最後機會！旺角山下菓子限定mofusand聯乘Sanrio Characters 免費送鎖匙扣＋襟章＋木盤＋水杯

旺角「山下菓子」不時會與唔少卡通人物聯乘，推出期間限定Cafe，今次就特別與人氣日本小貓咪Mofusand及Sanrio Characters合作，咖啡店搖身一變成為mofusandもふもふマーケット嘅主題Cafe！今次更特別聯同Sanrio Characters創作Crossover公仔，更值得拍拖兩個人去打卡！

今次Mofusand x Sanrio Characters限定主題截至6月30日為止，公仔包括有Hello Kitty、My Melody、Cinnamoroll玉桂狗、Pompompurin布甸狗、Kuromi、Hangyodon水怪。而每一份set都會送Mofusand x Sanrio Characters小精品，包括一張掛門小牌、一個小型鎖匙扣，熱飲會有陶瓷水杯，凍像就有卡通鎖匙扣吊飾。若埋單時消費滿$200，更會有一個小襟章，$400就有兩個。前者係random提供，不過多數會跟你揀邊隻公仔而俾，除非缺貨；而小襟章則可以最後自己選擇。

一望餐牌，設計精美，但細心啲睇，自然會發現基本上全部菜式同飲品都同公Mofusand同Sanrio Characters無關，只係餐廳本身嘅食物及飲品上面加咗塊小紙牌，但都有部份係無得加小公仔紙牌。只不過部份單點食物及飲品可以帶走木盤同水杯，甚至便當盒，但價錢就較高。至於Set A, B, C，價格由$158至$238，主食加飲品，或者主食加小食加飲品，價錢尚算較為合理。

據悉，店內主打係日式咖喱蛋包飯，不過套餐入面就無呢個選擇，基本上只有粉紅卡邦尼、蜆肉冬蔭意粉、拉芝大蝦意粉可以選擇。今次就挑選粉紅卡邦尼、蜆肉冬蔭意粉，一個最簡單食評就係﹕一個無味，一個好辣。粉紅卡邦尼貌似賣相吸引，但入口清淡如水，原來係與火腿Crossover，味道一般。蜆肉冬蔭意粉份量一樣，唔算多，蜆肉亦少，而冬蔭意粉即蜆肉冬蔭功醬撈意粉，但入口太辣，辣度太高，搶過所有味道，冬蔭功醬應該有啲層次。

凍山下水果茶、凍抺茶拿鐵同樣係上面加咗塊公仔小牌，水果茶本身係該店嘅得意作品，以高身杯盛載，內裏含有多款水果，至少塞得滿滿。士多啤梨法式多士配雲呢拿雪糕$109，無咩意見，建議都係叫返鮮雜果梳乎厘班戟，另外都有手工蛋糕、芭菲等。

店內牆身既貼有Mofusand x Sanrio Characters嘅公仔壁畫，天花亦有吊飾，而近門口更有精品小區。當中，有多款限定精品，包括T-Shirt、水晶球、攬枕、透明直遮、玻璃碟、環保袋、毛毯等，重有random紀念卡，每款都係百幾蚊起。

兩個人旅吓行

專題

立即 Follow E.A.Two 兩個人醫吓肚
Instagram: @e_a_two
Like Facebook 專頁: E.A.Two 兩個人醫吓肚
Subscribe YouTube Official Channel E.A.Two 兩隻嘢玩乜好，
了解更多E.A.Two 資訊

E.A.Tips :

❶ 付款方式接受Visa、Master、現金、八達通。店內有加一服務費。

❷ 該店必須要訂檯，否則難以入場。現場取票walk in都得，但好快就會無晒飛。當日見好多人拎完飛見多人就走咗，而店內則有好幾張吉檯。可以嘗試直接詢問店員點處理同有無檯，但平日會比較大機會walk in，週末就難啲。

❸ 要留意有部份菜式未必有公仔裝飾。

❹ 如果想要木盤同水杯，就只能單點，否則套餐會較平，不過都要下一次食先有。

EATWO

Miss A

好好運快餐店「世一」沙嗲牛肉麵近月荔枝角重開！麵底加1樣嘢畫蛇添足扣分、極上系列週六限定！

兩個人旅吓行

專題

E.A.Tips :

山下菓子 (T.O.P This is Our Place)