大角咀美食

【#兩餸飯新店】近一年，兩餸飯熱潮興起，坊間多咗兩餸飯專門店，有網民更製作香港兩餸飯地圖，但值得拍拖兩個人前往嘅兩餸飯其實不足10間，編輯曾經推介過約7間兩餸飯店，今次再推介一間近月全新開業嘅兩餸飯店，以親身留意嚟講，老闆娘應該係姜糖（姜濤Fans暱稱），而店內每日有近30款餸任揀，兩餸飯更低至$32，絕對係經濟實惠！

【#與麥記同價】大角嘴係一個隱藏小區，真小店眾多，美食應有盡有，當中一個商場就雲集多間食店，每間都係值得拍拖兩個人一試再試嘅餐廳。當你以為呢啲商場微舖唔會有西餐廳嘅時候，編輯又可以話你知，商場側小街道都有一間隱藏版西餐廳，價錢等同一份現時香港麥記快餐嘅水平，但同等價錢就已經可以享用一份西餐。

【#大角嘴新店】相對於旺角鬧市，大角嘴隱藏嘅美食更被低估，當中離奧海城不遠嘅富多來商場，就一間接一間小店，值得拍拖兩個人參觀吓，近月呢個舊式商場又有一間新店進駐，以馬來叻沙為主打，最先吸引眼球嘅地方係門口寫有每個禮拜都有休息時間，而店舖休息嘅理由係需要專心炒製醬料，原因都算係別具一格，更特別之處係湯底果然非常濃稠，麵條掛湯程度高，唔需要匙羹都能夠試到叻沙湯，款式並非似平常坊間最易見到嘅咖哩叻沙。

【#高檔居酒屋】對比旺角、油麻地，大角嘴向來係神秘美食之地，鬧市內居然有一間同街道環境唔太配合嘅仿日本酒場，模式狀似日式居酒屋，走高檔路線，價錢雖然稍貴，但的確尤如拍拖兩個人穿越日本。