土瓜灣向來美食眾多，E.A.Two已經基本上食過晒值得前往嘅小店，有好多更加係重複地去完又去。當中有間原先位於大街上嘅茶飲店「裕吉堂」喺上年底宣佈結業，而近月就重開試業，選址轉為內街，原先只提供外賣，現時就增設堂食，重有土瓜灣限定嘅茶味嘅飯餐，碟飯比茶飲更加抵食，拍拖兩個人不妨一試。
原先位於土瓜灣馬頭圍道大街上嘅「裕吉堂」，於2025年9月底結束營業，但轉眼間於10月又喺啟德開設分店，而近月土瓜灣店就重開試業，不過就轉址到土瓜灣內街上。原本土瓜灣店只係得外賣茶飲選擇，但現時新店就有堂食座位，多咗唔少飯餐。
店內有珍品金花蜜$32至$38、蝦方草本燉檸檬$40至$46、八女抺茶鮮奶黑糖黑珍珠$42至$48、焙茶岩鹽芝士奶蓋椰子水$45至$51、開心果鮮奶昔$50至$56、鮮榨葡萄柚冰茶$32至$34，老老實實茶飲嚟講價錢都幾高，明星應援系列茶飲甚至要$54！其中，珍品金花蜜就係有朵菊花配搭蜜糖水，菊花味係幾香，唔係死甜味，佢應該係足料，但感覺無乜特別，返去加料再飲好似菊花味已經散晒，而茶飲價錢亦都似大半係資助業主舖租。
睇埋飯餐價錢，價格差唔多，呢個唔知係咪合理化煙幕，定係有對比，令客人感覺想sell嘅嘢幾抵食。比如有靜岡焙茶辛口咖哩炸雞飯$62、焙茶滷蛋$9、和風牛肉飯$55、招牌四時健脾草本關東煮$52、裕吉章魚小丸子$38、邪惡裕芝牛肉飯$62、八味裕芝牛肉飯$65、裕脆雞件6隻$34、熔茶岩鹽芝士奶蓋炸雞6件$38。好多都係用茶飲為基底，將茶融合飯內，抹茶、焙茶、草本、芝士奶蓋呢啲分明係茶飲嘅元素，聽聞當中有個店主係有中醫背景，難怪選擇似中日混合風格。
同茶有關嘅主食就係靜岡焙茶辛口咖哩炸雞飯同咖哩牛肉飯，係日式咖哩飯，不過茶味唔算好突出，咖哩汁都幾多吓，拍得住「很得輝」嘅蘑菇飯，食到底都重有汁。炸雞嘅炸功又幾好，外脆內軟，不過入口似鹽酥雞，乜唔係主打日式，應該係唐揚雞咩？
留意該店同其他小店有聯乘優惠，去完一間之後，去第二間可以減$5！參與自發優惠活動嘅除咗「裕吉堂」，重有「有樂燒味」、「日昇小食」、「來泰巷」、「茜麵」、「煥林粉麵食店」，非食肆嘅係「土家故事館」、「麻堂客棧」。
E.A.Tips :
❷ 食個飯比部份茶飲價錢更低。
❸ 原先位於大街馬頭圍道，最近土瓜灣店已經搬到內街上鄉道，而啟德都有分店。
❹ 試業期間有紅紙，但門口有明顯嘅明星應援。
裕吉堂
土瓜灣上鄉道7號地舖
12:00 - 20:30
2900 2009
裕吉堂
九龍城啟德沐翠街12號雙子匯2期SNDO 6樓631號舖
11:30 - 22:00
3590 6069
【中秋月餅2026】超過20間香港小店本地生產月餅！流心咖啡／港式奶茶／金腿伍仁／開心果麻糬／黑芝麻冰皮／燕窩月餅！留意早鳥優惠、英國專線點買？
【#月餅攻略2026】每年一到暑假，都係準備預訂中秋月餅嘅時候。隨住本地結業潮，拍拖兩個人喺香港買月餅，選擇可能已經愈來愈少。不過，識揀依然有唔少選擇，首選一定係小店模式，如果真係想再穩陣啲，都可以揀日資連鎖店。上年有店舖特設英國專線，今年都唔例外。E.A.Two又再整合2026年中秋節月餅推介，想食咩口味嘅月餅都係任君選擇！
灣仔金庸武俠小說主題Cafe玩味十足！笑林寺隱藏被咖啡耽誤嘅意粉大廚？
【#被咖啡耽誤】雖然近年香港結業潮湧現﹐但有啲餐廳依然客人一個接一個，價格豐儉由人﹐E.A.Two覺得今時今日仍然能夠吸引客人拍拖兩個人排隊都照食，必然有原因。香港有唔少咖啡店，灣仔有一間中西合璧嘅咖啡店非常有玩味，實試之後就覺得咖啡唔係最吸引，意粉先至係最意想不到嘅選擇，入面絕對有位被咖啡耽誤嘅意粉大廚！
荃灣海旁屋苑平台隱藏平價漢堡包／Pizza店！Hustle Guy近月搬入街市重新開業！
【#搬遷試業】要數荃灣區平靚正嘅美食，應該有排數，呢個大區每個角落都有值得拍拖兩個人前往嘅小店。今次E.A.Two於海濱一帶去到一個屋苑平台，當中有一間隱身街市內嘅burger同pizza店，真係可以叫做平靚正，難怪一直係街坊選擇。最近該店更將原店搬入街市內，堂食座位增加，試業當中連紅紙都未拆！
土瓜灣人氣茶飲店裕吉堂近月重開！手搖飲貴過碟飯？店舖限定用茶煮飯整炸雞？
【#重開試業】土瓜灣向來美食眾多，E.A.Two已經基本上食過晒值得前往嘅小店，有好多更加係重複地去完又去。當中有間原先位於大街上嘅茶飲店「裕吉堂」喺上年底宣佈結業，而近月就重開試業，選址轉為內街，原先只提供外賣，現時就增設堂食，重有土瓜灣限定嘅茶味嘅飯餐，碟飯比茶飲更加抵食，拍拖兩個人不妨一試。
原來是水門雞飯副線？荃灣路德圍人均$50碟頭飯、雞記冰室四寶係乜料？
【#雞飯副線】E.A.Two去過荃灣路德圍好多次，大致上都食勻晒值得拍拖兩個人去嘅香港小店，原來真係有漏網之魚！路德圍近荃錦中心一隅有一間港式茶記模式嘅餐廳，以雞為主打，據悉係一間知名雞飯外賣店嘅副線╴價格同外賣差唔多，都係咁抵食。
銅鑼灣樓上舖一定要訂位？吳留手居酒屋燒物有驚喜！午市原條粉嫩厚舌芯定食$150有找！
【#老銅居酒屋】如果講銅鑼灣加居酒屋，通常第一時間都係覺得會好貴，就算午市價錢都唔會平，今次E.A.Two就前往「老銅」市區街頭小巷轉角處一間居酒屋，原來係一間樓上舖，午市價錢都算適中，拍拖兩個人去食都係可以接受，不過原來原先需要book位？
赤柱隱藏免費博物館！香港懲教博物館毗連監獄！設10個展覽館＋2個打卡位、最驚喜係邊個？
【#赤柱博物館】於2025年11月，有個「香港博物館節」，有超過17個博物館都係免費入場，但就唔包括隱身於赤柱嘅呢個博物館。不過，呢個博物館本身都係免費入場，如果拍拖兩個人於赤柱一帶散步，不妨順路遊覽呢個展覽館。
超迷你唐樓博物館隱身上環街頭！近PMQ元創方／新聞館！保留裝潢、件件舊香港人昔日必備架生！
【#超迷你博物館】好多人成日話香港無地方去，無嘢好行，其實現時依然有好多地方隱身市區內，值得拍拖兩個人去搜索一下。今次E.A.Two就前往一間近月先開放公眾進入嘅「唐樓博物館」，原來呢間小型博物館真係隱身於一幢唐樓內，入面保留咗昔日嘅場景同用具。而唐樓位置唔單止近上環知名文創地標「PMQ元創方」，同時毗鄰「香港新聞博物館」，任何人都係免費入場，即睇預約方法！
實試官方導賞團！一次參觀尖沙嘴2大法定古蹟、深入了解天文台總部＆前九龍英童學校英式建築！
【#本地導賞團】如果拍拖兩個人喺香港唔知去邊度好，不妨試吓join香港導賞團，對香港地隨時有更深認識，有好多係平時無咩人留意而又鮮為人知。今次E.A.Two就選擇參與尖沙嘴兩個景點嘅導賞團，呢兩個地方唔單止係英式建築物，而且都係一早被列為「香港法定古蹟」，原來每個禮拜只有1日有得導賞團，到底點樣join呢？
舊京都風小屋已拆走！北角天后廟道三號花園日式庭園竟變單一朱紅色鳥居裝飾？
【#再獻新猷】近年小說《我所看見的未來》翻hit，唔少人竟然因為一本小說而擔心「7月5日災難性大地震」預言成真，連7月日本旅遊人次都大幅減少。日本素材向來受到港人拍拖兩個人歡迎，港島區一個公園早年就有一個京都風庭園，今日小屋已被拆走，取而代之嘅只係單一朱紅色鳥居裝飾，唔通係為咗香港人唔飛日本而設？
落機無需搭地鐵！香港機場巴士路線直出市區車費更低？即睇港九新界E車、A車、N車攻略！
【#機場巴士】無論係旅客搭飛機嚟香港旅遊，抑或香港人由外地返香港，由香港國際機場出發前往市區，好多人都會選擇乘搭地鐵。不過，其實香港機場有大量巴士路線可以選擇，唔單止可以直出市區，而車費隨時更低，甚至全天候都有車往返機場，拍拖兩個人由機場去市區都好方便。到或巴士路線中嘅E車、A車、N車有咩分別呢？即睇香港機場巴士路線攻略！
承豐道隱藏漩渦形純白觀景台！公園毗鄰啟德體育園／Airside！清靜海濱長廊180度瞰港九東西維港景！一條路線穿梭空中花園＋郵輪碼頭公園！
【#散步日常】近年，啟德一帶吸引唔少人流，「啟德體育園」就係人流聚集嘅地方，而最近其實重有一個隱藏「啟德體育園」同「啟德郵輪碼頭」之間嘅賞景觀景台。該觀景台設計既似一個漩渦，亦可以連接「啟德空中花園」走道、可以180度眺望港九東西維多利亞港景色同煙花景嘅「啟德海濱長廊」，甚至一條路線直達「啟德郵輪碼頭」，人流稀少，沿途環境清靜，適合拍拖兩個人散吓步。