近年，香港不斷有餐廳宣佈結業，唔少有質素嘅餐廳都逐步消失，同香港講拜拜，本地尚存嘅小店數目愈來愈少。今次編輯就一次過總結返我哋實試過嘅餐廳推介，結合現時仍然有嘅餐廳美食，方便大家繼續支持本土小店，第三炮於找尋旺角尚存嘅本土餐廳。

Cafe系列

雞蛋屋

所謂雞蛋與羔羊，雞蛋永遠都係容易碎裂嘅一方，雞蛋撞石牆並唔簡單，旺角有一間隱藏於鬧市嘅雞蛋屋，以台式美食為主，最特別之處係有一款台式Omakase，由當日廚師為客人發辦。

延伸閱讀﹕【野餐隨行】油麻地一級歷史建築鬧市空中花園野餐神秘台式廚師發辦$100有找！

咖啡綠茶

旺角樓上Cafe有好多，水準卻又參差不齊，要同時找尋有水準嘅樓上咖啡店唔容易，其中位於登打士街樓上嘅咖啡綠茶就有一款五品料理，甚有心思。

延伸閱讀﹕樓上咖啡店自選高水準五品料理！旺角西洋菜南街神秘角落點只賣咖啡綠茶

Be Humble

走到旺角Cafe，有啲人當然係想有影相位，毗鄰信和中心嘅Be Humble，就有一間以土耳其風格為主調嘅Cafe，一室滿滿民族風，摩洛哥風格嘅彩繪吊燈亦好搶眼。

延伸閱讀﹕信和隔離！旺角樓上咖啡店舖滿土耳其民族風Halı 摩洛哥彩繪玻璃吊燈搶眼任打卡

Error 19

平時有出去旺角食飯聚會嘅讀者，對於彌敦道726號一定唔陌生，整幢樓包含多間餐廳，菜式任君選擇，當中有一間以Error19命名嘅Cafe，全店以粉色為主，少女味重，適合朋友聚會或拍拖約會。

延伸閱讀﹕Running燒姊妹店！彌敦道粉紅少女系Cafe 最Error嘅甜品係咩？

90s Lazy

原來位於觀塘嘅90s Lazy，現時已搬到旺角，繼續經營一間90後嘅悠閒咖啡室，有基本菜式，包括All Day Breakfast、意粉等。

延伸閱讀﹕九十後部落觀塘新分店開業懶人週末悠閒上樓歎All Day Breakfast

半路咖啡

原址為五金行嘅半路咖啡，於旺角、上環皆有分店，上環店以中式萬壽無彊茶杯盛載西式咖啡聞名，而旺角店則以五金風格為主，店內舊有堅強貿易行牌匾亦依舊存在。

延伸閱讀﹕消失的「萬壽無疆」？旺角懷舊東方色彩工業風咖啡店五金味重

拉麵系列

漁場台風

講到日本拉麵，喺香港係比較難搵到有水準嘅拉麵店，若然要睇同路人，就更難選擇，當中漁場台風就係數一數二既追貼日本拉麵質素，又屬良心小店嘅例子。

延伸閱讀﹕台風旺角店平價日式拉麵有超水準

樸一拉麵

除咗漁場台風，旺角女人街亦有另一間拉麵店，呢間樸一拉麵不時有人排隊等候，店內拉都原來亦算不俗，有合格水平。

延伸閱讀﹕旺角女人街本地人龍拉麵激罕良心店達合格水平

放題系列

Running燒

平常想食燒肉放題，又唔知去邊間好？推介大家到Running燒，店內以韓式燒肉放題為主打，價錢適中，與Error19屬同一老闆。

延伸閱讀﹕禁堂食前歎燒肉放題！旺角人氣韓式料理Running燒午市享7折優惠

神戶屋日韓放題

旺角兆萬中心向來有唔少放題店，對於喜愛食日式放題嘅讀者一定唔陌生，當中神戶屋日韓放題就係其中一個例子，2小時任食放題價格合理。

極上帝王水產

至於同樣位於旺角兆萬中心嘅極上帝王水產，其實同神戶屋日韓放題係屬同一老闆，連裝潢佈置都好相近，而落單App亦如同倒模，食物亦幾乎一樣。

延伸閱讀﹕旺角兆萬中心2間日韓放題隨時食足5至6小時？

素食系列

無肉食

素食人士擔心唔知食乜好？無肉食就係一間出名嘅素食自助餐店，素食Buffet比起一般Buffet價錢較低，而選擇亦唔少，更特別之處係可以外帶Buffet，以坊間一碗麵嘅價錢就可以自己夾餸到外賣飯盒內，重有湯品、甜品或飲品。

延伸閱讀﹕食Buffet有外帶！無肉食自助餐仍供應自選任夾外賣飯盒全港5間分店抵過堂食低至$50

熟食中心系列

旺角熟食中心 - 泰風佳味海南雞

熟食中心向來係麻甩佬飯堂，有啲人覺得無乜好食，其實只要懂得搵食，都一樣可以搵到啱食嘅小店，旺角熟食中心就有一間以泰式海南雞飯為主嘅食店，雞肉滑嫩，值得一試。

旺角熟食中心 - 海都車仔麵茶餐廳

除咗泰式海南雞飯，旺角熟食中心重有一間車仔麵店，午市期間特別受打工仔歡迎，皆因價格相宜，而水準亦不俗。

延伸閱讀﹕旺角麻甩飯堂大搜查「佬味」十足平民熟食中心藏泰式風味海南雞/超抵食車仔麵

花園街熟食中心樹屋泰菜

每個熟食中心都可以尋吓寶，旺角花園街熟食中心亦有一間炮製正宗泰國菜嘅小店，熟食中心嘅地踎感狀似泰國當地市場，原來呢間小店於熟食中心已經屹立多年，人均百幾蚊就可以食到豐富泰菜。

延伸閱讀﹕旺角花園街街市屹立多年熟食中心地踎泰國菜人均$120

東南亞系列

越發地道河內料理

東南亞菜向來受本地人歡迎，除咗泰國菜，越南菜都係本地人會搵食嘅地方，旺角近朗豪坊有一間越南菜館，以河內料理為主，牛柳粉為人氣之選。

延伸閱讀﹕離潮流特區僅3分鐘步程！旺角砵蘭街越南河內料理必食牛柳粉牛湯濃郁菜式地道

越興園越南餐廳

旺角女人街美食眾多，越南菜亦不只一間，當中以越興園較受歡迎，價格相宜，出品亦不俗，最特別係店內有一款越底海南雞飯。

延伸閱讀﹕旺角$48越南版海南雞飯同價海量湯粉似足二人份量

日台系列

一燒窰

講到香港人頭號喜愛美食，一定係日本菜，旺角區內有超多日式料理食店，而西洋菜南街、女人街亦不計其數，當中女人街有一間以燒物為主嘅小店，價錢相宜，外賣都有大大塊香脆吉列豬扒。

延伸閱讀﹕旺角西洋菜南街燒物之選外賣定食大塊吉列豬扒

大勝丼

至於大勝丼，就係旺角區內比較為人熟悉嘅日式料理店，店內有唔同款式嘅日式丼飯，重可以自選魚生等，有如港式車仔麵。

延伸閱讀﹕蟹膏似糞便？旺角車仔麵式日式丼飯自選3餸每款$18起

元洲牛肉麵

由長沙灣開到旺角嘅元洲牛肉麵，雖然以台式牛肉麵作藍本，但其實並非台式牛肉麵，反而係改良過嘅牛肉麵，少咗紅燒味，味道較溫和，貼近港式風格。

延伸閱讀﹕非來自台灣？本土製牛肉麵旺角/長沙灣有得食外賣自取折後$50有找

中港系列

Donut's BaBa

於銀城商場屹立多年嘅Donut’s Baba，一直以小食及雪糕為主，為地牢中一間小店，以往曾經受到學生歡迎。

延伸閱讀﹕旺角小店期間限定激抵10蚊2球白兔糖雪糕

喜惶點心專門店

經常想食點心，但又難搵茶樓嘅讀者，不妨留意吓附近有無點心專門店，其實目前仍然有唔少新式茶樓，同樣可以食到傳統點心，亦可以歎吓茶，旺角女人街內就有一間點心店，平日重有下午茶優惠，地理位置優越。

延伸閱讀﹕點心界KOL？本地人爭食招牌牛肉點心女人街一盅兩件好過去酒樓

延伸閱讀﹕旺角點心專門店外賣自取！$56一個人點心拼盤唔使怕選擇現分歧

茶滿滿

旺角有好多間茶飲店，都係好方便嘅小店，其中茶滿滿就係可以幫襯嘅小店，行街Shopping都可以飲杯嘢解渴喔。

甜記餃子

女人街內有多間餃子店，其中最為人熟悉嘅係甜記餃子，該店有唔少分店，每間經常出現人龍，唔知其他人真係覺得好食，定唔知重有好多選擇呢？編輯覺得甜記餃子根本唔好食，湯底怪、餃子唔飽滿、餡料膩或唔夾，長沙灣、旺角分店卻依舊多人，明明隔離同路餃子店更出色。

在 Instagram 查看這則帖子

https://eatwo.info（@e_a_two）分享的帖子

天園餃子

雖然知道天園餃子係賣餃子，但編輯竟然未食過該店餃子，只試過豬手麵，未知餃子質素如何，但豬手軟糯又入味，即使外賣都好惹味。