標籤: 澳門景點

【#四大角色】無論係香港定澳門，情侶拍拖兩個人想要找尋麥當勞叔叔嘅蹤影都唔容易，要同時搵埋小飛飛、漢堡神偷、滑嘟嘟四個經典角色1:1雕塑像就更難！香港就只係淨返石圍角邨麥當勞有1:1麥當勞叔叔，而少部份人都知道澳門佳景老麥有1:1麥當勞叔叔，但原來葡京人商場內竟然齊集四大角色雕塑像，今次真係打卡必到！

【#標本博物館】夏天去澳門快閃遊，天氣炎熱﹐一係去「黑沙海灘」或「竹灣海灘」等沙灘降溫，否則情侶拍拖兩個人最適宜係去冷氣間遊覽，例如係博物館。除咗典型嘅藝術館、科學館，路環小島一隅近年有一個全新標本博物館，竟然有大熊貓、黑熊、藍孔雀同鱷魚1:1巨型標本！

【#澳門最西面】澳門最東點同最南點都位於路環島，而澳門最西點就喺澳門半島內，只要乘搭全新澳門輕軌，就能直達西面海邊堤圍，海邊步道清靜，不妨拍拖兩個人散散步。海邊堤圍靠近媽閣廟前地，當中唔單止有最古老廟宇，海事博物館同一幢電車綠色葡式建築物。

【#葡文魅力】眾所週知，澳門曾經係葡萄牙殖民地，小小地方至今依然將葡國文化完全保留。情侶拍拖兩個人除咗去葡式建築打卡、享受葡國美食，其實亦可以去找尋葡國魅力更濃厚嘅「葡文書店」，全店書籍都係以葡國歷史文化為主。唔單止有文學作品﹐藝術、法律書籍，亦有旅遊手冊、簡易葡國菜譜，重有一款網紅喜愛嘅蛋撻杯，立即朝聖！

【#澳門死場】香港出名遍佈「死場」，即空置率極高嘅商場，或者係丟空後關閉，但無任何發展嘅地方，不時吸引情侶拍拖兩個人探索。原來澳門都有個冷冷清清嘅「死場」，商場來自於一間已結業嘅戲院，樓高5層，但E.A.Two實地探視，發覺雖然已經進行活化，但除咗地面有少量小食店，大部份樓層都係吉舖林立，頂樓戲院更唔隨便開放公眾。商場社交媒體更曾經表示﹕「金錢可以買到金碧輝煌，卻買不到歷史氣息。」

【#澳門最東點】講到去澳門，你會諗起邊個景點呢？好多人都會提議去澳門半島、氹仔、路氹城內嘅地方，近年較多人會前往路環市區。今次E.A.Two就前往距離路環市區有30分鐘車程嘅澳門最東點╴九澳。當中，九澳聖母村係全新景點，原先係痲瘋病院遺址，現時環境清幽，更可打卡教堂、燈塔、葡式建築，即睇九澳景點、交通方法！

【#清靜電影館】「大三巴牌坊」樓下嘅「戀愛巷」係唔少情侶拍拖兩個人浪漫打卡嘅熱門勝地，巷弄其實唔單止可以側望大三巴，重有一個隱藏樓上電影館，館內係唯一播放非主流電影嘅小型戲院，而呢啲電影都係主流戲院好多時候都無得睇。館內遊人較少，想兩個人靜靜哋睇吓戲，不妨走入呢個迷你電影館！

【#貓壁消失】貓壁畫無論喺邊個城市，都係最容易吸引眼球同獲得遊人垂青嘅景點，通常情侶拍拖兩個人都會向貓壁畫打卡。澳門上年就喺關前薈設有4大貓壁，但現時就只係剩返少數貓壁，巨型貓壁已經消失，不過關前薈依然有唔少人流。而多年前吸引遊客嘅可口可樂博物館亦屹立不搖，依然有海量珍藏品可以參觀。