香港咖啡店不少，唔少都係值得拍拖兩個人去逛逛，其中旺角就係聚集Cafe嘅區域。今次E.A.Two於旺角街市附近搵到一間咖啡店，店名對於非香港人嚟講可能未必識點讀，係一間港式Fusion Cafe，不妨拍拖兩個人去試試。
該店位置鄰近「旺角街市」，牆上寫有招牌，店名只有三個字「冚棒唥」，紙巾上亦寫有粵語「Ham6 Baang6 Laang6」，意思即係全部，無一例外，寫明係廣東話拼音同聲調，真係實際地宣揚支持廣東話。店內裝潢以復古為主調，入面重有一張以懷舊黃色車設計嘅梳化座椅。
該店原先位於佐敦，目前只剩低旺角店。「冚棒唥」唔單止店名充滿港味，連菜式有玩味，感覺似fusion菜，午市套餐僅限平日星期一至五，以沙律、輕食、飯為主。不過，該店係西式mix其他菜式，比如係泰式、台式，反而港式嘅菜式比較少，大部份係西式mix泰式，主要係marketing改名上比較花心思。
店內嘅餐牌頗有趣，專登改過晒啲名，比如係差點入米芝蓮卡邦尼$108、滷蛋滷肉飯$98。如果自問係選擇困難症嘅人，可以直接點唔使諗套餐$198，包含冚棒唥全日早餐、焦糖牛奶布甸、泰椰奶紅茶冰，既有店內招牌，亦唔需要點諗。店內亦有素食餐$188，包括白味噌忌廉意粉、芝士焗西蘭花、青桔話梅凍美。另外，亦有廚師c、咖啡c、烘焙c聯乘套餐$178，包含有復刻美式鹹班戟、湯力咖啡、自家製蛋糕。
該店食物名稱係改得比較特別，實際上其實唔太吸引，不過飲品、甜品配搭都幾有新鮮感。特調飲品有老薑與鮮奶$50至55、青桔話梅凍美$55、冧巴溫花生咖啡$55至60、以啡代酒coffee mojito$60、蕉蕉積咖啡沙冰$60、泰椰奶紅茶冰$65。另有咖啡店版本廚師發辦，例如當日有青瓜手搖咖啡$50、薄荷朱古力$45至50、士多啤梨朱古力咖啡$50至55。
今次飲兩杯嘢挑選咗冧巴溫花生咖啡、以啡代酒嘅Coffee Mojito，花生咖啡係加入花生嘅咖啡，質感頗濃稠，同一般咖啡唔同，上方重有一塊手指餅乾，咖啡好濃，加咗花生味唔會好苦澀，幾醇，好重花生香，入面有少少花生粒，不過飲到尾有啲膩，同埋有啲蓋咗咖啡香。而Coffee Mojito入口有好重薄荷味，咖啡味唔太厚，雖然加入咗菠蘿汁等，但甜度唔高。
至於甜品，單點較貴，但其實任何消費加錢都得，包括有雪糕意式特濃$18、焦糖牛奶布甸$38、香蕉拖肥撻$38、復刻美式雪糕班戟$98、自家製蛋糕$48，當日有香蕉合桃咖啡海綿蛋糕。焦糖牛奶布甸上檯真係幾靚，打卡必選！焦糖係醬汁同頂端嘅焦糖粒，鮮奶布甸有濃郁奶香，唔算好甜，主要甜味係來自於焦糖。
E.A.Tips :
❷ 冚棒唥旺角店距離旺角街市僅有4分鐘步程。
❸ 店內有座位，店外都有少量戶外座位。
❹ 午市套餐只限星期一至五供應。餐具等係以自助式設計，需要自取。
冚棒唥
旺角廣東道983號廣福大廈地下D號舖
星期一至五12:00 - 22:00；星期六至日11:00 - 19:00
2468 0806
觀塘Mini Friday與鄰舖米走雞合拼經營？半自助式變午市套餐更適合打工仔！
【#打工仔飯堂】網上嘅資訊好多時都係有真有假，E.A.Two查證以下餐廳時，發現最出名嘅飲食平台竟然寫佢已經結業。不過親身到達現場時，就發現同層兩間餐廳都係依然尚存。雖然無咗半自助式午餐，但仍然容許拍拖兩個人去醫吓肚。
慈雲山平價街坊店兩三碗餃子逾10款餡任揀！最受歡迎竟然係石板／石鍋小食？
【#平價餃子】慈雲山係一個完全屋邨地，同時係一個學校邨，週邊最多嘅就係屋邨同中小學，附近都係街坊同學生。不過，該區食肆並唔多，至今都有唔少餐廳結業，E.A.Two已經食得八八九九，今次去嘅餃子店就係附近車仔麵店嘅姊妹店，拍拖兩個人想食平啲都有所選擇。
【中秋月餅2026】超過20間香港小店本地生產月餅！流心咖啡／港式奶茶／金腿伍仁／開心果麻糬／黑芝麻冰皮／燕窩月餅！留意早鳥優惠、英國專線點買？
【#月餅攻略2026】每年一到暑假，都係準備預訂中秋月餅嘅時候。隨住本地結業潮，拍拖兩個人喺香港買月餅，選擇可能已經愈來愈少。不過，識揀依然有唔少選擇，首選一定係小店模式，如果真係想再穩陣啲，都可以揀日資連鎖店。上年有店舖特設英國專線，今年都唔例外。E.A.Two又再整合2026年中秋節月餅推介，想食咩口味嘅月餅都係任君選擇！
灣仔金庸武俠小說主題Cafe玩味十足！笑林寺隱藏被咖啡耽誤嘅意粉大廚？
【#被咖啡耽誤】雖然近年香港結業潮湧現﹐但有啲餐廳依然客人一個接一個，價格豐儉由人﹐E.A.Two覺得今時今日仍然能夠吸引客人拍拖兩個人排隊都照食，必然有原因。香港有唔少咖啡店，灣仔有一間中西合璧嘅咖啡店非常有玩味，實試之後就覺得咖啡唔係最吸引，意粉先至係最意想不到嘅選擇，入面絕對有位被咖啡耽誤嘅意粉大廚！
荃灣海旁屋苑平台隱藏平價漢堡包／Pizza店！Hustle Guy近月搬入街市重新開業！
【#搬遷試業】要數荃灣區平靚正嘅美食，應該有排數，呢個大區每個角落都有值得拍拖兩個人前往嘅小店。今次E.A.Two於海濱一帶去到一個屋苑平台，當中有一間隱身街市內嘅burger同pizza店，真係可以叫做平靚正，難怪一直係街坊選擇。最近該店更將原店搬入街市內，堂食座位增加，試業當中連紅紙都未拆！
土瓜灣人氣茶飲店裕吉堂近月重開！手搖飲貴過碟飯？店舖限定用茶煮飯整炸雞？
【#重開試業】土瓜灣向來美食眾多，E.A.Two已經基本上食過晒值得前往嘅小店，有好多更加係重複地去完又去。當中有間原先位於大街上嘅茶飲店「裕吉堂」喺上年底宣佈結業，而近月就重開試業，選址轉為內街，原先只提供外賣，現時就增設堂食，重有土瓜灣限定嘅茶味嘅飯餐，碟飯比茶飲更加抵食，拍拖兩個人不妨一試。
赤柱隱藏免費博物館！香港懲教博物館毗連監獄！設10個展覽館＋2個打卡位、最驚喜係邊個？
【#赤柱博物館】於2025年11月，有個「香港博物館節」，有超過17個博物館都係免費入場，但就唔包括隱身於赤柱嘅呢個博物館。不過，呢個博物館本身都係免費入場，如果拍拖兩個人於赤柱一帶散步，不妨順路遊覽呢個展覽館。
超迷你唐樓博物館隱身上環街頭！近PMQ元創方／新聞館！保留裝潢、件件舊香港人昔日必備架生！
【#超迷你博物館】好多人成日話香港無地方去，無嘢好行，其實現時依然有好多地方隱身市區內，值得拍拖兩個人去搜索一下。今次E.A.Two就前往一間近月先開放公眾進入嘅「唐樓博物館」，原來呢間小型博物館真係隱身於一幢唐樓內，入面保留咗昔日嘅場景同用具。而唐樓位置唔單止近上環知名文創地標「PMQ元創方」，同時毗鄰「香港新聞博物館」，任何人都係免費入場，即睇預約方法！
實試官方導賞團！一次參觀尖沙嘴2大法定古蹟、深入了解天文台總部＆前九龍英童學校英式建築！
【#本地導賞團】如果拍拖兩個人喺香港唔知去邊度好，不妨試吓join香港導賞團，對香港地隨時有更深認識，有好多係平時無咩人留意而又鮮為人知。今次E.A.Two就選擇參與尖沙嘴兩個景點嘅導賞團，呢兩個地方唔單止係英式建築物，而且都係一早被列為「香港法定古蹟」，原來每個禮拜只有1日有得導賞團，到底點樣join呢？
舊京都風小屋已拆走！北角天后廟道三號花園日式庭園竟變單一朱紅色鳥居裝飾？
【#再獻新猷】近年小說《我所看見的未來》翻hit，唔少人竟然因為一本小說而擔心「7月5日災難性大地震」預言成真，連7月日本旅遊人次都大幅減少。日本素材向來受到港人拍拖兩個人歡迎，港島區一個公園早年就有一個京都風庭園，今日小屋已被拆走，取而代之嘅只係單一朱紅色鳥居裝飾，唔通係為咗香港人唔飛日本而設？
落機無需搭地鐵！香港機場巴士路線直出市區車費更低？即睇港九新界E車、A車、N車攻略！
【#機場巴士】無論係旅客搭飛機嚟香港旅遊，抑或香港人由外地返香港，由香港國際機場出發前往市區，好多人都會選擇乘搭地鐵。不過，其實香港機場有大量巴士路線可以選擇，唔單止可以直出市區，而車費隨時更低，甚至全天候都有車往返機場，拍拖兩個人由機場去市區都好方便。到或巴士路線中嘅E車、A車、N車有咩分別呢？即睇香港機場巴士路線攻略！
承豐道隱藏漩渦形純白觀景台！公園毗鄰啟德體育園／Airside！清靜海濱長廊180度瞰港九東西維港景！一條路線穿梭空中花園＋郵輪碼頭公園！
【#散步日常】近年，啟德一帶吸引唔少人流，「啟德體育園」就係人流聚集嘅地方，而最近其實重有一個隱藏「啟德體育園」同「啟德郵輪碼頭」之間嘅賞景觀景台。該觀景台設計既似一個漩渦，亦可以連接「啟德空中花園」走道、可以180度眺望港九東西維多利亞港景色同煙花景嘅「啟德海濱長廊」，甚至一條路線直達「啟德郵輪碼頭」，人流稀少，沿途環境清靜，適合拍拖兩個人散吓步。