分類: 兩個人醫吓肚

【#屋邨拉麵】香港人好少對餐廳給予正面評價，一間無批評嘅食店其實已經代表值得拍拖兩個人前往嘅餐廳。當中，最難獲得好評嘅莫過於拉麵店，今次E.A.Two就前往於2025年初重開嘅拉麵店，一直隱身於青衣屋邨內，可以話全港最平靚正嘅拉麵，經常開門前就出現人龍！

【#人氣肉餅山】香港本地雜貨店選擇愈來愈少，而荔枝角D2 Place入面本身就有唔少小店可以選擇，當中有間雜貨舖，目前已經由兩間店舖合體，一間係賣生活雜貨，另一間就係賣水果為主，今次E.A.Two發現當中重有售賣一款來自於港島大坑嘅人氣肉餅山，就算係九龍人，都可以拍拖兩個人返屋企自己蒸嚟食！

【#街坊燒鵝】天水圍嘉湖新北江商場向來係香港其中一個美食集中地，一間間小店匯聚於此，好多都係街坊食堂。E.A.Two曾經去過唔只一間，今次又去吓另一間受到街坊歡迎嘅燒味飯店，以燒鵝為主打，每逢食飯時間就會好多人排隊等候，燒鵝髀飯竟然要百幾蚊，到底值唔值得拍拖兩個人去食呢？

【#港式大排檔】雖然好香港嘅餐廳已經消失得七七八八，但其實有心搵一樣可以拍拖兩個人搵到港式地道選擇。今次E.A.Two前往大圍一個舊式屋邨僅存嘅港式冬菇亭，歷史有超過30年，朝早係一間茶餐廳，夜晚就係食小菜嘅大排檔。

【#藤椒魚皮】上水座落香港北區，想要搵餐廳選擇並唔多，今次前往一間隱身屋苑地下嘅街坊小食店，距離中心點唔算太遠。上一次，E.A.Two於鴨脷洲食過藤椒魚皮之後，就愛上咗呢款小食，今次於呢間微舖小食店竟然都見到有水準不俗嘅藤椒魚皮，重有其他自製小食可以選擇。