近年，香港不斷有餐廳宣佈結業，唔少有質素嘅餐廳都逐步消失，同香港講拜拜，本地尚存嘅小店數目愈來愈少。今次編輯就一次過總結返我哋實試過嘅餐廳推介，結合現時仍然有嘅餐廳美食，方便大家繼續支持本土小店，第三炮於找尋旺角尚存嘅本土餐廳。
Cafe系列
雞蛋屋
所謂雞蛋與羔羊，雞蛋永遠都係容易碎裂嘅一方，雞蛋撞石牆並唔簡單，旺角有一間隱藏於鬧市嘅雞蛋屋，以台式美食為主，最特別之處係有一款台式Omakase，由當日廚師為客人發辦。
咖啡綠茶
旺角樓上Cafe有好多，水準卻又參差不齊，要同時找尋有水準嘅樓上咖啡店唔容易，其中位於登打士街樓上嘅咖啡綠茶就有一款五品料理，甚有心思。
Be Humble
走到旺角Cafe，有啲人當然係想有影相位，毗鄰信和中心嘅Be Humble，就有一間以土耳其風格為主調嘅Cafe，一室滿滿民族風，摩洛哥風格嘅彩繪吊燈亦好搶眼。
Error 19
平時有出去旺角食飯聚會嘅讀者，對於彌敦道726號一定唔陌生，整幢樓包含多間餐廳，菜式任君選擇，當中有一間以Error19命名嘅Cafe，全店以粉色為主，少女味重，適合朋友聚會或拍拖約會。
90s Lazy
原來位於觀塘嘅90s Lazy，現時已搬到旺角，繼續經營一間90後嘅悠閒咖啡室，有基本菜式，包括All Day Breakfast、意粉等。
半路咖啡
原址為五金行嘅半路咖啡，於旺角、上環皆有分店，上環店以中式萬壽無彊茶杯盛載西式咖啡聞名，而旺角店則以五金風格為主，店內舊有堅強貿易行牌匾亦依舊存在。
拉麵系列
漁場台風
講到日本拉麵，喺香港係比較難搵到有水準嘅拉麵店，若然要睇同路人，就更難選擇，當中漁場台風就係數一數二既追貼日本拉麵質素，又屬良心小店嘅例子。
延伸閱讀﹕台風旺角店 平價日式拉麵有超水準
樸一拉麵
除咗漁場台風，旺角女人街亦有另一間拉麵店，呢間樸一拉麵不時有人排隊等候，店內拉都原來亦算不俗，有合格水平。
放題系列
Running燒
平常想食燒肉放題，又唔知去邊間好？推介大家到Running燒，店內以韓式燒肉放題為主打，價錢適中，與Error19屬同一老闆。
神戶屋日韓放題
旺角兆萬中心向來有唔少放題店，對於喜愛食日式放題嘅讀者一定唔陌生，當中神戶屋日韓放題就係其中一個例子，2小時任食放題價格合理。
極上帝王水產
至於同樣位於旺角兆萬中心嘅極上帝王水產，其實同神戶屋日韓放題係屬同一老闆，連裝潢佈置都好相近，而落單App亦如同倒模，食物亦幾乎一樣。
素食系列
無肉食
素食人士擔心唔知食乜好？無肉食就係一間出名嘅素食自助餐店，素食Buffet比起一般Buffet價錢較低，而選擇亦唔少，更特別之處係可以外帶Buffet，以坊間一碗麵嘅價錢就可以自己夾餸到外賣飯盒內，重有湯品、甜品或飲品。
熟食中心系列
旺角熟食中心 - 泰風佳味海南雞
熟食中心向來係麻甩佬飯堂，有啲人覺得無乜好食，其實只要懂得搵食，都一樣可以搵到啱食嘅小店，旺角熟食中心就有一間以泰式海南雞飯為主嘅食店，雞肉滑嫩，值得一試。
旺角熟食中心 - 海都車仔麵茶餐廳
除咗泰式海南雞飯，旺角熟食中心重有一間車仔麵店，午市期間特別受打工仔歡迎，皆因價格相宜，而水準亦不俗。
花園街熟食中心 樹屋泰菜
每個熟食中心都可以尋吓寶，旺角花園街熟食中心亦有一間炮製正宗泰國菜嘅小店，熟食中心嘅地踎感狀似泰國當地市場，原來呢間小店於熟食中心已經屹立多年，人均百幾蚊就可以食到豐富泰菜。
東南亞系列
越發地道河內料理
東南亞菜向來受本地人歡迎，除咗泰國菜，越南菜都係本地人會搵食嘅地方，旺角近朗豪坊有一間越南菜館，以河內料理為主，牛柳粉為人氣之選。
越興園越南餐廳
旺角女人街美食眾多，越南菜亦不只一間，當中以越興園較受歡迎，價格相宜，出品亦不俗，最特別係店內有一款越底海南雞飯。
日台系列
一燒窰
講到香港人頭號喜愛美食，一定係日本菜，旺角區內有超多日式料理食店，而西洋菜南街、女人街亦不計其數，當中女人街有一間以燒物為主嘅小店，價錢相宜，外賣都有大大塊香脆吉列豬扒。
大勝丼
至於大勝丼，就係旺角區內比較為人熟悉嘅日式料理店，店內有唔同款式嘅日式丼飯，重可以自選魚生等，有如港式車仔麵。
元洲牛肉麵
由長沙灣開到旺角嘅元洲牛肉麵，雖然以台式牛肉麵作藍本，但其實並非台式牛肉麵，反而係改良過嘅牛肉麵，少咗紅燒味，味道較溫和，貼近港式風格。
中港系列
Donut's BaBa
於銀城商場屹立多年嘅Donut’s Baba，一直以小食及雪糕為主，為地牢中一間小店，以往曾經受到學生歡迎。
喜惶點心專門店
經常想食點心，但又難搵茶樓嘅讀者，不妨留意吓附近有無點心專門店，其實目前仍然有唔少新式茶樓，同樣可以食到傳統點心，亦可以歎吓茶，旺角女人街內就有一間點心店，平日重有下午茶優惠，地理位置優越。
茶滿滿
旺角有好多間茶飲店，都係好方便嘅小店，其中茶滿滿就係可以幫襯嘅小店，行街Shopping都可以飲杯嘢解渴喔。
甜記餃子
女人街內有多間餃子店，其中最為人熟悉嘅係甜記餃子，該店有唔少分店，每間經常出現人龍，唔知其他人真係覺得好食，定唔知重有好多選擇呢？編輯覺得甜記餃子根本唔好食，湯底怪、餃子唔飽滿、餡料膩或唔夾，長沙灣、旺角分店卻依舊多人，明明隔離同路餃子店更出色。
天園餃子
雖然知道天園餃子係賣餃子，但編輯竟然未食過該店餃子，只試過豬手麵，未知餃子質素如何，但豬手軟糯又入味，即使外賣都好惹味。
麵賜園
女人街乜菜式都有，麵賜園就似乎索性以Fusion麵為主打，於麵底中加入獨特養生湯底，不過價錢就貴少少。
煲仔榮記
煲仔榮記係來自慈雲山，旺角店其實比較近油麻地，店舖以煲仔飯為主打，網上一直有唔少好評，但由於編輯當日仍然未能夠堂食，只能外賣煲仔飯，仍未有機會去堂食煲仔飯，為公平起見，除咗錯單嬲嬲哋之外，對該店煲仔飯暫時唔再作任何評價。
一日三餐
由前知名議員開設嘅一日三餐，為一間港式茶餐廳，似乎想為港人提供一日三餐好地方，雖然普遍食物水準唔高，但焗飯就算唔錯。
麻辣風雲
位於瓊華中心樓上舖嘅麻辣風雲，為著名新生代樂隊歌手Tonick主音恆仔主理嘅餐廳，以四川菜及麻辣菜式為主打，雖然蒜泥白肉好麻麻，但口水雞醬汁就唔錯。
齊柏林熱狗涉足兩餸飯再賣牛肉飯 實試2層高牛丼家 新店試業最平$100／5碗！
灣仔排隊店雄記美食隨時休息有性格 煎蛋腸粉／咖喱牛腩／新鮮牛雜／自家製飲品
【#雞蛋腸粉】灣仔克街「雄記美食」唔單止係區內打工仔喜愛嘅小店，唔少人更加會拍拖兩個人跨區前往。該店以牛雜、牛腩為主打，甚受歡迎，重有一款人氣煎蛋腸粉及自家製飲品。不過，該店幾有性格，就算長期係排隊店，都會隨時休息，而且營業時間有限，賣晒就收檔！
深水埗素食cafe每日食材餐單不一增新鮮感！黑窗里推自由定價菜式是好是壞？
【#自由定價】香港素食店選擇不少，深水埗素食小店就不下3間，其中「黑窗里」就係一間受年輕人歡迎嘅素食Cafe，適合拍拖兩個人前往。店內最特別之處，係將其中一款菜式列為「自由定價」！
牛頭角小街道隱藏西式咖啡店力撐減塑！炭燒香草豬扒配白咖哩汁價格親民 ｜Space cafe & kitchen
【#減塑小店】唔知點解，香港近年多咗好多「隱世小店」，山邊嘅叫「隱世」，近馬路嘅叫「隱世」，人來人往嘅又叫「隱世」，連大商場內嘅都叫「隱世」。有啲詞語，用一次叫突破，用兩次叫抄襲，再用多十次八次就叫老土。言歸正傳，今次想講位於牛頭角後街內嘅西式Cafe，主打西餐，最大賣點係出盡力支持減塑。
冰花煎餃、豬骨鮮魚湯！觀塘巧明街小店任揀15款餃子＋可半煮半煎
【#半煮半煎】香港地有好多餃子店，成本低廉，只需賣餃子麵，而間間餃子款式眾多，更容易吸引平民拍拖兩個人進入，隨時比兩餸飯店更好做。觀塘區一帶餃子店不少，靠近裕民坊商場嘅「餃子爺爺」就係其一。
觀塘人氣海鮮丼專門店最平都要$98 堂食外賣有咩分別？｜漁吉
【#丼飯便當】觀塘有好多隱藏樓上食店，適合拍拖兩個人前往，有部份可能連E.A.Two都未曾去過。當中﹐有一間丼飯專門店，選擇有約12款，最特別之處係原來聯乘咗重光便當，同時有該店嘅日式便當售賣。不過，店內嘅丼飯就引起爭議，堂食同外賣竟然無咩分別，到底點解？
九龍灣工業區打工仔飯堂！美式茶記有得鋸扒、食炸髀 平民飯麵餐低至$45｜Mr.OJ
【#打工仔飯堂】九龍灣工業區一帶小店並唔多，唔少打工仔都大嘆該區無啖好食，但其實識搵一樣可以搵到打工仔飯堂，或者適合拍拖兩個人前往嘅小店。除咗Eastmark商場，對面重有一間只開早午市至下午茶嘅美式茶餐廳，鋸扒或碟頭飯都價格平民。
【新年好去處2024】香港ifc商場網紗繁花盛開 小咭印出趣味花朵
【#繁花設計】中環IFC商場不時有期間限定展覽，今個新春就以繁花及香氣為主題，感覺簡單直接，拍拖兩個人更可用2024年小咭收集5個年花圖案，寫上隻言片語及祝福語句。
【新年好去處2024】荃灣廣場戶外設海量熊貓 極似外賣平台宣傳廣告？
【#熊貓主題】今個新年，有好多商場展覽都以貓咪為主題，荃灣廣場都係用貓，不過係熊貓，出現大量熊貓主題打卡裝置，似乎有意吸引拍拖兩個人去影吓相。不過編輯放眼一望，誤以為整個展覽係一個外賣平台嘅宣傳活動！
【新年好去處2024】金鐘太古廣場新年紅色花卉小屋連桃花樹打卡 設計精簡時尚符合中區風格
【#紅色小屋】金鐘太古廣場係中區重要地標之一，充滿時尚魅力，今次新年展覽僅以紅色小屋為主，加上桃花樹裝飾，設計簡潔，卻帶有時尚感，符合該區風格，足以吸引唔少人拍拖兩個人打卡。
【新年好去處2024】荃灣如心廣場又係貓咪主題？ 新年本地插畫金魚貓Kiyo迎Meow接福
【#迎貓接福】荃灣如心廣場向來係該區重要商場地標之一，今年與其他商場展覽如出一轍，新春展覽都係以貓咪為主題，實行吸引拍拖兩個人迎Meow接福。你話變成《飯戲攻心》明禎呢個阿Meow就話特別姐，點解個個商場都用貓做主題，設計真係咁無新意？
【新年好去處2024】灣仔利東街紅噹噹燈籠／金魚高掛現燈海 金龍賀歲似醒獅表演
【#紅噹噹賀歲】2024年嘅農曆新年與2.14情人節基本重疊，拍拖兩個人過完年初一二三，馬上就到情人節，故此今年新年展覽裝飾同時有新年氣氛及情人節特色。灣仔利東街雖然大概只係得紅噹噹燈籠高高懸掛，以及金龍裝飾，但同時有新年及情人節活動。
尖沙嘴鬧市香檳大廈上年底強拍 十室九空僅餘星座冰室＋賓館＋少數相機店
【#其實幾時會拆】尖沙嘴香檳大廈由建成至今有超過60年歷史，而全盛期從90年代中至今亦有近30年歷史，自從2011年收購，直到上年底強拍，歷時有13年。目前，拍拖兩個人依舊可以遊走香檳大廈，只不過重有咩睇呢？
