分類: 兩個人醫吓肚

【#人氣滷味】上年2月由台北登陸香港銅鑼灣嘅燈籠滷味，開業後經常大排長龍，每次經過都會見到人流幾乎未曾減退過，呢間主打台式滷味嘅小店，可謂登龍街人氣之選，今年更推出銅鑼灣店限定嘅「抗疫二人套餐」，包含地道滷味小食，適合拍拖兩個人去食，感受返久違嘅夜市風味。

【#正宗泰國菜】筲箕灣東大街向來係港島東區一個搵食地帶，一條街內有多間可以推薦拍拖兩個人去試吓嘅小店，當中近香港海防博物館方向就有一間正宗泰國菜，味道可以媲美泰國當地質素，而午市套餐亦係平民價錢，每份都足以飽肚。

【#大碗泰北菜】夏日炎炎，氣溫高嘅情況下就最啱食東南亞菜，而辣椒有助排毒祛濕，泰國人通常愛好以辣椒炮製菜式，當中泰國菜就係於香港最常品嚐到嘅東南亞菜式，平常主打泰國菜嘅餐廳有唔少，但講到泰北菜就似乎唔太多。深水埗基隆街就有一間主打泰北菜嘅小店，價錢平民，而出品又相當正宗，拍拖兩個人走入小店內有如穿越泰國一樣。

【#街坊星馬菜】編輯認為小店最突出嘅地方並唔係菜式，而係店內嘅男侍應，佢絕對做足一個餐廳侍應嘅本份，有禮貌又有親切感，語氣、說話非常有趣，可以令繃著臉嘅香港人回心微笑，感覺好搞笑，呢啲真係香港人精神。呢位男士應該係可以15分鐘唔停口講嘢，而且係全無悶場嘅人，如果有最佳侍應選擇，佢大概有資格打入頭三甲。

【#手打烏冬】位於大角嘴嘅東京手打烏冬專門店，講到明主打係手打烏冬，手打烏冬店的確比拉麵店少，呢間價錢幾親民，每款以街坊價，拍拖兩個人去都會覺得係經濟型嘅選擇。

【#平民居酒屋】於橫街窄巷內搵食，不時會有驚喜，今次記者走到太和小區內，赫然發現一間相當有日本風嘅和食居酒屋，由裝潢到食物，以至環境、背景音樂，都充滿日式風格，倘若拍拖兩個人掛住日本美食，不妨搵吓小區小店，隨時比大型連鎖店有驚喜。