【泰國偽旅行】錦田遊港版翟道翟週末市集歎完正宗泰菜再去森林露營度假

[sig_post_pv label=””] 個人瀏覽過

泰國翟道翟週末市集向來係大受本地人同旅客歡迎嘅市集，翟道翟只限週末開放，市集地方偌大，攤販分佈每個角落，新貨、古物應有盡有，集食玩買於一身，而香港錦田亦有一個週末市集，有如迷你版翟道翟，同一區內更可以品嚐一下由泰國人炮製嘅正宗泰菜，非常方便。

（1）錦田﹕Kokkok

步入錦田，先找尋呢間泰國菜小店，門面以黃色為主調，加設綠色鐵閘，風格獨特，最特別之處係廚房內嘅係泰國人，每款菜式都好有水準，屬正宗地道風味泰國菜，而且價錢相宜，經濟實惠。

延伸閱讀﹕錦田隱世正宗泰國菜平價濕炒河粉極惹味

（2）錦田紅磚屋

折返錦田吉慶圍附近，不難發現一間以紅磚堆砌嘅紅磚屋，磚牆已夠吸睛，室內則為一個小型市集，有如跳蚤市場，內有逾50個舖位，大多以雜貨為主，可以慢慢搜羅心頭好，感覺恍如泰國翟道翟週末市集，充滿悠閒感覺。

延伸閱讀﹕錦田紅磚屋前身係蠟燭廠室內市集52間小店驚喜尋寶

（3）錦田逢吉鄉﹕Glamping

走到近郊方向，位置靠近逢吉鄉，可以來一趟森林露營，大玩Glamping！近年，Glamping成為熱門活動，簡單嚟講係Camping2.0，源由係將Camping、Glamorous兩個字組合，有豪華露營嘅意思，採用奢侈浮華帳幕，有如歐洲富裕人家森林中狩獵。逢吉鄉有多個露營地點，包括Park Nature、Urban Quit Garden，都屬收費營地，相當有泰國度假風情。