【澳門景點】免費進入綠恩勝景花園！上葡京度假村歐陸宮廷風迷宮花園打卡

澳門酒店向來裝修得美崙美喚，富麗堂皇，有部份更金雕玉砌，以吸引遊客眼球。不過，太過金光燦爛又未必係最引人入勝嘅，近年有間酒店就以翠綠景緻受到遊客歡迎。當中有宮廷花園及迷宮，加上巴洛克式建築，猶如古堡花園，情侶拍拖兩個人打卡必到！

「澳門上葡京綜合度假村」位於路氹以西，稍為偏遠，交通上未有其他酒店咁方便，但近一年卻吸引唔少網紅前往打卡。皆因當中有一個「綠恩勝景花園」，地方偌大，中間有個迷你古堡，週邊以迷宮設計，加上花園點綴，恍如身處歐洲小花園。

本身「上葡京」為3幢酒店大樓渡假村之一，以米蘭風格設計，配以意式及中式風格，曾獲得《福布斯旅遊指南》五星推介。而「上葡京」商場2樓設有「NY8新八百伴」，既係百貨公司，亦設有兒童天地，地方有逾1.5萬呎。

位於商場3樓嘅「綠茵勝境花園」，座落「NY8新八百伴」之上，喺商場乘搭扶手電梯上到2樓後，需要轉乘電梯至3樓。出電梯後，向左行就能見到玻璃窗透視花園位置。穿過酒店商場走廊通道，即可以從側門進入花園範圍。

「綠茵勝境花園」地方偌大，面積有超過1000平方米，週邊係度假村建築，整個花園狀似充滿氣派嘅歐陸式花園。中間有一個圓頂建築，名叫圓坊，下面四週都係綠茵小徑，並以巨型樹籬迷宮設計。而另一端則設有大草地，可於園林悠閒漫步其中，環境清幽。

最特別之處其實係中間呢個叫圓坊半圓頂建築，採用巴洛克風格設計，滿滿歐式宮廷感，週邊既有噴水池，亦設有純白色歐式石柱走廊，風格典雅。

兩個人旅吓行

專題

立即 Follow E.A.Two 兩個人醫吓肚
Instagram: @e_a_two
Like Facebook 專頁: E.A.Two 兩個人醫吓肚
Subscribe YouTube Official Channel E.A.Two 兩隻嘢玩乜好，
了解更多E.A.Two 資訊

E.A.Tips :

❶ 乘搭澳門輕軌氹仔線至「東亞運站」徒步約8分鐘即達「上葡京」。

❷ 「上葡京」設有免費穿梭巴士，即發財車，可以來往「新葡京酒店」、「葡京酒店」、「氹仔客運碼頭」、「氹仔舊城區」、「澳門賽馬會」。

❸ 於「上葡京」商場先乘搭扶手電梯上2樓，然後於「NY8新八百伴」旁邊幽靜走廊轉乘電梯上3樓，出電梯後向「自助山餐廳」方向走，總之向左行，就會見到通往花園嘅側門。

❹ 乘搭巴士路線35、50B、51、59、701X、MT4，於「R. Tiro / Palácio Grande Lisboa站」落車即達。