香港結業潮下，美食小店似乎一間又一間逐步消失，縱然搵食艱難，現時依然有唔少值得支持嘅小店尚存，香港人一樣可以拍拖兩個人搜羅各種喜愛菜式，甚至性價比高嘅餐廳選擇。今次E.A.Two編輯就為大家整理2024年大角嘴區尚存嘅餐廳小店，即睇該區隱藏美食介紹！
富多來商場
馬來椰爺餐室
於大角嘴富多來商場小店中，年資算比較淺嘅「馬來椰爺餐室」，憑濃稠叻沙吸引唔少區外客，醬料由店家自家炒製，湯頭極濃郁，即使唔用匙羹都可以品嚐！
小島料理KOJIMA
「小島料理」係富多來商場小店中最常大排長龍嘅選擇，店內以沖繩牛丼為主打，餐牌中只有5款主食，主要係牛肉丼飯，基本上色香味俱全。
Top Thai Thai Food
另一間位於富多來商場嘅「Top Thai Thai Food」，原先係泰藉媽媽主理，已傳到第二把交椅，目前店舖由兒子打理﹐為該區隱藏被泰國菜。
So Good So Yummy
至於同樣位於富多來商場嘅「So Good So Yummy」，原先係以簡單日韓菜式為主，飯盒價格相宜，現時則只售賣急凍包，並無堂食或外賣供應。
蔥仔越南包
「蔥仔越南包」雖然一直只提供一款越南包，但卻依然不乏支持者。店內嘅越南包長約9吋，餡料爆滿，兩個人一人一半當下午茶剛剛好。
威尼斯餐廳
鄰近「蔥仔越南包」嘅「威尼斯餐廳」，顧名思議係以西餐為主，不過實際上就係一種Fusion西餐，即係中西合璧。當日一試，除咗有Risotto配煙鴨胸，重有Risotto配臘腸！
輝記快餐小食
位於上述小店另一邊嘅「輝記快餐小食」，同樣係座落富多來商場地下，係一間隱藏級港式快餐店，受到唔少附近學生及街坊歡迎。當中，包括有香脆豬扒麵及甚受學生歡迎嘅咖喱腸粉及撈麵。
回甘堂 林仔涼茶
靠近「威尼斯餐廳」及「蔥仔越南包」嘅「回甘堂 林仔涼茶」，都算係比較少人知道嘅小店，既有一般涼茶舖「即叫即飲」方式，亦可以入樽返去慢慢飲。
我要辣魚蛋
講到富多來商場最神秘嘅一間小店，必然係「我要辣魚蛋」。店內有養貓，所以大門口長期關上大閘。不過，依然唔知賣乜東東，最近曾經過見到門口有小車仔售賣港式小食。
富多來商場週邊
很得輝
港式炸雞髀係本地獨有嘅產物，有生炸同脆炸方式，前者係香港特色，後者則比較貼近台式風格。而來自屯門嘅「很得輝」就係一間知名炸雞髀店﹐利用麵包槺炸雞髀，炸皮比傳統港式稍厚，但就比台式、日式、韓式等炸皮薄，同樣外脆內軟。
阿美車仔麵
今年初方才接手「咯咯雞韓食店」嘅「阿美車仔麵」，以平民車仔麵為主，價格較韓食店相宜，但同樣有提供炸物，設備齊全下質素並唔差。
滿粥
以粥底海鮮火鍋為主嘅「滿粥」，目前於其他區亦有分店，例如新蒲崗。該店嘅海鮮火鍋既有肉蟹、基圍蝦、鮑魚等海鮮，亦有肥牛、墨魚滑等火鍋配料，價錢大概分為$198、$298、$398，部份材料如龍蝦等係每日限量供應。
中匯街一帶
幸福海南雞
提到最值得成為大角嘴飯堂嘅小店，「幸福海南雞」必入三甲！該店雖主打海南雞飯，但亦有其他惹味選擇，例如肉骨茶、元貝肉餅等，甚至有雞粥及海鮮粥供應。每一份都有如定食套餐，另外亦有二人套餐可以選擇。
山東小城
以罕見嘅墨魚荸薺餃為主打嘅「山東小城」，同時售賣熟餃及生餃，前者固然可即食，後者亦可以帶返屋企自己煮。餃子隻隻自家製，塞滿餡料，隻隻脹卜卜。
星洲總廚
雖然以叻沙、海南雞飯為主打，但「星洲總廚」最出色嘅地方並非傳統星洲菜式，反而係炸豬扒！豬扒炸得香脆可口之集，肉質同時保持嫩滑，上檯之後謹記要盡快享用，否則豬扒表皮會變軟。
My Ahjussi
店內設有韓文霓虹燈牌嘅「My Ahjussi」，固然係主打韓國菜，但同時有西式Fusion菜。當中，有韓式炸雞便當可以選擇，包含黏滿醬料嘅炸雞及蔬食飯盒。
極品泰國菜館
大角嘴區內有唔少泰國菜小店，講到編輯最喜愛嘅一間，應該係「極品泰國菜館」。店內由泰國人主理，菜式地道而有水準，猶如於泰國當地品嚐一樣。不過，每逢長假期，店舖都會休息，而且放好長時間，估計係返鄉下。
餃子店
原先係賣餃子嘅「餃子店」，餐牌轉完又轉，本來有賣粥，但後來又只係售賣一啲炒粉麵，抱歉已經唔係好清楚而家賣緊咩。
Craft Coffee Roaster
一直於大角嘴屹立不倒嘅「Craft Coffee Roaster」，比同區其他咖啡店長命。店內以精品咖啡為主，亦有黑白咖啡可擇，同時只有少量輕食，格價同一般咖啡店無異，但咖啡確實不俗。
來來美食
店面大概只有50呎嘅「來來美食」，由年輕人一腳踢。店內以街頭小食為主，同時加上創意，打造新派街頭小食，例如將冬蔭功與碗仔翅融合，值得一試。
那個ㄋㄚˋ ㄍㄜ˙
以台灣菜為主打嘅「那個」，將台灣夜市原味道複製，打造古早味台式便當。唯一問題係大角嘴店有限時45分鐘用餐規定，而且以入座時間計算，並非上桌時計算，據朋友報料，有次只係剩低15至20分鐘時間用餐。大角嘴店一直以來經常大排長龍，每日幾乎每時每刻都有人排隊，但竟然傳出即將結業消息，確實令人莫名奇妙。
匯味堂
現時，「匯味堂」並無堂食用餐，但仍可以買外賣，店內以叻沙湯麵、港式雞湯麵、串燒等為主，串燒則有如日式燒烤，水準不俗。
齊柏林熱狗店
「齊柏林熱狗店」於全港有海量分店，大角嘴店就靠近港灣豪庭及中匯街舊區一帶，方便該區街坊，而熱狗價格同平常相若。
想甜嚐甜
而「想甜嚐甜」同「齊柏林熱狗店」一樣，都係於其他地區有分店嘅食肆，不過現時只係淨返堅尼地城及大角嘴兩間分店。
榮熙茶餐廳
與「幸福海南雞」位處同一條街道上嘅「榮熙茶餐廳」，係典型一間港式茶記，據悉有煲仔飯提供，不過編輯就未有試過。
Once You Go Craft
近大角嘴匯豐中心嘅「Once You Go Craft」，係區內一間酒吧，以taproom模式設計，提供各類本地手工啤酒及外地酒品，更有多款佐酒小食，例如炸雞軟骨等。
Loft 7
而「Loft 7」雖然都係有提供酒類，既係一間酒吧，同時亦係一間西餐廳。以安格斯肉眼扒或羊架餐計，人均大概係$158。
旺角道一帶
靚煲皇
距離旺角街市不遠嘅「靚煲皇」，主打係豬骨煲，湯底清甜，豬手充滿骨膠原，價格上同一般豬骨煲相類似，火鍋配料逐樣計，豬骨煲連火鍋人均大概$400至$500。
Easy Joe 二世祖
於大角嘴眾多小店中，以「二世祖」為諧音嘅「Easy Joe」距離旺角一帶最接近，而且係近舊時豪華戲院。店內係一間典型打卡咖啡店，飲品不俗，不過食物水準有待進步。
賞茶
分店愈來愈少嘅「賞茶」，目前只係剩低觀塘、九龍灣、沙田、荃灣、太古、黃大仙、青衣、九龍塘、鑽石山、馬鞍山、大角嘴有分店，而大角嘴分店則位於奧海城2期商場內。
延伸閱讀﹕全港18間分店 賞茶冬瓜檸檬清熱解暑
海泓道
隱世雞
隱藏於大角嘴富榮花園一隅嘅「隱世雞」，絕對係區內性價比最高嘅一間小店！店內顧名思議以雞湯麵為主，醉雞係出色之作，最特別之處係下午茶時間特長，延長至夜晚9點！
奧海城
想餃就餃
奧海城商場內小店稀有，美食廣場內更加係少之又少，當中「想餃就餃」就係全Food Court唯一一間，以平價餃子為主，配搭日式湯底，餃子餡料獨特。
Black Sugar Coffee & Lifestyle
同樣位於奧海城商場內嘅「Black Sugar Coffee & Lifestyle」，為商場內少有嘅咖啡店，亦係該區剩下其中一間咖啡店，位置近商場中庭。
sensory ZERO
至於「sensory ZERO」，同樣係位於奧海城商場內，不過就處於3期商場地下，即2期對面，一條天橋直達。雖然「sensory ZERO」於全港仍然擁有多間分店，但相對其他咖啡店，價錢係比較高。
天水圍新北江商場間間微舖逐間試！芝士面醬汁濃而不膩！1個問題需改善？
【#邪惡芝士麵】天水圍有一個商場係街坊嘅美食廣場，E.A.Two亦曾經到過幾間小店，今次就前往當中另一間，呢間全舖分明以芝士為主打，感覺好家庭式風格，路過不妨拍拖兩個人試一試。
大埔丸茶開業逾5年、選擇困難症適宜！主打台式珍奶卻港味濃？
【#大埔茶飲】香港茶飲店就係台灣手搖飲品店，選擇同樣有好多，但真正嘅本地選擇其實有限，想要拍拖兩個人找尋本土茶飲，記得留意E.A.Two嘅茶飲List。今次前往大埔一間位於廣福道上嘅茶飲店，牆壁滿佈本地明星嘅應援宣傳品，選擇雖然有台式風格，但有就滲有香港味。
大埔街坊逾20年舊式麵包舖！名都餅店平價麵包／蛋撻／忌廉蛋糕
【#傳統麵包】香港傳統麵包店愈來愈少，港式麵包店有種獨特風格，係其他地方模仿唔到。大埔屋邨內有間傳統麵包舖，經營有超過20年，麵包每日新鮮出爐，重有港式蛋撻同生日蛋糕，探訪大埔經過呢一帶不妨拍拖兩個人去買返個最平6蚊嘅麵包。
即睇Tips！灣仔長期排隊店新景園咖哩小廚！馳名中外最高人氣咖喱豬扒飯／乾炒牛河水準如何？
【#人氣咖喱】講到灣仔區最具人氣嘅餐廳，絕對不得不提拒絕藝人譚詠麟直入嘅「新景園咖喱小廚」。該店多年來每日都係大排長龍，無論午市定晚市，開舖前就已經有一條長長人龍，想要拍拖兩個人隨時去食真係天荒夜潭。該店唔單止受本地人歡迎，連中西遊客都慕名而至，到底有咩招牌作，值唔值得專程去食呢？
南昌V City對面有分店！餃里8款餃子任揀湯餃／煎餃／3款湯水、最平$42！
【#平價餃子店】香港有唔少餃子店可以選擇，適合經濟型情侶拍拖兩個人用餐，E.A.Two就曾經食過「好味餃子店」、「甜記餃子」，今次就前往「餃里」，尚餘一間「有得餃」未食過，而呢幾間餃子店都係快靚正又經濟實惠嘅選擇。
【新年巡禮2026】全港逾25間香港小店全素蘿蔔糕／櫻花蝦瑤柱蘿蔔糕／紅棗燕窩椰汁年糕／開心果年糕／鮑魚雲腿蘿蔔糕／麻辣芋頭糕！賀年糕點立即預訂享早鳥優惠！
【#新年巡禮2026】踏入2026，意味農曆新年即將來臨，拍拖兩個人想搵年糕、蘿蔔糕？今次E.A.Two為大家整合2026年新年糕點，雖然繼續出品新年糕點嘅餐廳及商店已經愈來愈少，但有心要搵一樣可以搜羅到，即刻睇睇啱你心水嘅小店！
赤柱隱藏免費博物館！香港懲教博物館毗連監獄！設10個展覽館＋2個打卡位、最驚喜係邊個？
【#赤柱博物館】於2025年11月，有個「香港博物館節」，有超過17個博物館都係免費入場，但就唔包括隱身於赤柱嘅呢個博物館。不過，呢個博物館本身都係免費入場，如果拍拖兩個人於赤柱一帶散步，不妨順路遊覽呢個展覽館。
超迷你唐樓博物館隱身上環街頭！近PMQ元創方／新聞館！保留裝潢、件件舊香港人昔日必備架生！
【#超迷你博物館】好多人成日話香港無地方去，無嘢好行，其實現時依然有好多地方隱身市區內，值得拍拖兩個人去搜索一下。今次E.A.Two就前往一間近月先開放公眾進入嘅「唐樓博物館」，原來呢間小型博物館真係隱身於一幢唐樓內，入面保留咗昔日嘅場景同用具。而唐樓位置唔單止近上環知名文創地標「PMQ元創方」，同時毗鄰「香港新聞博物館」，任何人都係免費入場，即睇預約方法！
實試官方導賞團！一次參觀尖沙嘴2大法定古蹟、深入了解天文台總部＆前九龍英童學校英式建築！
【#本地導賞團】如果拍拖兩個人喺香港唔知去邊度好，不妨試吓join香港導賞團，對香港地隨時有更深認識，有好多係平時無咩人留意而又鮮為人知。今次E.A.Two就選擇參與尖沙嘴兩個景點嘅導賞團，呢兩個地方唔單止係英式建築物，而且都係一早被列為「香港法定古蹟」，原來每個禮拜只有1日有得導賞團，到底點樣join呢？
舊京都風小屋已拆走！北角天后廟道三號花園日式庭園竟變單一朱紅色鳥居裝飾？
【#再獻新猷】近年小說《我所看見的未來》翻hit，唔少人竟然因為一本小說而擔心「7月5日災難性大地震」預言成真，連7月日本旅遊人次都大幅減少。日本素材向來受到港人拍拖兩個人歡迎，港島區一個公園早年就有一個京都風庭園，今日小屋已被拆走，取而代之嘅只係單一朱紅色鳥居裝飾，唔通係為咗香港人唔飛日本而設？
落機無需搭地鐵！香港機場巴士路線直出市區車費更低？即睇港九新界E車、A車、N車攻略！
【#機場巴士】無論係旅客搭飛機嚟香港旅遊，抑或香港人由外地返香港，由香港國際機場出發前往市區，好多人都會選擇乘搭地鐵。不過，其實香港機場有大量巴士路線可以選擇，唔單止可以直出市區，而車費隨時更低，甚至全天候都有車往返機場，拍拖兩個人由機場去市區都好方便。到或巴士路線中嘅E車、A車、N車有咩分別呢？即睇香港機場巴士路線攻略！
承豐道隱藏漩渦形純白觀景台！公園毗鄰啟德體育園／Airside！清靜海濱長廊180度瞰港九東西維港景！一條路線穿梭空中花園＋郵輪碼頭公園！
【#散步日常】近年，啟德一帶吸引唔少人流，「啟德體育園」就係人流聚集嘅地方，而最近其實重有一個隱藏「啟德體育園」同「啟德郵輪碼頭」之間嘅賞景觀景台。該觀景台設計既似一個漩渦，亦可以連接「啟德空中花園」走道、可以180度眺望港九東西維多利亞港景色同煙花景嘅「啟德海濱長廊」，甚至一條路線直達「啟德郵輪碼頭」，人流稀少，沿途環境清靜，適合拍拖兩個人散吓步。