石壁郵筒+石壁石刻+石壁水塘+貝澳

石壁快閃遊!全港3大水塘探索監獄前皇冠郵筒/古老石刻 貝澳超長淺灘遍佈水牛

夏天行山並唔係易事,本來大嶼山石壁郊遊徑係一道新手路線,但夏日炎炎,拍拖兩個人要走逾6公里落斜嘅山路其實都難以忍受,倒不如來個石壁快閃遊,探索最有歷史價值嘅事物,但又毋須走太多路嘅路線,最後更可以挑選大嶼山任何一個沙灘遊玩,豈非樂哉?

於大嶼山石壁總站落車後,沿石堅水塘路走,只需向前步行1分鐘,就可以到達石壁監獄外嘅停車場,搵到一個相當有歷史價值嘅產物,位置極為偏僻。呢個歷史產物係英國皇冠郵筒,以入牆式平頂設計,係一個方形郵箱,郵箱上寫有編號143,曾經被重點復修,故郵箱甚簇新,少見生鏽或油漆剝落嘅情況。

只不過,郵箱底部並無寫有任何製造商名字,邊度製造就不得而知,只係金屬製同平時見到嘅英國製郵箱有啲分別,如果無製造商名稱,則好大可能係本地製造。不過,郵箱上刻有「GR」嘅字樣,「G」係象徵「George」,而「R」則為拉丁文「Rex」,有「皇帝」意思,故此「GR」即係英皇佐治五世年代。而英皇佐治五世嘅統治期為1910-1936,意味該郵筒係呢段時間製造。

然後,繼續向同一方向走,經過石壁監獄正門,前行約3分鐘就會到達石壁石刻入口處。石壁石刻係全港9個石刻當中其中一個,其他石刻分佈於東龍島、長洲大浪灣、龍蝦灣、分流石圓環、滘西洲、蒲台島、黃竹坑,而石壁石刻於1938年被發現,位處石壁水塘底,另一端臨近海旁,離海邊僅有約300米,而石刻上嘅符號圖案有同心正方形、圓形,組成幾何紋理,狀似古代青銅器,就似古代雕刻,早年就被考古學家推斷係青銅器時代刻鑿,有逾3000年歷史,係一個史前石刻,由1979年起被列為香港法定古蹟之一。

繼續上行約10分鐘,就會返回嶼南道石壁警崗,等同鳳凰徑第九段,即巴士行車路線,對岸就係石壁水塘,水塘對出有停車處。石壁水塘位處南大嶼郊野公園內,東至狗牙嶺,西至羌山,南至東灣,北至木魚山、獅子頭山、心經簡林、天壇大佛。水塘湖面平靜,波平如鏡,三面環山,連綿山脈清晰可見,景色蒼翠,湖水甚清澈,如同翡翠湖泊,環境如同山水畫一樣,風景秀麗,環境幽靜,空氣清新,右邊可見石壁竪井塔,仰望則為天壇大佛背面。

石壁水塘於1963年建成,可截存附近山嶺水流,係全港第3大水塘,呢個水務設施儲水量極高,僅次萬宜水庫、船灣淡水湖,係香港大型水庫之一,主壩靠近路邊,水塘底則為石壁監獄及石壁石刻。水塘本來用於提供食水予附近4條村莊,包含石壁大村、墳背村、崗貝村、坑仔村,以解決水源問題,輸水管道更可連接港島西端摩星嶺,滿水時水流會到水口排出大海。

由石壁水塘乘搭一程巴士路線,可以直達大嶼山嶼南道沿途任何一個沙灘,包含上長沙泳灘、下長沙泳灘、塘福泳灘,今次就直踩貝澳泳灘。不過,走到貝澳泳灘之前,先帶大家找尋另一個同型英式郵箱,靠近貝澳泳灘嘅郵箱位於新圍村至老圍村,編號117號,背後係放置垃圾嘅地方,同樣係一個平頂入牆式嘅方型郵箱,亦無顯示任何製造商名稱。更重要嘅係,雖然呢個係英式郵箱,但就唔似平時見到鑄有嘅皇冠徽號嘅郵筒,郵箱上並無任何英國皇室嘅標誌。

一直向海邊方向走,約5分鐘步程就能夠到達貝澳泳灘,貝澳又名杯澳,地形狀似螺,為芝麻灣以西,長沙以東,南大嶼郊野公園以南,加上山巒起伏,背靠大東山、二東山、蓮花山,向來係大嶼山著名景點之一。本來貝澳泳灘係一個有豐富生態之源嘅地方,沙灘位置嘅水質被評為良好至一般,中間一帶範圍更係一個黑沙沙灘,相當天然,沙灘可眺望一端芝麻灣半島及老人山,更可以觀賞黃昏日落景緻。

而沙灘附近不時可見一隻又一隻大水牛,皆因貝澳一帶本來係田地,水牛係用作耕種之用。貝澳泳灘背後就係貝澳營地,不過近年就被露營活動玩爛,只因官方營地唔開放,令唔少人擅闖私人地方紮營,甚至出現人牛爭位嘅情況。沙灘一角盡頭可見天后廟,離芝麻灣道只係約50米步程,不過就需要隔水,只係近芝麻灣位置嘅海水就唔太清澈。

E.A.Tips :

❶ 無論石壁水塘定石壁石刻,都可以於東涌巴士總站乘搭11號,然後於石壁水塘大壩前落車,右邊係水塘,而左面條路就係通往石刻,同時係通往石壁監獄嘅路。

❷ 如果要到石壁郵筒,建議同樣於東涌巴士總站乘搭11A號,會經過沙咀,可以直抵石壁總站,位置靠近石壁監獄,因為郵筒就喺監獄對面停車場。

❸ 雖然石壁總站至石壁石刻條路係公家路,但石壁監獄門口有大量CCTV同人員看守,所以必須小心言行舉止,編輯拍攝郵筒期間發現背後一直有人於瞭望處望實停車場郵筒方向,所以都唔敢逗留太耐。

❹ 乘搭巴士1,2,11號,可以連接石壁至貝澳。

❺ 巴士3M號可以往返貝澳至東涌,甚至梅窩,不過折返東涌嘅話,大多數人都會於羅屋村等車,建議折返前一個巴士站,即新圍村,甚至老圍村,會比較少人等車。

❻ 嶼南道新圍村有一段路係無行人路,所以要特別小心安全。

❼ 貝澳沙灘為正式泳灘,有基本設施。

❽ 如要於大嶼山揸車,必須預先向運輸署申請1日「大嶼山封閉道路」通行證,俗稱禁區紙。

❾ 無論石壁水塘定石壁石刻,都可以於東涌巴士總站乘搭11號,然後於石壁水塘大壩前落車,右邊係水塘,而左面條路就係通往石刻,同時係通往石壁監獄嘅路。

❿ 如果要到石壁郵筒,建議同樣於東涌巴士總站乘搭11A號,會經過沙咀,可以直抵石壁總站,位置靠近石壁監獄,因為郵筒就喺監獄對面停車場。

⓫ 雖然石壁總站至石壁石刻條路係公家路,但石壁監獄門口有大量CCTV同人員看守,所以必須小心言行舉止,編輯拍攝郵筒期間發現背後一直有人於瞭望處望實停車場郵筒方向,所以都唔敢逗留太耐。

⓬ 乘搭巴士1,2,11號,可以連接石壁至貝澳。

⓭ 巴士3M號可以往返貝澳至東涌,甚至梅窩,不過折返東涌嘅話,大多數人都會於羅屋村等車,建議折返前一個巴士站,即新圍村,甚至老圍村,會比較少人等車。

⓮ 嶼南道新圍村有一段路係無行人路,所以要特別小心安全。

⓯ 貝澳沙灘為正式泳灘,有基本設施。

EATWO
Miss A

石壁石刻

大嶼山石壁

石壁水塘

大嶼山石壁南大嶼郊野公園內

貝澳泳灘

大嶼山貝澳
24hours
2984 1116