分類: 兩個人影吓相

【#隱藏郵筒】夏天行山並唔係易事，本來大嶼山石壁郊遊徑係一道新手路線，但夏日炎炎，拍拖兩個人要走逾6公里落斜嘅山路其實都難以忍受，倒不如來個石壁快閃遊，探索最有歷史價值嘅事物，但又毋須走太多路嘅路線，最後更可以挑選大嶼山任何一個沙灘遊玩，豈非樂哉？

【#鬧市秘道】銅鑼灣鬧市不單止係購物中心，又或係美食區，其實識搵一樣可以都搵到鬧市中嘅淨土，先睇吓一座古典復興教堂，再找尋秘道通往海旁，感受鬧市中避風塘，適合拍拖情侶到鬧市散步，順道兩個人去打吓卡。

【#到底有幾猛】本地剩餘嘅皇冠郵筒仍有不足100個，今次編輯帶大家探視躲藏於柴灣屋邨內嘅圓柱形英式皇冠郵筒，只要大家拍拖兩個人從郵筒起步，更可以前往屋邨後山，探索僅餘嘅舊式公園鐵滑梯，公園背後亦有一道秘道連接到英式石橋，而呢道石橋又叫做猛鬼橋，到底係咪真係咁猛鬼，背後又有咩原因呢？

【#舊區足跡】九龍城最出名嘅地方係九龍寨城，該地曾經係一個「三不管」地帶，唔少人到九龍城一日遊就只會前往九龍寨城公園認識歷史，但其實區內大部份街道都佈滿舊有歷史建築痕跡，包含一幢幢戰後建築物，實際畫面比一塊塊展板內容更豐富。走進九龍城區街道內，即可拍拖兩個人切身處地認識歷史，不過市政局於近月已經扑鎚宣佈即將會將九龍城區拆卸重建，建立全新綜合政府大樓，舊有歷史痕跡隨時會被清零。

【#蒸點心】講到沙田瀝源邨，有留意eatwo嘅讀者應該會記得編輯曾經推介過3間瀝源邨內嘅良心小店，拍拖兩個人行到沙田嘅話都可以支持支持，但事實上瀝源邨內重有一間超級秘密嘅小店，比上次介紹嗰3間更值得支持，老闆娘非常熱情，而且出心出力，極有善心，凡事不遺餘力，雖然店舖位於街市內，但你亦可以於街市外邊位置點餐，再自行選擇野餐地點。

【#殖民建築物】講到石澳一日遊，好多人第一時間諗起石澳情人橋上年重開，回復舊貌，能夠拍拖兩個人前往打卡，但其實石澳有一個地方早於2013年被列為二級歷史建築物，而且係入石澳必經之路，位置離經典電影取景地不遠，適逢巴士站剛剛翻新重開，不妨抬頭望一望啦！

【#手卷野餐】講到將軍澳野餐地點，以下呢個地方係受到香港人歡迎嘅拍拖野餐地，皆因地方俗大，內有寬廣草地，初春時份更有櫻花觀看，今次編輯就趁初春時到大草地野餐，兩個人可以帶同手卷去作野餐食物，相當方便，當中離公園不遠就有一間小店，手卷足料，價錢貼地，受到街坊歡迎。

【#隱藏別苑】提到黃大仙祠，一般人都會諗起香火鼎盛嘅畫面，的確黃大仙祠係本地著名廟宇之一，但原來背後隱藏咗一個別苑，可謂祠中綠洲，適合作休憩地，拍拖兩個人可以漫步兼影吓相。