標籤: 紅磡美食

【#宵夜串燒】今時今日，要喺香港找尋宵夜好地方唔容易，紅磡就有一間串燒店營業至凌晨，地方充足，價格適中，適合夜晚想拍拖兩個人去醫吓肚嘅朋友！

【#雞白湯拉麵】講到拉麵呢個話題，就好似半隻腳踩入火堆一樣，深怕講多半句都會得罪香港日本通拉麵迷。不過，有時自己只係去醫吓肚，其實又唔需要太理其他人點睇嘅，大家拍拖兩個人去食嘢，按自己喜好去揀就得。今次E.A.Two前往紅磡一間真拉麵小店，由湯頭到叉燒皆頗有水準，據悉近月太子更開設分店呢！

【#免費送甜品】紅磡係香港老區，而區內小店不少，當中車仔麵店亦有唔少選擇。最神奇嘅地方係區內幾間車仔麵店都別具特色，最出色嘅都唔係車仔麵。以呢間紅磡車仔麵店為例，雖然好多人都會揀車仔麵，但其實碟頭飯更令人驚喜。店內最大特色則為點餐送甜品，而且係人人有份，重有8款可以選擇，適合拍拖兩個人去Sweet Sweet！

【#何文田名物】紅磡至何文田一帶有一間出名寸嘴嘅車仔麵店，當中招牌叉燒串更加係紅磡名物之一，唔少人都會拍拖兩個人前往一試。E.A.Two編輯有日前往該店門口等候，原來真係需要排隊超過1小時方能入座，你問係咪特別好食，我答你唔係，只係因為嗰日特別得閒。結果，連同用餐時間，足足花上2小時，時間上就等同食一餐火鍋或自助餐。

【#蕃茄湯麵】紅磡一帶有一間受到街坊歡迎嘅冰室，位於何文田與黃埔之間，近月因採用頂好大光麵而成為其中一間獲關注嘅小店，但該店最高人氣之選反而係蕃茄濃湯，重有下午茶時段嘅西多士、菠蘿包等，適合拍拖兩個人去試吓。