分類: 兩個人影吓相

【#即將拆卸】踏入11月，灣仔分域碼頭（Fenwick Pier）、海軍商場（Fleet Arcade） 已經步入倒數階段，及後即將被清拆，碼頭歷史可追塑至19世紀，尤如美國海軍基地，而商場則為60年代落成，如果要拍拖兩個人再感受吓本地碩果僅存嘅復古地帶，此處真實嘅歷史痕跡比虛擬佈景更值得參觀，想去懷緬一下就記得12月前要去啦！

【#芒草路線2021】秋天又係影芒草嘅時候啦！唔少人都會上大東山、飛鵝山、大帽山影芒草，今次編輯就行另一條路線，都係上山，不過只係一座簡易小山峰，海拔僅高約121米，靠近元朗、天水圍，拍拖兩個人上山頭盡覽360度景觀，路程短途之餘亦可見芒草、蘆葦草風景，觀賞黃昏日落景、晚霞景，交通同樣非常方便。

【#海景步道】港島南區向來係高尚住宅區，環境比市區優美，空氣污染指數較低，編輯曾經介紹過唔少南區好地方，今次就帶大家去一條極少人發現得到嘅悠閒海景步道，整條路線可由淺水灣、深水灣步行到黃竹坑，沿途享全海景緻，仰望南朗山、海洋公園遊樂設施，步道平坦而清靜，非常適合拍拖兩個人散吓步。

【#晨運路線】青馬大橋係連接青衣、馬灣嘅主要路線，向來係攝影人士愛好影吓相嘅地方，唔少人亦會專程對青馬大橋打個卡，逐漸變成打卡地標，事實上最適合拍攝青馬大橋嘅地方有兩條路線，其中一條係可以放眼大橋嘅青衣自然徑，另一條路線則為探索大橋底部嘅西草灣，既係老少咸宜，亦都係適合拍拖兩個人散吓步嘅好地方。

【#悠然步道】秋天來臨，最啱上山感受濃濃秋意，又唔想太辛苦住嘅話，可以試試小西灣歌連臣角嘅臨海步道，既有小西灣海濱花園，亦有擁「大電視」嘅黑角頭碉堡，亦可以拍拖兩個人徒步大浪灣，甚至石澳，由小西灣步行到歌連臣角道，上山徒步到大浪灣，只係約1小時步程，路段清晰，簡單易行。

【#秘密步道】牛池灣位處觀塘興黃大仙之間，斧山就係鑽石山至牛池灣之間嘅地方，由龍翔道經小路可以通往一道無人山徑，該荒蕪山徑已經修復好樓梯級，完全方便拍拖兩個人上山，而且少有被打擾嘅情況，山頂位置可同時眺望代表香港嘅獅子山、飛鵝山，現時路段有幾個出入口，甚至可以連接飛鵝山山腳。

【#舂坎角秘道】今年初，港島兩條荒廢古道內嘅歷史遺跡備受關注，古道內含有大型石拱橋，吸引唔少行山客慕名而至，但就未必人人都識得去，今次編輯就先帶大家拍拖兩個人走走其中一條古道，1小時內足以走完整條古道，路段於地圖上甚為隱蔽，但其實簡單而行。

【#芒草預告】秋季來臨，既係觀賞紅葉嘅季節，亦係找尋蘆葦同芒草嘅季節，秋天就係蘆葦同芒草最佳觀賞期，今次編輯先以一條路線帶大家去搵吓蘆葦同芒草啦！蘆葦同芒草向來係攝影不敗題材之一，情侶拍拖去影吓相亦難掩浪漫，不過芒草同蘆葦、茅草並唔一樣，大多數芒草都係生長於山上，如果唔行山其實係難以找尋得到，但事實上亦有地方係無需要辛苦上好高嘅山亦可以拍攝到！

【#秘密花園】由藍田去將軍澳，唔一定要搭車，行路一樣可以到達，由藍田公園行到五桂山，再經茅湖山，即可到達將軍澳方向，沿路既有隱藏影相位，又有遼闊景觀，值得一遊。

【#偌大草地】提到地質公園，大多數人諗起嘅都係橋咀島等熱門景點，編輯反而想提及荔枝莊內鮮為人知嘅香港世界地質公園，各種風化岩石極具觀賞價值，而荔枝莊既連接白沙澳，亦可直通往深涌，擁有綠草如茵大草地嘅深涌曾一度係露營發燒友愛到嘅戶外露營地，拍拖兩個人於大草地內散步行逛，空氣清新，令人放鬆又自在。