標籤: 旺角Cafe

【#樓上咖啡店】旺角Cafe有好多，近年愈開愈多，而且係開到氾濫，要拍拖兩個人搵樓上咖啡店，其實唔難！不過，要找尋一間食物方面有水準嘅咖啡店，就並非易事，因為大多數都只係掛羊頭賣狗肉，食物水準不值一提，卡邦尼意粉隨時食到厭。今次編輯帶大家到一間樓上咖啡店，都算係旺角區內一個神秘角落，望落好似好難搵，但原來入口只係位處西洋菜南街，抬頭可以見到，一個包含五款冷熱盤嘅Full Set精緻料理套餐$100有找。

香港咖啡店愈開愈多，競爭力愈來愈大，無乜特色都難以生存，近一年於上環、旺角皆有分店嘅半路咖啡，就以舊香港為主題，據悉最特別之處係印有「萬壽無疆」嘅中式陶瓷杯、紙杯，不過「萬壽無疆」杯原來只限上環店，旺角店並無呢種中式設計咖啡杯。