元朗打卡

【邊境一日遊】尖鼻咀濕地5分鐘登龜山眺后海灣 沙橋村蠔殼田絕美夕陽餘暉

【邊境一日遊】尖鼻咀濕地5分鐘登龜山眺后海灣 沙橋村蠔殼田絕美夕陽餘暉

【#邊境路線】天水圍米埔濕地係眾所週知嘅地方,只不過唔係一般人能夠隨便進入嘅地方,其實米埔旁邊亦有一個值得拍拖兩個人前往參觀嘅好地方。從地圖上可見,尖鼻咀毗鄰米埔濕地,整道海邊步道能眺望北方,海面水平如鏡,內有一個只需5分鐘步程就能登頂嘅超矮小山峰,不遠處更有一個非常適合觀賞夕陽西下靚景嘅蠍殼田,景色比流浮山更壯觀,兩端可以來往天水圍至元朗。

嫌鴨仔坑泥灘多人?隱藏版皇冠郵筒起步!帶你徒步白泥日本鎌倉風格海堤眺夕陽

【#白泥另一角】講到黃昏時份觀賞日落嘅好地方,白泥一定係佼佼者,太陽逐步消失於地平線嘅現象向來受到唔少人歡迎,當中白泥又分為下白泥、中白泥、上白泥,編輯曾經提過大家下白泥同上白泥嘅分別,方便大家找尋落日餘暉,事隔幾年,當然並唔係單單再講白泥鴨仔坑,而係一個充滿日本鎌倉風格嘅海堤,海邊禁止停車,故此係一個只有徒步先可以到達嘅地方,由白泥稔灣路隱藏版皇冠郵筒起步,拍拖兩個人30分鐘內即能到達。

鹵家+東頭工業區遊樂場

食神叉燒飯賣幾錢?元朗鹵味店兼賣燒味鹵汁香濃惹味 工業區搜羅野餐隨行好地方

【#隱藏山路】元朗有唔少山丘,當中有一座山隱藏於元朗後山嘅小山丘,靠近橫洲娛苑,一道小秘道就可以通往一座極少人步行登上嘅小山丘,讓大家拍拖兩個人輕鬆爬142級樓梯就能夠登頂,一方面可瞰雞公嶺,另一方面亦可眺望天水圍後山淋坑山。

新田加州花園保留罕見赤紅色殖民時代電話亭 英式小庭園探索圓柱形皇冠郵筒/貴族風時鐘

新田加州花園保留罕見赤紅色殖民時代電話亭 英式小庭園探索圓柱形皇冠郵筒/貴族風時鐘

【#殖民時代】《God Save The Queen》係所有英屬香港居民一定記得嘅歌曲,因為香港曾經係英國殖民地,而隨住「去殖」問題,淨餘嘅殖民時代產物到底又淨返幾多呢?單單皇冠郵筒已經愈趨少見,而英國赤紅色電話亭更加係幾近絕跡,原來現時只有兩個地方仍舊保留呢種真英國赤紅色皇冠電話亭,其中一個就係新田加州花園,位置如同一個英式小花園,有時間不妨拍拖兩個人去懷緬一下啦!

秋季芒草:髻山

1小時登山尋芒草!元朗髻山360度賞景 後山寧靜鄉郊觀魚塘賞日落

【#芒草路線2021】秋天又係影芒草嘅時候啦!唔少人都會上大東山、飛鵝山、大帽山影芒草,今次編輯就行另一條路線,都係上山,不過只係一座簡易小山峰,海拔僅高約121米,靠近元朗、天水圍,拍拖兩個人上山頭盡覽360度景觀,路程短途之餘亦可見芒草、蘆葦草風景,觀賞黃昏日落景、晚霞景,交通同樣非常方便。

秋季芒草:元朗南生圍+錦田河背水塘

秋季率先賞芒草!穿梭元朗南生圍+河背水塘 毋順登山走水泥路輕鬆尋芒草地

【#芒草預告】秋季來臨,既係觀賞紅葉嘅季節,亦係找尋蘆葦同芒草嘅季節,秋天就係蘆葦同芒草最佳觀賞期,今次編輯先以一條路線帶大家去搵吓蘆葦同芒草啦!蘆葦同芒草向來係攝影不敗題材之一,情侶拍拖去影吓相亦難掩浪漫,不過芒草同蘆葦、茅草並唔一樣,大多數芒草都係生長於山上,如果唔行山其實係難以找尋得到,但事實上亦有地方係無需要辛苦上好高嘅山亦可以拍攝到!

元朗公園日本姆明小屋

童話國度!元朗驚現香港姆明小屋 神還原芬蘭童話小說場景

【#姆明谷小屋】一個好嘅場景,以圍欄封實其實到底是好是壞?元朗公園嘅《姆明》小屋同荔枝角公園嘅《愛麗絲夢遊仙境》小屋大有分別,荔枝角公園容許一般人進入,但元朗公園呢個角落以白色圍欄圍封,一般人無法進入,其實等同於「廢」。編輯明白以圍欄圍封係可以保護場內嘅花草、小屋不被破獲,但事實上以金錢、心思堆砌出一個建築出嚟,若無人欣賞,等於倒錢落海,一般人路過根本唔會發現小屋係似足芬蘭童話小說《姆明》。一直唔解決源頭問題,但又圍封園內嘅地方,到底封死又有何作用?