合發茶餐廳 永發茶餐廳阿媽有咗第二個取景

油麻地廣東道2間茶餐廳推介!永發電影取景地推姜濤餐 合發翻新置壁畫引《孤星淚》對白本土味濃

油麻地廣東道係一道頗長嘅街道,當中靠近旺角方向就有兩間字面相近嘅茶餐廳,一間屹立幾十年,最近因成為電影取景地而蛻變追星應援地,另一間則於上年尾翻新完畢,細心置有精緻壁畫,更援引《孤星淚》對白,本土味甚濃,兩間都係值得拍拖兩個人前往一試嘅茶記。

(1) 永發茶餐廳

呢間茶記係近期上畫嘅電影《阿媽有咗第二個》拍攝場地,電影為彭秀慧執導、編劇,以男團Mirror成員姜濤及柳應廷主演,故唔少Fans都專程朝聖戲內取景嘅地方,拉近與偶像嘅距離,甚至經店舖同意於餐廳內貼上大量應援物。

以電影故事大鋼嚟睇,姜濤於電影內係飾演茶餐廳茶水部員工,所以Fans亦將茶餐廳變成應援地。編輯亦前往現場查看,發現永發近期亦趁機推出特製嘅「姜濤餐」,門口大排長龍,一眾「姜糖」等候入內朝聖打卡。

舊式茶記的確充滿港式味道,不過,呢間茶餐廳開業有20幾年,牆身為綠色紙皮石,大門口有個麵包櫃,櫃內又有舊式嘅黑白淡奶杯,老式茶餐廳嘅歷史痕跡亦難以隱藏。

而最深刻嘅應該是加$3嘅凍奶茶,有記憶嘅你應該會記得2014年之事,而呢間隱藏版茶記更不時舉辦地下音樂活動,顯現茶記都可以有Livehouse。呢杯奶茶頂端有碎冰,茶色望落稍淡,但奶味甚濃,質感絲滑,茶膽亦濃,慢慢有啖啖甘甘哋紅茶味,甜度唔高,並無苦澀味,碎冰溶化後仍然有奶茶香。

除咗招牌陳皮鴨腿湯飯、焗豬扒飯、蛋治值得一試,炸雞髀$27亦都係茶記經典小食,下午茶配沙律或薯條$34。炸雞髀未至於特別出色,但就夠晒大隻,而且係傳統生炸雞髀嘅炸法,表皮脆口,但唔會好油膩,完全係舊時生炸感覺,只係有啲畫蛇添足,表皮加咗少少淮鹽,其實係無需要。雞髀肉質相對比較遜色,唔夠嫩滑,厚肉位置更有啲韌,未有外脆內嫩嘅口感。

甫踏入小店內,會發現當日幾乎全場都點選差唔多嘅食物,老闆告知好多人都點「姜濤餐」$47,餐中包含3款小食,有椒鹽炸燒賣、蛋撻、西多士,大多數人都係為姜濤而嚟,不過編輯者時無機會入戲院睇戲,未知劇情,到底係姜濤角色鍾意食呢個餐,定姜濤角色推介食呢個餐呢?

椒鹽炸燒賣炸得香脆,不過椒鹽太多,入口比較鹹;蛋撻表皮為傳統酥皮,唔係牛油皮,酥脆可口,蛋漿相比坊間嘅係偏黃,有蛋香,但比較薄身;至於西多士則炸成金黃色,麵包切成4個三角形,內餡含有花生醬料,表面有少少牛油,比較乾身。

(2) 合發茶餐廳

離永發茶餐廳不遠嘅係合發茶餐廳,同樣位處油麻地廣東道,本來開業有約40年,比永發其實更舊,上年中至尾先翻新重開,以木屋設計,變成新式茶餐廳,唔知情嘅人可能以為佢只係一間新開業嘅茶記。

早前小店指會拆除店內壁畫,但甫踏入室內,現時仍然有一幅逾10米嘅超大壁畫映入眼簾,壁畫以獅子山為背景,設計獨特,本土味濃,甚至引用法國文學家雨果(Victor Hugo)作品《孤星淚》對白「For the wretched of the earth, there is a flame that never dies. Even the darkest night will end, and the sun will rise.」,全句意思係「悲慘之世,焰猶不絕。黑夜再黑,終有終結,黎明將至」,寄語港人勿忘初心。

小店菜式以快餐碟頭飯、下午茶為主,包含菠蘿生炒骨飯$52,午市套餐配有熱飲及例湯,當日為紅蘿蔔合掌瓜豬骨湯,例湯足料,湯水鮮甜,無味精,有住家湯感覺。菠蘿生炒骨飯都算大盒,生炒骨份量適中,足夠食完白飯,生炸骨炸皮厚而鬆脆,芡汁夠濃稠,似足傳統茶記嘅玻璃芡汁,燈光照射之下會反光。

兩個人旅吓行

bangkok
曼谷走走
tokyo
東京走走
台北走走

專題

立即 Follow E.A.Two 兩個人醫吓肚
Instagram: @e_a_two
Like Facebook 專頁: E.A.Two 兩個人醫吓肚
Subscribe YouTube Official Channel E.A.Two 兩隻嘢玩乜好,
了解更多E.A.Two 資訊

E.A.Tips :

❶ 永發係較舊式,合發係門面裝修過較新式。

❷ 永發下午茶供應時間為14:30。

❸ 合發例湯送完即止。

❹ 尖沙嘴山林道嘅Plan B Cafe係合發茶餐廳嘅姊妹店,地址為尖沙嘴山林道3號協榮商業大廈。

EATWO
Miss A

永發茶餐廳

油麻地廣東道847號
星期一全日休息;
星期二至日06:00 – 20:00 2770 3626

合發茶餐廳

旺角廣東道981號地下
星期一至六06:00 – 21:00;
星期日全日休息
2388 2333

醫吓肚

【區區有小店2024】荃灣南豐紗廠4間尚存本土餐廳推介!3間咖啡店/1間試酒室|南豐紗廠美食推薦2024

【#區區有小店 】香港結業潮下,美食小店似乎一間又一間逐步消失,縱然搵食艱難,現時依然有唔少值得支持嘅小店尚存,香港人一樣可以拍拖兩個人搜羅各種喜愛菜式,甚至性價比高嘅餐廳選擇。今次E.A.Two編輯就為大家整理2024年荃灣南豐紗廠尚存嘅餐廳小店,即睇該區隱藏美食介紹!

【區區有小店2024】九龍城泰國菜6間尚存本土餐廳推介!皮蛋炸蝦餅/大蝦冬蔭功/地道濕炒河粉|九龍城泰國菜美食推薦2024

【#區區有小店 】香港結業潮下,美食小店似乎一間又一間逐步消失,縱然搵食艱難,現時依然有唔少值得支持嘅小店尚存,香港人一樣可以拍拖兩個人搜羅各種喜愛菜式,甚至性價比高嘅餐廳選擇。今次E.A.Two編輯就為大家整理2024年九龍城尚存嘅泰國菜餐廳小店,即睇該區隱藏美食介紹!

【區區有小店2024】全港13間持牌工廠食堂尚存本土餐廳推介!夜市鹽酥雞/南瓜Risotto/榻榻米咖啡|工廈飯堂美食推薦2024

【#區區有小店 】香港結業潮下,美食小店似乎一間又一間逐步消失,縱然搵食艱難,現時依然有唔少值得支持嘅小店尚存,香港人一樣可以拍拖兩個人搜羅各種喜愛菜式,甚至性價比高嘅餐廳選擇。今次E.A.Two編輯就為大家整理2024年持牌工廠食堂/工廈飯堂尚存嘅餐廳小店,即睇該區隱藏美食介紹!

【區區有小店2024】中環街市3間尚存本土餐廳推介!乳酪茶飲/台式蛋餅/懷舊雜貨|中環街市美食推薦2024

【#區區有小店 】香港結業潮下,美食小店似乎一間又一間逐步消失,縱然搵食艱難,現時依然有唔少值得支持嘅小店尚存,香港人一樣可以拍拖兩個人搜羅各種喜愛菜式,甚至性價比高嘅餐廳選擇。今次E.A.Two編輯就為大家整理2024年中環街市尚存嘅餐廳小店,即睇該區隱藏美食介紹!

【區區有小店2024】觀塘東廣場6間尚存本土餐廳推介!黑山羊米線/素食車仔麵/迷你Cafe|觀塘東廣場美食推薦2024

【#區區有小店 】香港結業潮下,美食小店似乎一間又一間逐步消失,縱然搵食艱難,現時依然有唔少值得支持嘅小店尚存,香港人一樣可以拍拖兩個人搜羅各種喜愛菜式,甚至性價比高嘅餐廳選擇。今次E.A.Two編輯就為大家整理2024年觀塘東廣場尚存嘅餐廳小店,即睇該區隱藏美食介紹!

【區區有小店2024】荃灣荃新天地美食廣場「一門町」4間尚存本土餐廳推介!新派素食/章魚燒/平價丼飯|荃灣一門町美食推薦2024

【#區區有小店 】香港結業潮下,美食小店似乎一間又一間逐步消失,縱然搵食艱難,現時依然有唔少值得支持嘅小店尚存,香港人一樣可以拍拖兩個人搜羅各種喜愛菜式,甚至性價比高嘅餐廳選擇。今次E.A.Two編輯就為大家整理2024年荃灣荃新天地一門町尚存嘅餐廳小店,即睇該區隱藏美食介紹!

{"speed":"1000","height":"600","pause":"4000"}
影吓相
{"speed":"1000","height":"600","pause":"4000"}