eatwo 兩個人醫吓肚

【#上山下海】西貢行山路線繁多，適逢初夏時份，今次帶大家輕鬆遊走西貢東壩至白腊灣沙灘，登上破邊洲，地質步道附近有一條路線可以同時包含上山下海，適合拍拖兩個人閒遊一下。

【#少人嘅沙灘】踏入盛夏，又係時候去沙灘玩吓水，不過熱門沙灘人流極多，往往需要見縫插針，難以享受陽光與海灘環境。今次編輯帶大家去一個人流比較少嘅沙灘，車輛無法進入，只可以兩個人靠雙腿去沙灘位置，最適合拍拖情侶靜靜遊沙灘！

【#回望赤柱】盛夏來臨，又係時候去吓沙灘，單單一個赤柱就有幾個沙灘，赤柱向來以歐陸風情聞名，但現時往往被擠得人頭湧湧，事實上兩個人行多幾分鐘，就可以稍稍避開人群，找尋靠近赤柱而舒適嘅沙灘。

【#商業區兩餸飯】中環至金鐘、銅鑼灣至灣仔一帶均為香港中區，亦係本地商業區，區內餐廳向來價格偏高，只有快餐店午餐價錢比較相宜，但事實上中區都有平民兩餸飯，與其去食唔值得去食嘅快餐，倒不如去幫襯本地能夠支持嘅兩餸飯，健康又合心水，即使拍拖兩個人去買，隨時$100有找！ 港島區最後一間兩餸飯店，亦係開業最耐嘅一間，由2008年至今已有逾10年，一直躲藏於金鐘海富商場內，每盒兩餸飯$46，價錢唔包括要另加$6嘅湯水，每日堅持有8款餸，菜單幾乎日日不同，餸菜款式包含咸蛋蒸肉餅、麻婆豆腐、粟米肉粒、雲耳蒸雞、西芹雞柳等，一直標榜「家庭式住家餸」、「絕無味精」、「少油」。的而且確，餸菜喺醬汁、油份方面係抵制得宜，整體並唔油膩，而醬汁又唔會太濃稠，肉類都係挑選比較瘦削嘅肉質。

【#隱藏山路】元朗有唔少山丘，當中有一座山隱藏於元朗後山嘅小山丘，靠近橫洲娛苑，一道小秘道就可以通往一座極少人步行登上嘅小山丘，讓大家拍拖兩個人輕鬆爬142級樓梯就能夠登頂，一方面可瞰雞公嶺，另一方面亦可眺望天水圍後山淋坑山。

【#樂富唯一】踏入樂富，最頭痛嘅係拍拖兩個人態該去邊度搵食？要找尋可以進入嘅餐廳少之又少，事實上目前只有兩間（編按﹕樂富廣場Seafood Stand早已經易手），一間叫三和茶餐廳，另一間叫有咸有甜，前者顧名思義為茶記，後者則為外賣小食店，一夜之間轉為同路人，編輯認為無需要批鬥，時間可以證明一切，可以逐步慢慢觀察，最重要係擴闊圈子。

即將踏入秋天，又準備到行山季節，西貢山徑亦預 […]

【#迷你居酒屋】西貢係夏天、秋天熱門嘅香港好去處，夏天多水上活動，而秋天就多行山活動、露營活動，去西貢搵食，除咗食街小巷，其實出面重有好多可以拍拖兩個人去試吓嘅餐廳，今次就搵到離碼頭不遠處嘅一間迷你居酒屋，以串燒為主打，午市套餐最平只係$40，特別在於一碗水準不高嘅普通拉麵並非配搭日式叉燒，而係其他配料，大多數都係店內主打嘅串燒。

【#高汁遊樂場】香港有好多個配水庫，通常靠近配水庫嘅遊樂場都係市區後花園，而近月牛頭角配水庫附近就有一個全新遊樂場，場內有別於一般配水庫遊樂場，並非只有大草地，更有一個超特別遊樂設施，同坊間公園大有分別，無論刺激度定造型上都別具一格，而設施同野餐大草地剛分成兩個區域，拍拖兩個人野餐都相當方便。