分類: 離島

【#長洲真野餐】長洲小島內美食眾多，除咗長洲夜市、人氣茶飲店長洲角酪，島內良心食店其實亦有近20間，恍惚變成黃洲，係各個離島中最多選擇嘅一個，菜式任揀，無論西式定中港台日韓風格應有盡有，拍拖兩個人心多想試多幾款？編輯提議大家跟隨以下野餐方式，到店外地方野餐，自然可以享受更多美食，絕對係一次過滿足幾個願望！

【#秘密小沙灘】夏日炎炎，暑氣逼人，天上艷陽高照，烈日當空，多行幾步都汗如雨下，身體變得灼熱，想驅走酷暑悶熱嘅天氣，最佳答案必然係拍拖兩個人去水上活動啦！7月已到達尾聲，你又開始咗下水禮未呢？香港有唔少水上活動，近年獨木舟、直立板等都變成熱門水上玩樂活動，西貢等地係熱門落水好去處，連沙灘都開始多人，今次編輯就推介一個躲藏於離島嘅好地方，位處南丫島，不單係一個康文署正式泳灘，長期擁一級水質，位置正對西面，可以觀賞夕陽西下景色，但星期日下晝時間16:00 全個泳灘人數只有20人，絕對係本地隱藏版沙灘！

【#LocalTour】週末拍拖兩個人去邊好？好多人想去離島一日遊，只會諗到坪洲、長洲、南丫島等著名島嶼，以致幾個小島經常被擠得水洩不通，但事實上想登小島遊覽，亦有其他選擇。今次編輯就帶大家到兩個真正嘅香港小島，吉澳、鴨洲係香港最北端嘅小島，比東平洲更近邊境，一個有天然地質公園風土地貌，另一個有2021年9月先開通嘅文化徑，而船班次亦係週末限定，只有指定時間先會來往兩個小島，十足真正嘅香港「Local Tour」！

【#無污染水塘】大嶼山南岸山徑眾多，亦有唔少靚景沙灘，當中貝澳就係其中之一，從貝澳起步，一條路線可以輕鬆直達十塱村內一個澄澈而無雜質嘅小水塘，水塘位於芝麻灣半島，即使拍拖兩個人唔走山路，亦可以經全瀝青路到達水塘。

【#安心野餐地】最近，本地人搵食愈來愈艱難，單單堂食定外賣都要作出選擇，將食物外賣又要擔心拍拖去邊度食好，倒不如兩個人試吓去野餐，一於跟假日休息嘅「姐姐」隨時隨地隨意去吓野餐啦！雖然「姐姐」通常會選擇天橋底、天橋內，又或者隧道內等地方，但事實上我哋要野餐亦可以有更多選擇嘅，大家可以揀選有草地、有風景嘅野餐地方，唔少野餐地更可享海景。同時，無需擔心野餐點離食肆距離遠，令食物、飲品冷卻，皆因唔少都係靠近鬧市同食肆，絕對可以安心野餐！編輯搜羅咗100個本地野餐地點，早前已經一口氣為大家推介過九龍篇、新界篇、港島篇，最後推介嘅就係大嶼山及離島區各個野餐點啦！

【#神秘樹屋】隨行山郊遊人士日益增加，香港秘景愈趨減少，要拍拖兩個人找尋人流稀少嘅秘密境地，變得難上加難，編輯今次就帶大家前往隱藏於城中嘅秘點，環境幽靜，既係歷史遺跡，亦係攝影打卡好地方，遺跡中同時有一座高聳樹屋，充滿東南亞風格，霸氣非常！

【#大叔的愛取景地】大澳向來充滿水鄉感，漁村棚屋滿佈，除咗虎山同市中心，有咩地方好行？的確大澳虎山紅木橋配搭黃昏日落景絕對係影相位，觀景台簡單易行，編輯甚至聽到高跟鞋聲添！