慈雲山係一個完全屋邨地，同時係一個學校邨，週邊最多嘅就係屋邨同中小學，附近都係街坊同學生。不過，該區食肆並唔多，至今都有唔少餐廳結業，E.A.Two已經食得八八九九，今次去嘅餃子店就係附近車仔麵店嘅姊妹店，拍拖兩個人想食平啲都有所選擇。
餃子有生招牌生煎餃同湯餃，煎餃$58／10隻，$50／8隻，5隻餃跟粉就只係$48，煎餃雖然幾香口，餃皮煎得脆口，但就有少少油膩，用多咗油煎。餃子有超過10款口味，比如係韭菜鮮豬肉餃、大白菜豬肉餃、雲耳椰菜豬肉餃、西洋菜豬肉餃、香芹芫荽豬肉餃、紫菜蔥花豬肉餃、菠菜南瓜芝士餃、泡菜芝士豬肉餃、沙嗲金菇牛肉餃、北方羊肉餃、黑松露野菌豬肉餃等等，甚至有口水汁撈餃，$50／10隻，$46／8隻。現場會見到後面一直喺度人手包餃子，而檯面可以任加菜甫，配搭餃子味道剛好，相對口水小食反而唔會太辣。
湯餃有分鮮雞湯、蕃茄薯仔湯、麻辣湯，$48／10隻，$44／8隻，5隻跟粉為$44。蕃茄薯仔湯無乜太大驚喜，湯水比較稀，湯料唔係太多，只係無味精，無多餘味道，比較簡潔。餃子皮偏薄，餡料就算唔係太多，感覺都係塞滿餃皮內。今次選擇咗芫荽餃、椰菜餃同菠菜餃，芫荽同椰菜餃都唔錯，菜量同豬肉量比例似三比二，肉量唔少。不過，菠菜餃食完就定格咗，一啖入口芝士味怪怪的，呢隻芝士同菠菜味完全唔夾，同蘑菇配芝士係兩回事。菠菜加芝士入口好膩，蓋過菠菜鮮甜味，如果就咁菠菜配豬肉餡就100分。
另外，店內都有唔少小食，比如口水雞$42至$68，口水汁亦可配皮蛋$25、青瓜$25、皮蛋豆腐$28，麻辣汁非常濃郁，辣度都幾高，只係唔係平時嘅口水汁，質感就似醬料，麻中有辣，幾刺激。聽聞有款石板孜然牛柳粒$120幾受歡迎，石板同石鍋好似比餃子更高評價，下次有機會可以試一試。
E.A.Tips :
❷ 堂食時間截王22:00。
❸ 餃子店係可以直接買生餃。
❹ 留意煎餃可以揀擺碟上或石板上，板上會較keep到溫度，但碟上就會冇咁油膩。
兩三碗餃子
慈雲山毓華里20號華麗商場UG樓1及5A號舖
11:00 - 23:45
6524 6102
土瓜灣人氣茶飲店裕吉堂近月重開！手搖飲貴過碟飯？店舖限定用茶煮飯整炸雞？
【#重開試業】土瓜灣向來美食眾多，E.A.Two已經基本上食過晒值得前往嘅小店，有好多更加係重複地去完又去。當中有間原先位於大街上嘅茶飲店「裕吉堂」喺上年底宣佈結業，而近月就重開試業，選址轉為內街，原先只提供外賣，現時就增設堂食，重有土瓜灣限定嘅茶味嘅飯餐，碟飯比茶飲更加抵食，拍拖兩個人不妨一試。
原來是水門雞飯副線？荃灣路德圍人均$50碟頭飯、雞記冰室四寶係乜料？
【#雞飯副線】E.A.Two去過荃灣路德圍好多次，大致上都食勻晒值得拍拖兩個人去嘅香港小店，原來真係有漏網之魚！路德圍近荃錦中心一隅有一間港式茶記模式嘅餐廳，以雞為主打，據悉係一間知名雞飯外賣店嘅副線╴價格同外賣差唔多，都係咁抵食。
銅鑼灣樓上舖一定要訂位？吳留手居酒屋燒物有驚喜！午市原條粉嫩厚舌芯定食$150有找！
【#老銅居酒屋】如果講銅鑼灣加居酒屋，通常第一時間都係覺得會好貴，就算午市價錢都唔會平，今次E.A.Two就前往「老銅」市區街頭小巷轉角處一間居酒屋，原來係一間樓上舖，午市價錢都算適中，拍拖兩個人去食都係可以接受，不過原來原先需要book位？
【區區有小店之台灣篇2026】全台19間香港人小店！星級牛腩麵／自修室咖啡／雪花冰／港式菠蘿油／媽媽料理
【#台灣香港人2026】近年唔少香港人到外地闖一闖，台灣就係其中一個聚集香港人嘅國家，甚至有唔少香港人經營嘅食肆，拍拖兩個人去台灣嘅時候不妨去支持一下啦！以下係全台灣由本土香港人開嘅餐廳同店舖，由台北到宜蘭，台中到高雄，都有近20間小店可以選擇。
【區區有小店之全港廢水地圖2026！41間本土茶飲＋4間台灣直營店一覽！翡翠檸檬茶／蜜柑烏龍／珍珠奶茶／椰子汁／五花茶／純果茶手搖飲品！
【#香港茶飲2026】台灣有好多手搖飲品店，自從珍珠奶茶打入香港市場之後，本地愈來愈多茶飲店，唔少香港人都逐漸習慣拍拖兩個人出街人手一杯。雖然全盛期香港有海量茶飲店，但隨住結業潮湧現，茶飲店都少不免一間又一間結束營業。不過，目前依然營業嘅茶飲店都唔少，而唔少年輕人更改稱茶飲為廢水，呢個詞語近年流行於香港同澳門。E.A.Two今次又再整理本地嘅茶飲店地圖，重有幾間係台灣直營嘅手搖飲料店，到底有幾多間呢？台灣直營固然係有水準保證，但希望大家首選係本地出品嘅茶飲店啦！
【區區有小店2026】將軍澳、康城、坑口、寶林、調景嶺31間尚存餐廳美食！手打魚蛋粉／港式糖水舖／鮮果茶／藍芝士蘋果薄餅
【#將軍澳美食2026】一年又過去，香港小店買少見少，E.A.Two繼續為香港人搜羅仍舊隱身香港、默默經營嘅地道小店，小店選擇眾多，兩個人出街拍拖可以慢慢揀。每間食肆都有優點同缺點，真正避免中伏唔係跳走，而係要知道邊度好邊度差。好食嘅就去食多啲，唔好食唔好逼自己食。到今時今日，香港依然係自己小店自己撐！呢篇係將軍澳、康城、寶林、調景嶺、坑口篇﹕
赤柱隱藏免費博物館！香港懲教博物館毗連監獄！設10個展覽館＋2個打卡位、最驚喜係邊個？
【#赤柱博物館】於2025年11月，有個「香港博物館節」，有超過17個博物館都係免費入場，但就唔包括隱身於赤柱嘅呢個博物館。不過，呢個博物館本身都係免費入場，如果拍拖兩個人於赤柱一帶散步，不妨順路遊覽呢個展覽館。
超迷你唐樓博物館隱身上環街頭！近PMQ元創方／新聞館！保留裝潢、件件舊香港人昔日必備架生！
【#超迷你博物館】好多人成日話香港無地方去，無嘢好行，其實現時依然有好多地方隱身市區內，值得拍拖兩個人去搜索一下。今次E.A.Two就前往一間近月先開放公眾進入嘅「唐樓博物館」，原來呢間小型博物館真係隱身於一幢唐樓內，入面保留咗昔日嘅場景同用具。而唐樓位置唔單止近上環知名文創地標「PMQ元創方」，同時毗鄰「香港新聞博物館」，任何人都係免費入場，即睇預約方法！
實試官方導賞團！一次參觀尖沙嘴2大法定古蹟、深入了解天文台總部＆前九龍英童學校英式建築！
【#本地導賞團】如果拍拖兩個人喺香港唔知去邊度好，不妨試吓join香港導賞團，對香港地隨時有更深認識，有好多係平時無咩人留意而又鮮為人知。今次E.A.Two就選擇參與尖沙嘴兩個景點嘅導賞團，呢兩個地方唔單止係英式建築物，而且都係一早被列為「香港法定古蹟」，原來每個禮拜只有1日有得導賞團，到底點樣join呢？
舊京都風小屋已拆走！北角天后廟道三號花園日式庭園竟變單一朱紅色鳥居裝飾？
【#再獻新猷】近年小說《我所看見的未來》翻hit，唔少人竟然因為一本小說而擔心「7月5日災難性大地震」預言成真，連7月日本旅遊人次都大幅減少。日本素材向來受到港人拍拖兩個人歡迎，港島區一個公園早年就有一個京都風庭園，今日小屋已被拆走，取而代之嘅只係單一朱紅色鳥居裝飾，唔通係為咗香港人唔飛日本而設？
落機無需搭地鐵！香港機場巴士路線直出市區車費更低？即睇港九新界E車、A車、N車攻略！
【#機場巴士】無論係旅客搭飛機嚟香港旅遊，抑或香港人由外地返香港，由香港國際機場出發前往市區，好多人都會選擇乘搭地鐵。不過，其實香港機場有大量巴士路線可以選擇，唔單止可以直出市區，而車費隨時更低，甚至全天候都有車往返機場，拍拖兩個人由機場去市區都好方便。到或巴士路線中嘅E車、A車、N車有咩分別呢？即睇香港機場巴士路線攻略！
承豐道隱藏漩渦形純白觀景台！公園毗鄰啟德體育園／Airside！清靜海濱長廊180度瞰港九東西維港景！一條路線穿梭空中花園＋郵輪碼頭公園！
【#散步日常】近年，啟德一帶吸引唔少人流，「啟德體育園」就係人流聚集嘅地方，而最近其實重有一個隱藏「啟德體育園」同「啟德郵輪碼頭」之間嘅賞景觀景台。該觀景台設計既似一個漩渦，亦可以連接「啟德空中花園」走道、可以180度眺望港九東西維多利亞港景色同煙花景嘅「啟德海濱長廊」，甚至一條路線直達「啟德郵輪碼頭」，人流稀少，沿途環境清靜，適合拍拖兩個人散吓步。