雞煲例牌當加餸！一滾即食！旺角陸陸雞煲被停晚市外賣$0半隻雞救亡！

早前旺角陸陸雞煲又被停晚市，只能靠外賣維生，網上隨即出現$0半隻雞優惠，適合大班人聚會開Party，至於拍拖兩個人，編輯建議直接去門市買外賣，買個例牌返屋企當加餸，其實雞煲都唔一定要堂食姐，返屋企放落煲滾一滾就食得啦！

陸陸雞煲火鍋向來以改良版四川麻辣雞煲為主，味道有別於一般四川式雞煲，但同樣香料十足，陸陸雞煲例牌為半隻雞份量$208，而一隻雞份量則為$288，而火鍋配料款式更多蘿蘿，似乎火鍋先係重點。是次半隻雞份量都唔少，分成兩盒膠盒盛載，足夠兩個人份量，配料當中最特別嘅係加入青椒配洋蔥，其餘同一般雞煲相似。

將雞煲拎返屋企，只需將兩盒雞肉倒入煲內，蓋上煲蓋焗3分鐘，之後可開蓋放芫荽或香芹，然後攪勻，再蓋上煲蓋焗2分鐘，最後開蓋再攪拌一次，即可食用。留意進食時亦要不停攪拌，避免黐底，食完雞件之後，可以加水打邊爐，因為醬汁的確係頗濃郁。

雞煲醬料濃郁，雞肉有肉地，辛辣度由BB辣、微辣、小辣、中辣到大辣，BB辣嚟講算較辣，但可以接受，醬料有陣陣麻香味，略帶辛辣味，味道的確香麻爽辣，但必須撈勻至食，否則辣味唔均勻。雞肉嫩滑，黏滿雞煲醬，相當惹味，而且雞肉並非只得雞骨，確實啖啖肉。而將雞煲醬撈飯食就略重味，但可接受，適合之後加水配搭打邊爐。

兩個人旅吓行

專題

立即 Follow E.A.Two 兩個人醫吓肚
Instagram: @e_a_two
Like Facebook 專頁: E.A.Two 兩個人醫吓肚
Subscribe YouTube Official Channel E.A.Two 兩隻嘢玩乜好，
了解更多E.A.Two 資訊

E.A.Tips :

❶ 店舖近油麻地方向，應該由油麻地步行過去會近啲。

❷ $0半隻雞需最低消費$500，視乎地區再加$60至$100運費，同時為網上外賣限定，無得門市直接購買。

❸ 雞煲外賣唔需要特別加咩材料已經好夠味。

❹ 辛辣度有所種可擇，半隻雞份量已經唔少，足夠兩個人食用。

❺ 網上外賣限定有$0半隻雞，最低消費$500，適合多人聚會；門市亦可以直接購買，無需最低消費，可以買個例牌返屋企當加個餸，買雞煲重有啤酒送。外賣網站：https://www.66hotpot.com

❻ 雞煲外賣更有一支日式啤酒附送。