近年，香港不斷有餐廳宣佈結業，唔少有質素嘅餐廳都逐步消失，同香港講拜拜，本地尚存嘅小店數目愈來愈少。今次編輯就一次過總結返我哋實試過嘅餐廳推介，結合現時仍然有嘅餐廳美食，方便大家繼續支持本土小店，第一炮先找尋大角嘴尚存嘅本土餐廳。
富多來商場系列
馬來椰爺餐室
大角嘴富多來商場向來係隱藏級小區美食好去處，於上年中先開業嘅馬來椰爺餐室，以馬拉叻沙為主打，湯底濃稠度極高，無需用匙羹都可以品嚐叻沙湯，可想而知湯頭濃稠度係絕不欺場。
小島料理KOJIMA
隔個舖位又見到另一間排隊店，以日本牛丼為主嘅小島料理，由以前到而家仍舊只賣5款主食，西冷牛丼、肉眼牛丼、壽喜牛丼都係受歡迎之作，重可以自選肉量，肉質保持鮮嫩。
Top Thai Thai Food
於富多來商場一角中，有一間隱藏泰菜店，原來Top Thai Thai Food嘅
老闆娘為泰國人，現時則有第二代接班打理，海南雞飯、冬蔭功等均充滿泰國風味。
So Good So Yummy
而So Good So Yummy曾經受到無理攻擊，至今依舊屹立富多來商場之中，店內以日韓小食為主，都係街坊價小店。
蔥仔越南包
以食物款式選擇嚟講，蔥仔越南包一定係數一數二最少嘅一間，皆因其只係獨沽一味賣越南包，但口味清新，麵包有水準，一直都吸引唔少人支持。
威尼斯餐廳
於富多來商場中，日式、泰國菜、越式、星馬菜均有，貌似係一個週邊價錢唔高又無乜高檔嘢嘅地踎商場，而喺同一條街道上，商場內就有一間小型西餐廳，快餐價錢就可以享用一份西餐。
回甘堂 林仔涼茶
食得太多，人可能會變得熱氣，飲返杯涼茶就最爽啦！平常傳統涼茶舖都難以找尋同路人，而富多來商場中就有一間比其他食肆更有良心嘅傳統涼茶舖，即飲或外用皆適宜。
富多來商場週邊系列
輝記快餐
除咗大角嘴富多來商場有多間食店，商場週邊都有唔少餐廳小店，其中呢間輝記快餐就似傳統快餐店模式，一味快狠準，有以前學生放Lunch買外賣嘅感覺，當中豬扒麵係唔少人點選嘅食物。
築匠
想食日式料理或魚生丼飯？離奧海城不遠嘅築匠就有提供各款刺身魚生飯，價錢低廉，屬街坊價，但就做出平靚正嘅水準。
延伸閱讀﹕大角嘴街坊價日式料理 心思爆滿海鮮丼飯
很得輝
由屯門開到大角嘴嘅很得輝，一直以脆炸雞髀聞名，受到唔少年輕人歡迎，皮脆肉嫩程度相對連鎖快餐店嘅炸雞髀，絕對係高班馬！其實非連鎖店一樣可以做到又平又有水準嘅質素，希望大家減少買連鎖店，多多幫襯非連鎖食肆。
詩嘉小廚
兩餸飯曾經開到成行成市，梗有一間喺左近，經濟環境改變，令香港似乎由國際金融中心演變成香港兩餸飯中心。區內呢間兩餸飯專門店就於近年開業，由開業起都有做派飯活動，店內飯餸及中湯都幾有水準，有時唔係一定要幫襯靠電視宣傳嘅兩餸飯店嘅。
我要辣魚蛋
雖然以我要辣魚蛋命名嘅地舖小店係同路人，但店舖係一間極度神秘嘅小店，從其官方IG所見，店內有賣雞煲，但所有產品都同辣魚蛋無關。而地舖長期封鎖，貌似禁止外人進入，從門口窺視，店內立立亂，更有小貓，似乎店主怕小貓會走失。編輯有啲好奇，其實唔係賣嘢，又唔係食肆，重要封住門口唔俾人入咁，咁要地舖嚟做乜？
海南雞飯系列
星洲總廚
以星馬菜為主打嘅星洲總廚，門口不時有人等候，餐牌雖然有海南雞飯作宣傳，但其實最大特色並唔係海南雞飯，反而係脆炸厚切豬扒，皮脆肉嫩，滿滿肉汁，回頭率極高！
極品泰國菜館
於大角嘴舊區一帶中，食肆眾多，極品泰國菜館亦係一間隱藏版泰國菜小店，店內由泰國人主理，菜式正宗，相對香港人主理嘅泰國菜有如天淵之別。
幸福海南雞
講到區內最抵食嘅海南雞飯，絕對非幸福海南雞莫屬！無論單人套餐、二人套餐，一個價錢都可以食到飽，雞飯可包含滑嫩雞髀肉，除咗3款醬汁，重有油飯、中湯，都算係一個街坊飯堂。
海南雞2.0
要數最鮮為人知嘅海南雞飯專門店，位於海泓道嘅海南雞2.0就係佼佼者。呢間海南雞飯小店只提供外賣，比較低調，但出品卻又最有驚喜，更有多款口味雞飯可擇。
Cafe系列
My Ahjussi
喜愛到Cafe食飯打卡影相嘅朋友，相信會鍾意My Ahjussi呢種粉色主調韓風咖啡店。店內一抺粉紅，相當搶眼，牆壁上有一句好有代表性嘅韓文，想知代表咩？撳Link有解釋。店內以韓式美食為主題，韓式炸雞、泡菜、韓式便當等都係主要選擇，另外都有Crossover西式嘅選擇。
Craft Coffee Roaster
以Coffee Shop嚟講，Craft Coffee Roaster都算係敬業嘅一間，店內著重咖啡出品，食物選擇較少，反而真係以咖啡為主，不過可唔可以直接同咖啡師交流就要睇運氣。
Easy Joe 二世祖
另一間打卡影相多過食物水準嘅係Easy Joe，食物普通，但飲品反而有啲驚喜，其實專心做飲品可能比做埋食物更好。
Black Sugar Coffee & Lifestyle
大角嘴區內重有一間咖啡店，係位於奧海城商場內，同樣以咖啡為主，食物選擇唔多，由於連接商場，都係夏天嘅好去處，因為冷氣比較大。
大角嘴舊區系列
山東小城
以山東餃子為主題嘅山東小城，位於大角嘴舊區一條街道上，最出名嘅係烏黢黢、黑漆漆嘅墨魚荸薺餃，既有即食餃子，亦有生餃提供，隻隻脹卜卜，餡料豐富，較一般餃子惹味。
來來美食
以大角嘴小店嚟講，來來美食都算係名不經傳嘅小食店之一，基本上好少人會留意到，小店只係一間超微舖，亦只有一個年輕人打骰，店內以港式小食為主打，亦有啲自製Fusion小食。
那個ㄋㄚˋ ㄍㄜ˙
如果講大角嘴人龍店，排第一嘅好大可能係那個呢間台灣菜食店。店舖不只假期，連平日都隨時會見到門口大排長龍。或者係人數過多，店舖一度實施限時用餐規定，每枱客用餐只有45分鐘。不過，據朋友報料，小店嘅限時用餐係以入座起計，但點餐後到出餐，等待時間需要20分鐘不等，即係實際用餐時間只有15至20分鐘左右，如果事主連飯都未食完，一塊大豬扒亦食剩一半，需要外賣帶走，而外賣盒需要另收$2及$5。到底排隊店係好事定壞事呢？
関東酒場
如果想於區內找尋高檔少少嘅餐廳，不妨到闋東酒場，店內以日式居酒屋為主打，價錢比較高，比較適朋友聚會。
活一鮮
大角嘴區內有唔少日式食店，活一鮮就係其中之一，以日式料理為主打，提供高水平嘅刺身飯，每塊魚生皆為厚切。
匯味堂
從門面嚟睇，絕對估唔到匯味堂係一間食肆，但店舖於主要路口擺放易拉架，指示店舖位置同菜式主題，可見店舖以叻沙為主，宣傳上都算OK，只不過店舖內外都極為殘舊，而且立立亂，好彩店舖只提供外賣，並無提供堂食。
齊柏林熱狗店
對於齊柏林熱狗店，相信大家都熟悉，大角嘴分店開設唔算好長時間，離港灣豪庭商場不遠，位置上係方便區內街坊。
想甜嚐甜
想甜嚐甜亦係一間為人熟悉嘅甜品店，大角嘴店位處利奧坊二期地下，開到12點，方便大家飽餐後繼續下場。
榮熙茶餐廳
大角嘴區內有唔少茶餐廳，而當中呢間茶餐廳早午餐只係一般水平，但都係較其他茶餐廳值得推介，晚市食煲仔飯或小菜會好啲。
茶飲系列
犀牛犀牛
於本地有唔少分店嘅犀牛犀牛，於大角嘴設分店唔算好長時間，以台式吐司、蛋餅為主題，貫設台灣夜市風格，即買即食。
茶色生香聯乘365炸雞
與365炸雞聯乘嘅茶飲店茶色生香，顧名思議係賣茶飲之餘，賣埋炸雞，但據了解，現時店內已經無炸雞供應，所以其實應該叫返茶色生香算啦。
火鍋系列
靚煲皇
想食豬骨煲又唔知去邊間好？大角嘴橋底近街市有一間值得一試嘅火鍋店，以豬骨煲為主打，湯底濃郁，材料豐富，雖然連同配料價錢係貴少少，人均大概$400，但都算係正常食豬骨煲嘅價錢嚟嘅。
滿粥順德粥底海鮮火鍋
另一間火鍋店係於香港有幾間分店嘅滿足順德粥底海鮮火鍋，顧名思議以粥底海鮮火鍋為主，人均都係大概$200。
海泓道系列
御守壽司
與茶星人處於同一間店舖內嘅御守壽司，只提供外賣，最大特色係曾經提供一個非常吸精又IG-able嘅日式便當飯盒，連餐具都擺放於精緻嘅本土御守當中。不過現時就無咗四方形便當盒，變返圓紙盒，不過御守狀餐具包就仍然有提供。小店並非只係得個樣，從一對筷子就睇得出店舖要求，其提供嘅外賣筷子並非普通即棄外賣筷子，而係可以循環再用嘅木筷子，木質同刺身一樣，質料上乘。
茶星人
而茶星人就係同御守壽司共用一個舖位嘅茶飲店，買完飯盒，可以直接買埋飲品，良心經濟圈唔係應該係咁自給自足咩？
幸福·駅
至於幸福·駅就係由歌手吳日言主理嘅飯糰專門店，一直提供平價飯糰，不過大角嘴店現時似乎少有營業。
宵夜系列
餃子店
若然想食宵夜，選擇比較少，可以到大角嘴舊區一間以餃子店命名嘅小店，雖然店內比較混亂，雜物較多，但外賣就無問題。店內除咗有最受歡迎嘅煎餃，重有粥粉麵飯、炒物、小炒可擇，最大優點係營業時間至凌晨2點，係宵夜好去處之一。
酒吧系列
和吧
於酒吧界嚟講，和吧係極有骨氣嘅一間小店，位置靠近大角嘴郵政局，門面有一個搶眼嘅日式鳥居，容易辨認。
Loft 7
靠近奧海城嘅Loft 7，同時離匯豐中心不遠，交通便捷，亦方便食完飯飲返杯，都係聚會嘅好地方。
奧海城系列
Food Court 想餃就餃
於奧海城內，能夠去嘅餐廳唔多，除咗上述提過嘅一間咖啡店，重有位於Food Court嘅想餃就餃。店舖以餃子為主打，湯底、配料就模仿日式拉麵，而餃子餡料選擇眾多，都算係有創意喔。
sensory ZERO
最後一間同樣係位於奧海城商場內，不過就位於近海防道、櫻桃街公園嘅一角，反正呢間係連鎖店，相信都唔需要特別多講啦！
西環超平價街坊舊式麵包舖！40年歷史生命物麵包西餅隱藏人氣鮮奶蛋撻！
【#人氣鮮奶撻】香港傳統地道麵包舖已經買少見少，想要拍拖兩個人搵間值得支持嘅麵包店比較困難，因為街道上真係已經唔多。今次E.A.Two於西環石塘嘴見到一間街坊舊式麵包店，最意外嘅竟然唔係麵包，而係一款人氣十足嘅鮮奶蛋撻！
最驚喜竟然係呢樣？西環邨旁海鮮角落午市有蒸籠飯！二人餐有6款海鮮﹕龍蝦／星班扒／蟶子／扇貝／虎蝦／墨魚
【#海鮮小店】西環有唔少咖啡店可以選擇，但主食其實都有好多，不妨拍拖兩個人逐間去試吓。今次E.A.Two就前往隱身西環邨附近嘅海鮮店，該店連藝人黃秋生都曾經推薦過。午餐都係100蚊有找，以中式海鮮飯為主打，夜晚可以試吓二人餐，但就要500蚊左右。
西貢人氣乳酪雪糕小滿定律隨時要排隊、店員做到無笑容？杯裝筒裝toppings任揀、九龍港島已開設分店！
【#人氣雪糕】出色嘅食肆，自然可以吸引食客拍拖兩個人慕名而至；但有啲食肆就似漆黑中螢火蟲，鮮明而出眾，吸引到一大群外區人湧入一試，通常一間食肆成為人氣店之後，就會有所變化。西貢有間超人氣希臘乳酪雪糕店，既受本地人喜愛，中西遊客都前往，門口更寫明不時要排隊。或者係因為人流過多，當日見到店內嘅店員已經做到無晒笑容，就只係好似機械式地繼續裝雪糕。
西貢白鬚旗艦店海邊重開、舊址仍缺接租客！印尼牛丸粉／雞湯／牛骨湯／串燒保持水準！
【#舊店重開】以印尼牛丸粉於西貢打響名堂嘅「白鬚旗艦店」，上年中旬宣佈結業，原因係不獲續約。不過，該店於幾個月內已另覓新舖，拍拖兩個人可以再去食啦！目前該店選址西貢一間酒店地舖，位置靠近海旁，E.A.Two再度前往，難得依然保持水準！
灣仔集成中心平民午餐！美蓮餐室盒盒中低價飯盒啱晒打工仔！
【#平價飯盒】中西區餐廳向來價格都係比較高，想要拍拖兩個人找尋價格相宜嘅地方用餐，其實不難。E.A.Two曾經前往灣仔集成中心，當日曾經有間好IG-able嘅水果千層酥，但已經搬到荃灣區。目前同一個舖位已經變成另一間小店，該店以平民午餐為主打，係該區價格較低嘅飯盒，啱晒打工仔！
《米芝蓮》級點心粵菜逸東軒隱身九龍平價酒店！香港逸東酒店豈止普慶餐廳？逸東軒儀式感極重適宜情侶紀念日！
【#米芝蓮點心】九龍區值得支持嘅小店唔多，「香港逸東酒店」就係少有嘅香港人酒店，E.A.Two曾經多次前往該酒店嘅「普慶餐廳」食自助餐，今次終於前往該酒店另一間餐廳。該店既係知名《米芝蓮》餐廳，亦係一間主打中式粵菜點心嘅食肆，儀式感極重，適宜拍拖兩個人慶祝情侶紀念日或生日！
赤柱隱藏免費博物館！香港懲教博物館毗連監獄！設10個展覽館＋2個打卡位、最驚喜係邊個？
【#赤柱博物館】於2025年11月，有個「香港博物館節」，有超過17個博物館都係免費入場，但就唔包括隱身於赤柱嘅呢個博物館。不過，呢個博物館本身都係免費入場，如果拍拖兩個人於赤柱一帶散步，不妨順路遊覽呢個展覽館。
超迷你唐樓博物館隱身上環街頭！近PMQ元創方／新聞館！保留裝潢、件件舊香港人昔日必備架生！
【#超迷你博物館】好多人成日話香港無地方去，無嘢好行，其實現時依然有好多地方隱身市區內，值得拍拖兩個人去搜索一下。今次E.A.Two就前往一間近月先開放公眾進入嘅「唐樓博物館」，原來呢間小型博物館真係隱身於一幢唐樓內，入面保留咗昔日嘅場景同用具。而唐樓位置唔單止近上環知名文創地標「PMQ元創方」，同時毗鄰「香港新聞博物館」，任何人都係免費入場，即睇預約方法！
實試官方導賞團！一次參觀尖沙嘴2大法定古蹟、深入了解天文台總部＆前九龍英童學校英式建築！
【#本地導賞團】如果拍拖兩個人喺香港唔知去邊度好，不妨試吓join香港導賞團，對香港地隨時有更深認識，有好多係平時無咩人留意而又鮮為人知。今次E.A.Two就選擇參與尖沙嘴兩個景點嘅導賞團，呢兩個地方唔單止係英式建築物，而且都係一早被列為「香港法定古蹟」，原來每個禮拜只有1日有得導賞團，到底點樣join呢？
舊京都風小屋已拆走！北角天后廟道三號花園日式庭園竟變單一朱紅色鳥居裝飾？
【#再獻新猷】近年小說《我所看見的未來》翻hit，唔少人竟然因為一本小說而擔心「7月5日災難性大地震」預言成真，連7月日本旅遊人次都大幅減少。日本素材向來受到港人拍拖兩個人歡迎，港島區一個公園早年就有一個京都風庭園，今日小屋已被拆走，取而代之嘅只係單一朱紅色鳥居裝飾，唔通係為咗香港人唔飛日本而設？
落機無需搭地鐵！香港機場巴士路線直出市區車費更低？即睇港九新界E車、A車、N車攻略！
【#機場巴士】無論係旅客搭飛機嚟香港旅遊，抑或香港人由外地返香港，由香港國際機場出發前往市區，好多人都會選擇乘搭地鐵。不過，其實香港機場有大量巴士路線可以選擇，唔單止可以直出市區，而車費隨時更低，甚至全天候都有車往返機場，拍拖兩個人由機場去市區都好方便。到或巴士路線中嘅E車、A車、N車有咩分別呢？即睇香港機場巴士路線攻略！
承豐道隱藏漩渦形純白觀景台！公園毗鄰啟德體育園／Airside！清靜海濱長廊180度瞰港九東西維港景！一條路線穿梭空中花園＋郵輪碼頭公園！
【#散步日常】近年，啟德一帶吸引唔少人流，「啟德體育園」就係人流聚集嘅地方，而最近其實重有一個隱藏「啟德體育園」同「啟德郵輪碼頭」之間嘅賞景觀景台。該觀景台設計既似一個漩渦，亦可以連接「啟德空中花園」走道、可以180度眺望港九東西維多利亞港景色同煙花景嘅「啟德海濱長廊」，甚至一條路線直達「啟德郵輪碼頭」，人流稀少，沿途環境清靜，適合拍拖兩個人散吓步。