香港結業潮下，美食小店似乎一間又一間逐步消失，縱然搵食艱難，現時依然有唔少值得支持嘅小店尚存，香港人一樣可以拍拖兩個人搜羅各種喜愛菜式，甚至性價比高嘅餐廳選擇。今次E.A.Two編輯就為大家整理2024年旺角區尚存嘅餐廳小店，即睇該區隱藏美食介紹！
Cafe
雞蛋屋
旺角樓上Cafe不少，講到最神秘嘅Cafe必定係「雞蛋屋」，近年已會員制方式經營。小店以台灣菜為主，餐牌中有款叫廚師發辦嘅菜式，適合選擇困難症嘅朋友。以前有首歌叫《雞蛋與羔羊》，雞蛋本身係好脆弱，需要保護，「雞蛋屋」就係保護雞蛋嘅地方。
Be Humble
喜愛民族風嘅朋友，必定要到旺角信和中心旁邊嘅樓上Cafe「Be Humble」。店內以土耳其民族風為主打，有大量民族風裝飾發摩洛哥彩繪玻璃吊燈，打卡必到！
90s Lazy
而「90s Lazy」本身於觀塘、荃灣區都有分店，旺角店就位於山東街，不過觀塘店已結業，荃灣店則為新店。Cafe有典型All Day Breakfast、意粉等菜式，由90後年輕人開設。
半路咖啡
與台北「半路咖啡」撞名嘅香港咖啡店，並非似一間文青咖啡店，反而充滿五金味及懷舊氣息。上環店有以中西合璧風格打造，特別採用「萬壽無彊」咖啡杯，而旺角店則保留原先五金店風格，咖啡杯都有中式感。
Liberty Coffee & Wine
於旺角及油麻地都有分店嘅「Liberty Coffee & Wine」，開業多年，兩間距離頗近，分別位於窩打老道及登打士街。菜式上，都係以典型All Day Breakfast、牛角包、意粉等為主，不過價錢就較高。
蟲二
旺角「上海街618」係一幢活化完成嘅大廈，當中有一、兩間小店，「蟲二」就係其一。菜式有一汁三菜等可以選擇，不過不失，偶有驚喜，不過飲品就並非推介之作。
牧羊少年咖啡館
「牧羊少年咖啡館」多區都有分店，旺角店則位於雅蘭中心內，除咗All Day Breakfast，亦有俄式牛仔柳意大利粉、日式大阪燒風味薄餅、日落巴黎等可以選擇。
Beans Cafe
至於「Beans Cafe」，同「牧羊少年咖啡館」一樣，都係一間於多區皆有分店嘅Cafe，價格差唔多。而旺角店就位於朗豪坊商場內，交通便捷。
拉麵
漁場台風
於本地拉麵界別嚟講，「台風」系列拉麵店絕對係數一數二最穩陣又唔會中伏嘅日式拉麵！基本上旺角同荃灣店都經常大排長龍，唯獨灣仔店較少出現人龍。而旺角「漁場台風」就位於快富街一隅，距離旺角中心只係2分鐘步程，最大特色就係正宗魚介拉麵。
樸一拉麵
本地拉麵店通常比較少可以得到合格水平，除咗連鎖店及來自日本嘅台風拉麵，本地嘅「樸一拉麵」雖然只屬小店模式，但水準不俗。該店位於最熱鬧嘅女人街，不時有人排長龍。
一生懸麵
另一間本地拉麵店為分店不少嘅「一生懸麵」，但現時都係只剩低荃灣、牛頭角及旺角店。而旺角分店就同「樸一拉麵」一樣位於女人街內，最特別嘅係不時有期間限定拉麵，例如係雪糕拉麵、廣島蠔拉麵。
熟食中心
旺角熟食中心 - 泰風佳味海南雞
旺角有2個熟食中心，其中一個係位於朗豪坊對面嘅「旺角熟食市場」，最大優點係價格相宜，簡單嚟講就係平靚正。不過，該熟食中心內只有2間值得推介，其中一間係「泰風佳味海南雞」。
旺角熟食中心 - 海都車仔麵茶餐廳
同樣位於「旺角熟食市場」，重有另一間車仔麵店，距離海南雞店只有三兩個舖位，名為「海都車仔麵茶餐廳。該店於中午食飯時間人流極量，唔少附近打工仔都會於門外等候，皆因價格極相宜，水準亦不俗。
花園街熟食中心 - 樹屋泰菜
旺角另一個熟食中心係位於花園街嘅「花園街熟食市場」，當中我哋只推介一間以泰國菜為主打嘅小店，名為「樹屋泰菜」，價格相宜，而且鑊氣十足。
東南亞
越發地道河內料理
「越發地道河內料理」距離旺角朗豪坊不遠，主打並非單純越南菜，反而係本地較少見嘅越南河內料理，即管試吓到底有咩分別啦。
篤篤車
原先選址元朗嘅「篤篤車」，現時已經移師旺角女人街，該店以泰式車仔麵為主打，最特別之處係採用鱷魚湯作底湯，湯頭含有濃郁海味香。
越男仔
於多區都有分店嘅「越男仔」，以「越南仔」為諧音命名，顧名思議係主打越南菜。分店則遍佈旺角、荃灣、沙田、九龍灣及啟德，而旺角店就近登打士街及廣華街一帶。
日式
手卷駅
採用日本車站嘅「駅」字命名嘅「手卷駅」，現時只剩低三間分店，其中兩間都位於沙田，另一間就位於旺角區。該店以平民手卷為主打，亦有少量丼飯及便當可擇，而旺角店就位於旺角中心內，同沙田店並唔同，只限立食。
延伸閱讀﹕沙田街坊小店手卷駅 便當丼飯性價比高
台式
元洲牛肉麵
原先位於長沙灣嘅「元洲牛肉麵」，現時於旺角女人街仍有分店。雖然主打牛肉麵，但風格同台灣牛肉麵就唔一樣，反而係有港式牛肉麵感覺，該店湯底紅燒味唔濃，較為清純。
ET鹽水雞
本地嘅「台灣ET鹽水雞」有不少分店，大部份都係外賣店，旺角分店亦唔例外。旺角店位於旺角中心範圍內，但就比較偏新之城商場。
臻茶
目前，以台式茶飲為主打嘅「臻茶」，於多區仍有分店，而旺角店則位於朗豪坊內。編輯寧願飲台式茶飲，都唔會飲手打檸檬茶，講完。
花斑茶社
同樣係台式茶飲店，現時「花斑茶社」比「臻茶」分店更多，手搖飲品始終仍佔一席位，該店茶飲奶味茶味亦充足，加上經常有應援加持，難怪未有被淘汰。
延伸閱讀﹕新蒲崗茶飲本土味濃 厚鮮奶配抺茶勁甘香
火鍋撚
好多人想食火鍋，又唔知去邊間好，其實旺角區都有幾間火鍋可以選擇，比如係全港只有4間分店嘅台式火鍋店「火鍋撚」，適合與好友共聚，本身亦有專為一人而設嘅「獨火鍋撚」，不過已經結業。
燈籠滷味
以台式滷味為主嘅「燈籠滷味」，係比較為人熟悉嘅一間，旺角店位於朗豪坊範圍內，位置靠近中庭，台式滷味甚濃郁，汁料微甜，有台灣夜市風格。
迷客夏
旺角區仍有唔少台式茶飲店，包括「迷客夏」，該店於台灣受到大學生歡迎，而香港就受到唔少明星應援歡迎，而鮮奶茶飲則為招牌之作。
清玉
至於「清玉」，旺角店位於旺角中心範圍內，而全港則只剩低不足10間分店。該店主要係售賣清爽果茶，編輯最記得嘅都係檸檬類別嘅手搖茶飲。
圓圓小姐
基本上，「圓圓小姐」於全港只有3間分店，所以未必為人熟悉，但其實分店都係遍佈銅鑼灣、旺角及深水埗，都算方便。而旺角店就位於山東街內，珍珠鮮奶等比較有人氣。
犀牛犀牛
提到「犀牛犀牛」，相信唔需要多講，大家都有一定認識，皆因該店係現時較少有嘅連鎖式小店。不過，其實「犀牛犀牛」都係屬於特許經營模式，主打都係台式吐司、蛋餅，而旺角店就位於旺角中心對面嘅T.O.P.Mall商場內。
港式
Donut's BaBa
要數旺角多年尚存嘅食店，銀城中心地牢嘅「Donut’s BaBa」必入三甲。雖然雖係售賣雪糕球，但至今依然屹立不搖，實在難得。
甜記餃子
於餃子界別中，「甜記餃子」必然最為人熟悉。旺角店位於女人街內，本身對面重有間「天園餃子」，但已經結業。而「甜記餃子」質素雖然平平，但仍然有唔少人排長龍。
麵賜園
女人街內值得推介嘅食肆不少，其中本身有一間水準甚高嘅越南菜餐廳，名為「越興園」，可惜已經結業。而「麵賜園」為「越興園」姊妹店，以Fusion麵為主打，特別之處係養生湯底，重有店內嘅烘焙咖啡及茶。
旺角88
如果要數E.A.Two首選嘅旺角食店，「旺角88」必定係Number 1！小店本土味濃厚，而且價格極為親民，原先只係開夜晚時間，現時已經延長營業時間，由中午起營業至凌晨。店內主要提供車仔麵及串燒，最特別嘅地方係獨創荔枝肉串，將肉片包裹荔枝肉，燒烤過後，入口唔會好油膩，反而滲出香甜味。
齊柏林熱狗店
至於「齊柏林熱狗店」，絕對係唔需要多講嘅食店，一直以外賣熱狗為主打，同樣係特許經營食店，所以有如連鎖模式，旺角店就位於旺角中心內。
鳳鳴居
以醉雞湯麵為主嘅「鳳鳴居」，由上水開到旺角鬧市，旺角店位置正對旺角中心，交通便捷。雞湯麵選用養生湯底，濃郁可口，醉雞嫩滑，另外重有約10款唔同口味湯底。不過，旺角店經常大排長龍，除非中午開店時前往。
三一餃子
「三一餃子」目前只於中環及旺角區有分店，旺角店就位於女人街內。編輯只試過中環店，覺得該店餃子水準平平，就如屋企自己煮一樣。
光榮冰室
而「光榮冰室」更加係not to mention嘅一間食店，相信大家都已經好熟悉。旺角店位於新寶戲院、波鞋街附近，最大優點係價格相宜，不過水準就比較參差不齊，間中會有少少正常發揮嘅菜式。
呦呦鹿鳴布丁燒
原先位於葵涌廣場嘅「呦呦鹿鳴布丁燒」，現時旺角T.O.P.Mall商場都有分店，不過就似限定店形式，一直處於中庭位置，布丁燒椰青口味甚有驚喜。
延伸閱讀﹕葵廣必食9種口味布丁燒 推介椰青味
嘉寶漢堡
「嘉寶漢堡」係另一間甚具人氣嘅漢堡包店，不過目前只剩低旺角、尖沙嘴及葵涌分店，旺角店就靠近登打士街，多款芝士牛堡都係推介之作。
人和荳品廠
而「人和荳品廠」於旺角及銅鑼灣都有分店，旺角店其實係處於旺角道一帶，各種豆類製品都出色，而且價格相宜，配搭鹵水或煎豆腐都惹味。
小方糖甜品
至於「小方糖甜品」，全港大概有6間分店，旺角店位置靠近登打士街及廣華街，方便大家於旺角用餐後當作飯後甜品及Gathering下場。
中式
喜惶點心專門店
香港愈來愈多點心專門店，想食點心唔再需要去酒樓，其中旺角女人街就有間「喜惶點心專門店」，以牛肉點心為主打，不過現時就無咗牛仔骨可以選擇，只有其他牛肉點心。
貴香園
「貴香園」原先係來自荃灣，後來分拆至太子及旺角，編輯覺得荃灣店係最出色，可惜已經結業。該店嘅酸辣粉及麻辣小食都係採用花椒油炮製，味道香濃。
兩姊妹涼皮有限公司
而以涼麵及涼皮為招牌嘅「兩姊妹涼皮有限公司」，原先位於太子，後來荔枝角都有分店，大多都只限外賣。不過，現時該店由太子移師旺角黑布街，更設有堂食座位，方便大家可以馬上品嚐，唔需要再立食或拎返屋企先食。
616牛肉火鍋專門店
而「616牛肉火鍋專門店」於本地有十幾間分店，都係以牛肉火鍋為主打，有如深圳嘅「八合里牛肉火鍋」。雖然食物價格上係比深圳貴啲，但扣除返北上嘅車費及時間成本，其實唔係太大分別。
素食
無肉食
一般自助餐都係以葷食為主，對於素食人士嚟講，可能唔太fair。近年大家注重健康，好多人都支持素食，連自助餐都多咗好多素食版，最經典係「走肉朋友」，可惜已經結業。現時，素食自助餐疇上，依然有「無肉食」，不單有堂食素食buffet，更有外賣版素食飯盒，一個飯盒加一個湯碗夾到幾多就幾多，而且價格相宜。
放題
兆萬中心﹕神戶屋日韓放題
一提到放題，好多人都唔清楚邊間先至係值得推介嘅放題店，其實單單兆萬中心內，就有兩間放題店，其中一間係「神戶屋日韓放題」。
兆萬中心﹕極上帝王水產
而同樣位於兆萬中心範圍內，重有另一間「極上帝王水產」，細心啲可以留意到，其實兩間好多地方都好相似，所以食邊間都無咩所謂。
Running燒
至於燒肉放題，同日式放題一樣，係另一個難以找尋嘅界別。其實燒肉放題都有唔少選擇，其中旺角天橋旁邊728商廈內，就有「Running燒」，該店以韓式燒肉放題為主打，午市會比較少人同價格比較相宜。
初見
原先位於荃灣嘅「初見」，現時旺角上海街都有分店，鄰近朗豪坊，比荃灣更為方便。該店有石燒牛扒，更有套餐可以選擇，當中香草吉列牛扒賣相與味道兼備。
牛繁一人燒肉
另一半唔得閒食咩好？「牛繁」本身位於荃灣，而屯門及旺角區就特別設有「牛繁一人燒肉」店，旺角店毗鄰朗豪坊，交通方便。該店價格相宜，人均低至$48，性價比高！
酒吧
和吧
原先位於大角嘴嘅酒吧「和吧」，以日式為主題，門口有一個鳥居裝飾，今年最近期已經搬到旺角染布房街，地理位置上比以往更為方便。
荃灣大良甜品店$20有交易！老店鴻輝記傳統糖水﹕古法製芝麻糊／合桃糊／杏仁糊？
【#中式糖水】以往拍拖兩個人喺香港食完晚餐，唔少得就係去搵間糖水舖sweet吓，就算多個朋友gathering亦少不免用甜品店延續聚會時間。不過，香港餐廳營業時間愈嚟愈短，大多好早就收舖，想要食個糖水都唔容易。荃灣就有間以中式甜品為主嘅小店，唔單止不時大排長龍，頗受到街坊歡迎，而且最平$20就有交易！
荃灣罕見真地踎大排檔！食得喜小廚正對三棟屋博物館！椒鹽鮮魷／滷水鵝／酥炸蠔餅／小炒皇
【#香港大排檔】以前食大排檔係因為價錢平，但今時今日食大排檔無幾百一千都難以埋單，恍惚係一種由低消費變成高消費嘅文化。拍拖兩個人去食大排檔其實一直都唔係好抵，份量多而菜式選擇少，平均價格就好高，所以大排檔係一大班朋友聚會先至比較適合。如果有朋友想食大排檔，不妨揀荃灣呢間老牌地踎大排檔，位置正對三棟屋博物館，起碼仍然有得揀。
佐敦70年代老牌西餐廳！牛屋餐廳懷舊扒房港式西餐最平$48﹕蒜蓉雞扒／威靈頓牛柳／原條牛脷／德國鹹豬手
【#平價西餐廳】有時候，情侶拍拖兩個人想搵間浪漫西餐廳撐檯腳，想慶祝吓紀念日或生日，但唔知道有咩好選擇，又擔心價格over budget。今次E.A.Two前往一間座落佐敦有超過50年歷史嘅老牌懷舊西餐廳，感覺似港式西餐，價格竟然低至$48！
復古商場近尖沙嘴重慶大廈！濕潤英式鬆餅花華慶方重開！與Peek-a-Poke招牌夏威夷丼飯相連！
【#簇新商場】尖沙嘴重慶大廈向來係一個聚集東南亞人嘅地方，一般本地人比較少會進入呢個殘殘舊舊嘅地方。而呢幢樓附近竟然有個表面簇新而入面賣復古風嘅商場。呢個商場入面有兩間小店相連，不妨拍拖兩個人去醫吓肚。有留意E.A.Two嘅讀者應該知道我哋亦曾經食過，當中包括夏威夷丼飯，重有一間由咖啡店變酒場嘅食肆，店內嘅英式鬆餅絕對令人難忘！
【區區有小店2025】九龍塘5間尚存本土餐廳美食！校園西餐廳／散水餅Cupcake／台式手搖飲
【#大學餐廳】雖然處於結業潮當中，但香港小店依然不少，只要有心尋找，拍拖兩個人留港搵食其實不難。E.A.Two繼續為香港人搜羅仍舊隱身香港、默默經營嘅地道小店，而且唔少都有一定水準。小店選擇眾多，每間各有優點同缺點，好食就食多啲，唔好食唔好逼自己食，希望本土香港人明白，自己小店自己撐！呢篇係九龍塘篇﹕
葵興KCC商場聚集小店！瓜破菓子店網店變實體！和風甜品x烏冬套餐有9折優惠！
【#和風蛋糕】葵涌一帶一邊係工業區，另一邊係住宅區，當中以葵興KCC商場比較為人熟悉。呢個商場雖然地方細小，但就一直聚集唔少小店，適合拍拖兩個人去醫吓肚。今次就前往一間開放式食店，該店由蛋糕網店變成實體店，除咗和風甜品，重有烏冬套餐，食烏冬或飲咖啡再食蛋糕更有9折優惠！
金鐘CBD隱藏歷史遺跡！香港賽馬會復修軍火庫空中花園眺維港！入口神秘、保留火藥路軌、打卡石屎森林蜿蜒天橋！
【#CBD景點】香港CBD一帶向來都係金融中心、商業地區，四圍都係高聳商廈，景點並唔多，唔係近海就係近山。今次E.A.Two帶大家前往隱藏於金鐘區內嘅歷史遺跡，既保留舊時軍火庫，亦加入可眺望維港嘅空中花園，放空必到！拍拖兩個人更可以打卡石屎森林中嘅蜿蜒天橋，景點免費入場！
【下集】直擊馬灣舊村8大僅存完整保留打卡位！2025年翻新完畢正式開放、全變空盪盪彩色小屋？
【#全新開放】馬灣舊村早年被完全封鎖，經過幾年重修，最近終於翻新完畢，並正式開放公眾入場，有關當局似乎有意模仿意大利「五漁村」，將破舊小屋通通髹成繽紛彩色小屋，並加插藝術壁畫，吸引拍拖兩個人同一家大細入場打卡，同時命名為「馬灣1686」，到底昔日馬灣舊村變成咩樣呢？今次E.A.Two正式走入全新馬灣地標，發現大部份地方都已經人面全非，舊屋通通變成空有華麗外觀、缺乏實際內涵嘅彩色小屋，只係勉強搵到有8個僅餘完整保存嘅地方，即刻睇吓係邊幾個地方！
實試百年法定古蹟導賞團、螺旋形樓梯登小平台！些利街清真寺毗連中環半山扶手電梯！假日開放、打卡搶眼薄荷綠色！深入了解穆斯林與天主教分別！
【#隱藏平台】香港有唔少教堂都好靚，但大多數都係來自於天主教、基督教，來自於伊斯蘭教嘅清真寺就相當稀少，九龍、港島分別僅有1間，皆位處該區繁華地帶。E.A.Two曾經前往港島區清真寺，被薄荷綠色建築同獨特裝修設計吸引，未有深入了解，今次就嘗試參觀導賞團，了解香港殖民時代嘅穆斯林歷史文化，更有機會破例登上旋轉樓梯上嘅大平台，真歷史建築值得拍拖兩個人逛逛！
九龍西廢棄炮台隱藏尖沙嘴九龍公園！改建歷奇樂園遊樂場變小型城堡／瞭望台
【#神秘炮台】講到香港景點，身為香港人已經去到無意欲再提；所謂情侶拍拖兩個人嘅香港好去處，已經被網絡平台講到「爛」。個「爛」係歧義，一係指講得太多，令景點變成係人都知，唔再新奇有趣；二都係講得太多，但就引咗太多人去，令景點真係變得殘舊。「九龍公園」都算係講到「爛」嘅知名香港景點之一，最近更有博物館展出全新嘅「恐龍化石」，推動「恐龍經濟」！而事實上，公園內重有一個真真正正隱藏嘅歷史痕跡，只不過炮台堡壘一早變成遊樂場！
驚見全港最神秘郵筒！青山醫院參觀精神健康體驗館設5大展區 即睇報名方法體驗精神病患者情況
【#了解精神病】青山醫院向來都係重門深鎖，外人一般係嚴禁進入，而偏偏有個全港最獨特嘅英式郵筒就位於醫院範圍內，真係神秘得難以找尋！近月，青山醫院內就開放一個精神健康體驗館，不妨拍拖兩個人去了解吓精神病患者嘅實況。原來亦只可以從後門進入。不過，E.A.Two編輯入正門問路，赫然發現呢個最神秘嘅郵筒竟然活現眼前！
香港機場禁區美食廣場僅存2間小店！上機前歎米芝蓮級阿元來了／兩姊妹涼皮！即睇正確位置＋營業時間
【#禁區餐廳】今年電影《九龍城寨之圍城》風靡唔少港人，最近香港機場都特設一個香港電影展覽。以前城寨處於舊機場旁邊，而家將城寨搬到新機場﹐認真奇妙！去旅行搭飛機前，除咗睇展覽，唔少得係搵吓上機前有咩食，機場禁區選擇雖然不少，但現時小店只係剩返2間，同樣都係《米芝蓮》水平嘅小店。一間近閘口，另一間則位於偌大窗戶旁邊嘅美食廣場，即刻睇吓呢2間小店嘅正確位置同營業時間啦！