夏日炎炎，氣溫高嘅情況下就最啱食東南亞菜，而辣椒有助排毒祛濕，泰國人通常愛好以辣椒炮製菜式，當中泰國菜就係於香港最常品嚐到嘅東南亞菜式，平常主打泰國菜嘅餐廳有唔少，但講到泰北菜就似乎唔太多。深水埗基隆街就有一間主打泰北菜嘅小店，價錢平民，而出品又相當正宗，拍拖兩個人走入小店內有如穿越泰國一樣。
深水埗店於5月前開業，裝潢擺設充滿泰國風格，但無豪裝，店內由泰國主廚炮製地道泰國菜式，款式眾多，包含泰式串燒、芒果糯米飯、冬蔭公、泰式海南雞飯、泰式炒金邊粉、生菜包等，但就以泰北麵為主打，有別於部份泰國餐廳以船河為主。
泰北麵同泰國船河並唔一樣，並非濃郁湯底，泰北魚湯麵配辣湯底$62 就包含泰北家鄉麵，可以挑選河粉、金邊粉、粉絲或米線，配菜就有泰國地道魚蛋、豬紅、鳳爪、秘製泰式鹹肉。辣湯底味道並非香港人飲慣嘅口味，酸辣中鮮香味，內裏為魚湯，若唔食得辣會覺得辛辣度較高，但其實又未至於大辣，算係小辣之上、中辣之下，可以入口。配菜中最特別要數秘製泰式鹹肉，肉片有如中式燒味舖嘅燒腩仔，表皮雖然唔太脆，但豬肉質地算鬆軟，只係數量上唔算多。
至於另一款泰北麵款式就有泰北家鄉湯粉絲$52，同樣係泰北家鄉麵，可以選擇河粉、金邊粉、粉絲或米線，配菜有泰國地道魚蛋、豬紅、鳳爪、半生熟蛋，湯底有八角、肉桂、胡椒粒、香葉種子、泰國醃大蒜，湯底聲稱清製一小時，味道會比較香濃開胃。湯底配有泰國調味料，例如辣椒粉、魚露、砂糖、酸醋，再加入香葉、金不換、檸檬葉、薄荷葉，香料十足，味道比魚湯麵較容易入口，湯底濃郁，粉絲則質感軟滑，唔會太硬，而且掛湯力佳。至於魚蛋就幾彈牙，鳳爪有膠質，豬紅就爽滑入味，半隻蛋就係全熟蛋，並非半生熟，未知係煮得過熟定熱湯浸得過熟。
泰式奶茶味道平穩，甜度唔算高，茶味香濃，奶茶幼滑，但入口似有椰奶嘅感覺，有別於平時飲嘅泰式奶茶。而特濃香芒沙冰$39 就係推介特飲，芒果味極重，香甜味十足，沙冰確實用新鮮芒果炮製，啖啖冰涼口感中滲透芒果香甜味，夏天享用相當解渴。
E.A.Tips :
❷ 套餐送熱飲洛神花茶或青檸水，凍泰式奶茶或咖啡加$6，泰式飲品加$15。
泰基隆
深水埗基隆街241號地舖
12:00 – 22:00
2110 1941
串噹噹宵夜店與平記茶餐廳合拼！每人送一隻藤椒鮑魚！大排檔小菜有鑊氣、本地僅存小店賣脆炸臭豆腐！
【#串燒x茶記】近年，香港結業潮湧現，唔少餐廳為求生存落去都想盡辦法。E.A.Two最近前往紅磡一間串燒店，覺得好適宜拍拖兩個人去食宵夜。同時發現該店目前已經同另一間茶餐廳合併，朝早至下午賣茶記菜式，夜晚就繼續賣大排檔菜式。雖然呢個合作方法好聰明，完全慳成本，但就有啲擔心佢哋可唔可以再捱得住。
觀塘Mini Friday與鄰舖米走雞合拼經營？半自助式變午市套餐更適合打工仔！
【#打工仔飯堂】網上嘅資訊好多時都係有真有假，E.A.Two查證以下餐廳時，發現最出名嘅飲食平台竟然寫佢已經結業。不過親身到達現場時，就發現同層兩間餐廳都係依然尚存。雖然無咗半自助式午餐，但仍然容許拍拖兩個人去醫吓肚。
慈雲山平價街坊店兩三碗餃子逾10款餡任揀！最受歡迎竟然係石板／石鍋小食？
【#平價餃子】慈雲山係一個完全屋邨地，同時係一個學校邨，週邊最多嘅就係屋邨同中小學，附近都係街坊同學生。不過，該區食肆並唔多，至今都有唔少餐廳結業，E.A.Two已經食得八八九九，今次去嘅餃子店就係附近車仔麵店嘅姊妹店，拍拖兩個人想食平啲都有所選擇。
【中秋月餅2026】超過20間香港小店本地生產月餅！流心咖啡／港式奶茶／金腿伍仁／開心果麻糬／黑芝麻冰皮／燕窩月餅！留意早鳥優惠、英國專線點買？
【#月餅攻略2026】每年一到暑假，都係準備預訂中秋月餅嘅時候。隨住本地結業潮，拍拖兩個人喺香港買月餅，選擇可能已經愈來愈少。不過，識揀依然有唔少選擇，首選一定係小店模式，如果真係想再穩陣啲，都可以揀日資連鎖店。上年有店舖特設英國專線，今年都唔例外。E.A.Two又再整合2026年中秋節月餅推介，想食咩口味嘅月餅都係任君選擇！
灣仔金庸武俠小說主題Cafe玩味十足！笑林寺隱藏被咖啡耽誤嘅意粉大廚？
【#被咖啡耽誤】雖然近年香港結業潮湧現﹐但有啲餐廳依然客人一個接一個，價格豐儉由人﹐E.A.Two覺得今時今日仍然能夠吸引客人拍拖兩個人排隊都照食，必然有原因。香港有唔少咖啡店，灣仔有一間中西合璧嘅咖啡店非常有玩味，實試之後就覺得咖啡唔係最吸引，意粉先至係最意想不到嘅選擇，入面絕對有位被咖啡耽誤嘅意粉大廚！
荃灣海旁屋苑平台隱藏平價漢堡包／Pizza店！Hustle Guy近月搬入街市重新開業！
【#搬遷試業】要數荃灣區平靚正嘅美食，應該有排數，呢個大區每個角落都有值得拍拖兩個人前往嘅小店。今次E.A.Two於海濱一帶去到一個屋苑平台，當中有一間隱身街市內嘅burger同pizza店，真係可以叫做平靚正，難怪一直係街坊選擇。最近該店更將原店搬入街市內，堂食座位增加，試業當中連紅紙都未拆！
赤柱隱藏免費博物館！香港懲教博物館毗連監獄！設10個展覽館＋2個打卡位、最驚喜係邊個？
【#赤柱博物館】於2025年11月，有個「香港博物館節」，有超過17個博物館都係免費入場，但就唔包括隱身於赤柱嘅呢個博物館。不過，呢個博物館本身都係免費入場，如果拍拖兩個人於赤柱一帶散步，不妨順路遊覽呢個展覽館。
超迷你唐樓博物館隱身上環街頭！近PMQ元創方／新聞館！保留裝潢、件件舊香港人昔日必備架生！
【#超迷你博物館】好多人成日話香港無地方去，無嘢好行，其實現時依然有好多地方隱身市區內，值得拍拖兩個人去搜索一下。今次E.A.Two就前往一間近月先開放公眾進入嘅「唐樓博物館」，原來呢間小型博物館真係隱身於一幢唐樓內，入面保留咗昔日嘅場景同用具。而唐樓位置唔單止近上環知名文創地標「PMQ元創方」，同時毗鄰「香港新聞博物館」，任何人都係免費入場，即睇預約方法！
實試官方導賞團！一次參觀尖沙嘴2大法定古蹟、深入了解天文台總部＆前九龍英童學校英式建築！
【#本地導賞團】如果拍拖兩個人喺香港唔知去邊度好，不妨試吓join香港導賞團，對香港地隨時有更深認識，有好多係平時無咩人留意而又鮮為人知。今次E.A.Two就選擇參與尖沙嘴兩個景點嘅導賞團，呢兩個地方唔單止係英式建築物，而且都係一早被列為「香港法定古蹟」，原來每個禮拜只有1日有得導賞團，到底點樣join呢？
舊京都風小屋已拆走！北角天后廟道三號花園日式庭園竟變單一朱紅色鳥居裝飾？
【#再獻新猷】近年小說《我所看見的未來》翻hit，唔少人竟然因為一本小說而擔心「7月5日災難性大地震」預言成真，連7月日本旅遊人次都大幅減少。日本素材向來受到港人拍拖兩個人歡迎，港島區一個公園早年就有一個京都風庭園，今日小屋已被拆走，取而代之嘅只係單一朱紅色鳥居裝飾，唔通係為咗香港人唔飛日本而設？
落機無需搭地鐵！香港機場巴士路線直出市區車費更低？即睇港九新界E車、A車、N車攻略！
【#機場巴士】無論係旅客搭飛機嚟香港旅遊，抑或香港人由外地返香港，由香港國際機場出發前往市區，好多人都會選擇乘搭地鐵。不過，其實香港機場有大量巴士路線可以選擇，唔單止可以直出市區，而車費隨時更低，甚至全天候都有車往返機場，拍拖兩個人由機場去市區都好方便。到或巴士路線中嘅E車、A車、N車有咩分別呢？即睇香港機場巴士路線攻略！
承豐道隱藏漩渦形純白觀景台！公園毗鄰啟德體育園／Airside！清靜海濱長廊180度瞰港九東西維港景！一條路線穿梭空中花園＋郵輪碼頭公園！
【#散步日常】近年，啟德一帶吸引唔少人流，「啟德體育園」就係人流聚集嘅地方，而最近其實重有一個隱藏「啟德體育園」同「啟德郵輪碼頭」之間嘅賞景觀景台。該觀景台設計既似一個漩渦，亦可以連接「啟德空中花園」走道、可以180度眺望港九東西維多利亞港景色同煙花景嘅「啟德海濱長廊」，甚至一條路線直達「啟德郵輪碼頭」，人流稀少，沿途環境清靜，適合拍拖兩個人散吓步。
在〈深水埗基隆街泰北麵口味正宗 家鄉湯底香口惹味恍如穿越泰國〉中有 1 則留言
留言功能已關閉。