楓葉香港

【楓葉預告2022】九龍塘秘道闖市區秘密花園 根德道夕陽下4棵楓香紅紅綠綠逐步變色

【#楓葉預告】11月起秋意濃濃,既係郊遊季節,亦係芒草及楓葉嘅最佳觀賞期,有人會選擇到外地旅行賞楓,亦有人未能出遊,只能拍拖兩個人於本地賞楓。觀賞紅葉嘅地方有好多,元朗大棠、烏蛟騰等都係熱門之地,部份需要行山,而其實市區都有好多賞楓好去處,今次編輯推介一個位於九龍塘嘅秘密花園,既可觀賞楓葉,背後更有可望夕陽,當楓葉與夕陽交疊時,畫面更唯美。

【楓葉預告2022】將軍澳市區高聳楓香矗立寶林公園 近體育館圖書館學校綠葉隨時變紅葉

【#楓葉預告】秋天又到,意味楓葉季節亦即將來臨,大棠楓香林既係熱門楓香地帶,連欣澳海旁、烏蛟騰、青衣公園等都變成大眾知悉嘅香港紅葉好去處,重有邊度有楓葉呢?事實上,可以拍拖兩個人觀賞楓葉嘅地方重有好多,編輯即將會嘗試逐一預告,想更快知道賞楓地點,可以Like吓我哋Facebook呀! 11月賞完芒草,接住又可以賞楓葉, 紅噹噹畫面顯現片片紅葉,帶嚟秋色,每每感覺唯美。若未有機會去外地旅行,不妨拍拖兩個人於本地賞楓,有部份紅葉地點需要攀山涉水,但其實重有好多係隱藏市區當中。今次前往將軍澳市區一帶,原來一個小公園內,都藏兩大株楓香,位置只係迷你公園內嘅一道小通道,呢道小通道可以通往寶康公園,位置為寶林市中心。