eatwo 兩個人醫吓肚

【#大埔偽旅行】提到大埔大美督，大多數人只會諗到踩單車入水壩，而最近龍尾灘開放，縱然灘上出現海膽，仍吸引唔少人慕名而至，以至龍尾灘附近更擁擠，但其實大埔汀角路重有其他免費地方值得拍拖兩個人遊覽，當中山上就有一座以修行為主嘅寺院，毋須攀山涉水，不單融合中日式設計，更有高聳入雲觀音像，入面亦遍佈影相位，甚至神還原日本神社御手洗！

【#樹蔭小徑】連接太平山山頂有幾條路線，除咗纜車小徑，薄扶林家樂徑亦係其中之一，但夏日炎炎，由山腳或山腰向山頂進發係比較疲憊，編輯建議逆線而走，由山頂折返薄扶林，路段林蔭眾多，落山輕鬆易行，適合拍拖情侶散步，30分鐘可以走完薄扶林水塘道，亦可兩個人探索水塘秘道，再走訪歷史建築。

【#全新壽司店】大埔最近有一間全新開業嘅日式料理小店，午市套餐份量亦充足，價錢相宜，最重要係有水準，可算係隱藏版日式料理店，適合拍拖兩個人去撐吓枱腳。

【#大叔的愛取景地】大澳向來充滿水鄉感，漁村棚屋滿佈，除咗虎山同市中心，有咩地方好行？的確大澳虎山紅木橋配搭黃昏日落景絕對係影相位，觀景台簡單易行，編輯甚至聽到高跟鞋聲添！

【#麻辣挑戰】元朗隱藏一間又一間小店，今次呢間麻辣冷麵小食店位於小巷之內，由商場搬到巷弄當中，仍然堅持以「辣」會友，講到明係「爆辣」，你又敢唔敢挑戰呢？每份冷麵都有中學時期袋裝冷麵嘅懷舊感，拍拖情侶可以兩個人走入小巷內試一試呀！

【#雲吞麵老店】隱藏於沙田瀝源邨嘅雲吞麵老店，有逾60年歷史，於區內係一間老店，近年轉為一間揉合文青Cafe同大排檔風格嘅餐廳，朝早係賣麵賣飯嘅茶記、麵店，夜晚搖身變成火鍋店，新年更有售賣盆菜，近一年曾因欠缺人流而一度告急，但有麝自然香，有質素、價錢親民，其實不愁無生意。

【#港版吳哥窟】疫情陰霾籠罩下，香港人未能出外旅行，令本地遊成為熱潮，唔少人幻想力變得豐富，一個又一個香港景點搖身一變成為偽國外景點，今次編輯亦前往赤柱大潭，位置係李小龍經典電影拍攝場地，可從此秘地找尋當中嘅「港版吳哥窟」，荒野堡壘隱藏於石灘背後，有如「天空之城」！