灣仔金庸武俠小說主題Cafe玩味十足！笑林寺隱藏被咖啡耽誤嘅意粉大廚？

雖然近年香港結業潮湧現﹐但有啲餐廳依然客人一個接一個，價格豐儉由人﹐E.A.Two覺得今時今日仍然能夠吸引客人拍拖兩個人排隊都照食，必然有原因。香港有唔少咖啡店，灣仔有一間中西合璧嘅咖啡店非常有玩味，實試之後就覺得咖啡唔係最吸引，意粉先至係最意想不到嘅選擇，入面絕對有位被咖啡耽誤嘅意粉大廚！

座落灣仔大街上嘅「笑林寺」，取「笑林寺」同音字，由外到內均以金庸武俠小說為主題，堪稱武俠主題Cafe！一打開餐牌，發現每一樣菜式都係武功、武器同武俠小說地名，名稱都巧花心思，雖則唔知有咩關係，但就玩味十足，夠晒gimmick，marketing嚟講係幾吸睛。

室內外裝潢都以古代客棧為主調設計，特別選用中式檯櫈同瓷器做餐具，甚至有個書櫃放有武功書籍，包括金庸小說，點餐之後發現咖啡係以中式茶杯盛載，好似穿越古裝片飲茶咁。不過，行入嚟唔知有咩武功練呢？

咖啡選擇﹕
大力金鋼指＝Americano$32
金鋼伏魔圈＝Lungo$32
太極拳＝Piccolo$40
六脈神劍＝Flatwhite$40
化骨綿掌＝Cappucino$40
一陽指＝Latte$40
九陰白骨爪＝Mocha$48
玄冥神掌＝Cold Brew$60

其他飲品有單品咖啡$50-70、茶$52、真橙汁$40、真朱古力$45，而任何咖啡可以選擇咖啡豆，包括巴士、埃塞俄比亞，一款係nutty口味，另一款就係fruity口味。Americano同Latte就係一黑一白咖啡，黑咖啡配搭中式茶杯特別似中西合璧，西式咖啡本身嘅微微苦澀味導致有飲中式苦茶嘅感覺，而白咖啡有奶泡就有拉花，入口較順滑，先有奶泡嘅滑溜同綿密，然後就有咖啡味湧出，奶香甜味中和返。兩者選擇咗唔同咖啡豆，真係分別有nutty同fruity口味。

麵包有倒踩三芝雲$68、滿地花雨擲肉碎$80、挪威北斗陣$74、黃金堅壁$116，沙律菜有旋風素落葉$118，all day breakfast變咗笑足全日$138。輕食有牛角包$24、酸忌廉芝士bagel$35、美式鬆餅配奶酒果醬$38、厚切香蕉蛋糕$35。bagel有少少乾身，欠缺bagel本身入面嘅煙韌質感，但酸忌廉芝士係原味，鹹中有甜，無溝咩特別材料，而甜品有焦糖燉蛋$40、冰火島$62，焦糖燉蛋甜品正常發揮，甜度適中，無咩太大驚喜﹐爭少少蛋香味。另外，有部份自家製甜品喺counter嗰邊，例如baileys芝士蛋糕$48、tiramisu$62、apple crumble$62、taro cake$55、檸檬撻。

E.A.Two覺得最特別嘅反而係意粉，當中有今次選擇嘅赤煉神掌$86，即自家製蕃茄牛肉麵紅酒酸忌廉意粉。其他選擇有桃花島$96，即煙三文魚酸忌廉煙肉白酒意粉；草上飛$88，即大時菇自家製青醬忌廉蕃茄粒洋蔥碎蒜白酒意粉；火焰刀法$86，即煙肉菠菜洋蔥碎蕃茄粒小紅椒蒜白酒意粉；獨菇劍法$98，即黑松露醬菇類洋蔥碎蒜忌廉白酒意粉。自家製蕃茄牛肉麵紅酒酸忌廉意粉真係條檢爽滑彈牙，有咬口。蕃茄牛肉醬份量多而濃味，蕃茄粒同牛肉碎好多，酸甜味足夠，好開胃。除咗有啲蒜味，最點睛係入面有洋蔥香甜味。佢嘅意粉比部份西餐廳更加出色，絕對係被咖啡耽誤嘅意粉大廚！