北眺亭+長洲北配水庫公園+長洲關公忠義亭+學校路+神學院

經偽鳥居登長洲最高點北眺亭 關公忠義亭背後躲藏超隱秘殖民時代懷舊T形街牌

感謝瀏覽我們的網站,很抱歉,由於網站發生故障,本頁文章部分內容暫時未能顯示,我們現正搶修當中,不便之處敬請原諒。

相關內容亦可到我們facebookMEWEYOUTUBE或IG專頁找到。

長洲觀景點有好多,隨手都揀都一至兩條路線,今次編輯帶大家拍拖兩個人經長洲鳥居登上全島最高點,路段輕鬆易走,既可俯視東灣仔,亦可遠眺多個小島,另一邊帶大家找尋躲藏於長洲小街道內嘅殖民時代產物,即係現時已經極罕見嘅懷舊T形街牌。

 

從碼頭向北端方向步行,有兩條路線都可以攀登長洲最高點北眺亭,一邊係消防局轉入北帝廟,向長利公園方向上行,然後經過被稱為長洲鳥居嘅長洲北有蓋配水庫公園,就可以上行至北眺亭。不過,編輯始終比較鍾意經長貴路直行至大貴灣沙灘,轉上長北路、長洲家樂徑,先登上北眺亭,然後下行至長洲鳥居位置,先登北眺亭或先登長洲鳥居嘅兩個路口其實只係咫尺之間。



 

北眺亭最高點海拔有約91米,但上行路段並唔艱辛,遊人稀少,可以至少180度觀景,山頂一端可望北角咀、民航處長洲導航站,亦可以俯視山腳東灣仔沙灘,另一端可回望東灣沙灘,亦可以遠眺多個小島,比如係喜靈洲、南丫島、周公島、坪洲,甚至係西環、青洲、交椅洲方向,位置相信都係觀賞夕陽景色嘅好地方。

 

延伸閱讀﹕【2021賞花地圖】30分鐘船程穿越日本! 走訪日式鳥居兼神社繪馬打卡 一棵棵桃紅櫻花艷絕長洲

 

由北眺亭下行,即可偽長洲鳥居,由於編輯當日因為介紹櫻花而將配水庫公園寫成長洲鳥居,估唔到又係變成最先介紹始祖之一,所以現時無打算詳細再講。由配水庫公園下行,即可抵達至北帝廟,然後可以折返長洲碼頭。而北帝廟本身有逾200幾年歷史,一早被列為一級歷史建築物,過往長洲搶包山都會選擇北帝廟對出空地舉行。



 

向南端方向前行,近長洲體育館會見到長洲警署,以殖民時代風格設計,已經被列為三線歷史建築物。而離長洲關公忠義亭不遠之處,會發現一個殖民地歷史痕跡,而且係極少人會留意嘅產物。編輯所講嘅就係殖民時期先有嘅懷舊T形街牌,該街牌附近更有同屬殖民時代嘅英國皇冠郵箱。位置係滿佈長洲中學嘅學校路,包含校舍被列為二級歷史建築物嘅長洲官方中學,亦曾經歷二戰時期,溫習小學常識課外題一定會識嘅香港首個奪得奧運金牌嘅選手李麗珊亦係該校著名校友。

 

學校路嘅舊式T形街牌極為隱蔽,直頭係保護色一樣,牆身用色一致,T形街牌躲藏於牆身內,而且刻有「學校路」嘅T形街牌下方放置兩個電燈箱,若然唔係刻意尋找,真係難以發現呢個殖民時代嘅舊式街牌。呢種T形街牌係殖民時代獨有產物,T形外框於30至50年代以鐵鑄造,現時好少見嘅金屬街牌,最大優點係保養期長,上方為英文街名,而下方則為中文街名,英文街名係從左讀向右,但中文街名就係由右讀向左。



 

另外兩個位處長洲嘅T形街牌位於中興街、大新街,不過編輯未搵到,唯有留返下次再搵,如果搵到嘅讀者可以Facebook留言話我哋知呀!

E.A.Tips :

❶ 於中環5號碼頭乘搭渡輪前往長洲,船程約30分鐘至1小時,視乎快船定慢船,假期班次通常會設於30分或00分,平日多為15分,詳情請參閱船公司網站。

❷ 前往北眺亭有兩條路線,一係經消防局、關帝廟,經過長利公園;一係經長貴路、長北路上,經過大貴灣公園。

❸ 學校路街牌位於長洲學校路1號中華便以利會長洲堂牆上。

❹ 謹記自己垃圾自己帶走。

EATWO
Miss A
北眺亭+長洲北配水庫公園+長洲關公忠義亭+學校路+神學院

北眺亭

離島長洲

北眺亭+長洲北配水庫公園+長洲關公忠義亭+學校路+神學院

長洲北有蓋配水庫公園

離島長洲長北路
24hours

北眺亭+長洲北配水庫公園+長洲關公忠義亭+學校路+神學院

長洲關公忠義亭

長洲觀音灣路
24hours
6736 3778

北眺亭+長洲北配水庫公園+長洲關公忠義亭+學校路+神學院

學校路街牌

學校路5號A

北眺亭+長洲北配水庫公園+長洲關公忠義亭+學校路+神學院

建道神學院

長洲山頂道西22號
2981 0345