目的只為大家搜羅香港最新同值得留意嘅餐廳。
免責聲明﹕餐廳均為自費，只為編輯親身實試，所有發表之原創文章內容僅屬個人意見及感受，不代表餐廳言論及立場，更多資訊請直接查詢官方平台或尋求專業意見，若從而引起任何損失或法律糾紛，本平台概不負責。
【#平靚正散水餅】近年，香港唔知邊度推出「散水餅」文化，打工仔一旦離開公司，就需要買餅送畀同事；而香港離職文化唔再係以前離職做法，舊時其實係「羅漢請觀音」咁被同事請食飯。離職唔知買咩散水餅好？想控制成本，又擔心買得太cheap畀人唱衰？今次E.A.Two提議一個Cupcake品牌，既可以拍拖兩個人自私食，買嚟做散水餅又夠經濟實惠，杯子蛋糕更有mini版提供，可愛精緻又唔失禮，半打$100有找！
【#旺角新店】去日本旅行，「松屋」通常都係拍拖兩個人食宵夜嘅好地方，因為24小時營業；但喺香港生存，「松屋」就隨時係正餐嘅地方。「松屋」攻港，早於佐敦插旗，後來於長沙灣開設分店，近月更宣佈於旺角鬧市開設第3間分店，並選址知名地標「朗豪坊」對面，交通方便、水準穩定，重要24小時營業，無得輸啦！
【#結業潮2025】唔經唔覺，2025年已經過咗一半，但香港餐廳小店結業潮就無停過。本來就已經唔多選擇，現時一間又一間於眼前消失得無影無蹤。與其不斷更新，倒不如一次過講晒佢，今次E.A.Two就整理返2025上半年已結業或已宣佈結業嘅小店名單，當中有18間餐廳同告結業，而7間餐廳則有分店結業，僅餘其他地區分店。拍拖兩個人去搵食時，記得睇睇target嘅店舖有無執笠到呀！
【#純素pizza】近年好多人都鍾意素食餐廳，素食的確係頗受歡迎嘅選擇，今次E.A.Two就去到屯門一間全素Pizza店，價格極相宜，兩個人買完埋單都唔使$150，絕對係拍拖兩個人平民選擇！
【#人氣蛋包飯】近年，好多人成日話飲食業低迷，餐廳無咩客人，好難做到落去，但若然有吸引力依然有好多人慕名而至。有一間以人氣日式蛋包飯店，由大圍轉場到荃灣，整體其實不過不失，拍拖兩個人可以一試。不過，E.A.Two覺得有一樣嘢真係絕對要大扣分，到底係咩呢？
【#地道手搖飲】香港最為人熟悉嘅茶飲係台式手搖飲，近年重有陸式香精茶飲，但其實本地都依然有唔少自家製嘅港式手搖茶飲，好多都係真材實料同無添加，比外地而嚟嘅更值得拍拖兩個人支持。粉嶺聯和墟就有一間人氣鮮椰子汁專門店，可以揀椰子汁或椰子汁特飲，配料toppings竟然佔一半！
【#港日聯手】講到香港拉麵，無論做成點，十間有十間都被本地拉麵迷評得體無完膚，彷彿無一間係合格水準。事實上，香港地欣賞比批評困難，台灣人可能比較識得欣賞別人，但香港人係唔識得欣賞他人，多數都有批評先代表有品味嘅心態。台灣人嘅「不錯」真係代表中等水準，而香港人嘅「唔錯」代表嘅已經係高水準。言歸正傳，今次E.A.Two前往上水一間由日本夫婦開設嘅本土拉麵小店，據悉至今已開業10年，一直都係只賣豬骨湯拉麵，能夠於香港呢個地方屹立10年，已經顯示其功力唔會差得去邊，值得拍拖兩個人試試。
【#月餅攻略2025】每年中秋都要拍拖兩個人揀月餅，雖然近年選擇愈來愈少，但都依然有得揀。以冰皮月餅為主打嘅「大班冰皮月餅」一早已易手，近月更正式結業，香港小店今年有好幾間都有製作冰皮月餅，更有唔同口味可以選擇！部份香港月餅近年連英國都有得食，今年有小店更設有英國專線；而如果真係要買連鎖店嘅月餅，應該去邊間呢？今次E.A.Two編輯就特別為大家整合2025年中秋節月餅推介良心合集，即刻搵返啱你心水嘅月餅口味！
【#鐵板小食】東涌區內小店美食極少，目前只係淨返三至四間，今次E.A.Two就前往唯一未食過嘅鐵板小食外賣店。該店位於以懷舊風為主打設計嘅東涌逸東邨香港街市外，水準都有驚喜，而且營業至凌晨時份，拍拖兩個人去東涌行山前後，不妨去試一試！
