【聖誕巡禮2024】Last Minute人必備！25間香港小店慶祝聖誕／除夕！情侶拍拖食大餐、送禮物、睇燈飾點揀好？
【#聖誕巡禮2024】聖誕節即將來臨，雖然聖誕係慶祝耶穌生日，但約定俗成呢一日已經變成一個浪漫慶祝節日，到底係好事定壞事呢？我哋就唔評論啦。今年情侶拍拖兩個人平安夜準備好有咩節目未呢？各位Last Minute人，未知送咩聖誕禮物，食咩聖誕大餐，聖誕去邊度好嘅話，不妨參考吓呢個香港小店嘅聖誕整合列表啦！
分類: 兩個人醫吓肚
目的只為大家搜羅香港最新同值得留意嘅餐廳。
免責聲明﹕餐廳均為自費，只為編輯親身實試，所有發表之原創文章內容僅屬個人意見及感受，不代表餐廳言論及立場，更多資訊請直接查詢官方平台或尋求專業意見，若從而引起任何損失或法律糾紛，本平台概不負責。
中環巷弄隱密酒吧Brick by Brick賣馬拉菜？藥材砂煲肉骨茶／叻沙湯麵套餐人均$2XX
【#蘇豪區餐廳】中環蘇豪區向來以酒吧為主，餐廳價格大多數都係比較高，想要拍拖兩個人搵間餐廳小店都唔容易。今次E.A.Two就發現一間位處巷弄之間嘅酒吧，最意外係主打竟然唔係西餐之類，而係馬拉菜！
分店結業！和平飯店上海菜館2024年底僅剩1間！假日限定下午茶優惠、即睇指定時間！
【#又結業啦】以滬京川菜為主打嘅「和平飯店」，近月宣佈南昌V City分店因租約期滿而結業，昔日連鎖上海菜館已經只係剩返油塘大本營分店。如果想拍拖兩個人舒舒服服坐低食上海菜，去酒樓飲吓茶，就要去油塘區啦！
土瓜灣坐鎮最高人氣魚肚黃金雞湯麵？限定芫荽湯食到底都係芫荽泥更驚喜！
【#芫荽迷必到】土瓜灣雖然只係一個小區，但其實當中可以拍拖兩個人去嘅小店數量係意想不到，連E.A.Two搜羅得咁多，都未曾去得完！今次就前往當中一間區內人氣雞湯麵店，最受歡迎嘅要選色澤搶眼嘅黃金魚肚雞湯麵，但其實另一款菜式竟然更有驚喜？
營業至凌晨3點！北區舊式扒房高水準酒吧西餐廳！畢打奧/適雅餐廳足料酥皮龍蝦湯／保濕豬扒／德國鹹豬手
【#懷舊扒房】香港懷舊扒房愈來愈少，雖然香港商舖執10間開16間，但執吓一間又執吓一間，扒房呢一個category真係買少見少。想要拍拖兩個人搵間扒房撐吓檯腳都唔容易！今次E.A.Two前往北區一帶，發現上水有一間頗高水準嘅舊式扒房，於粉嶺都有分店！
荃灣街坊港式西餐廳人均$100有找！雅高．33法式焗蠔／田螺焗薯蓉／紅酒燴牛尾
【#街坊西餐廳】有時候，唔少情侶想要拍拖兩個人出街食西餐，但坊間西餐廳大部份價格都較高，要選擇真係比較困難。如果於budget上決定嘅話，不妨試吓一啲街坊港式西餐廳。荃灣有間港式西餐廳，主打係港式西餐風，內有西餐選擇，出品未如西餐廳高，但亦算合格，人均$100有找，隨時平過食間茶餐廳，都算係低budget嘅選擇。
好好運快餐店「世一」沙嗲牛肉麵近月荔枝角重開！麵底加1樣嘢畫蛇添足扣分、極上系列週六限定！
【#人氣沙嗲牛】如果要搵香港特色小吃，港式茶餐廳會搵到好多，其中沙嗲牛肉麵就係重要小食，亦係香港獨有嘅茶記產物。被稱為「沙嗲牛世一」嘅「好好運快餐店」，近月於荔枝角重開，想要拍拖兩個人前往就要留意E.A.Two建議嘅最佳時間！
隱身中央圖書館背後！Dream浪漫西餐廳「世一」焦糖燉蛋／風乾黃油雞／紅菜頭刈包
【#浪漫西餐廳】情侶拍拖兩個人好多時都想搵間浪漫、有水準，價錢又唔太費嘅西餐應撐檯腳，今次E.A.Two前往一間隱身於酒店內嘅平價西餐廳，菜式獨特，大廚有功力。不過，該店只限會員，即睇簡單入場方法！
日資迴轉壽司Gatten Sushi攻港！香港分店落戶太古康怡廣場！即睇真實價錢水平｜合點壽司／がってん寿司
【#全新迴轉壽司】繼「Sushiro壽司郎」、「Hama Sushi」之後，最近又一間日本迴轉壽司登陸香港啦！今次係「Gatten Sushi 合點壽司」，海外香港分店選址太古康怡廣場，同樣係日資嘅迴轉壽司，絕對係壽司迷福音。E.A.Two就特別前往太古候座試試，到底同其他攻港嘅日資迴轉壽司有咩分別？即刻睇睇真實價錢同壽司水平！
清一色印度人主理！屯門平價咖喱屋午餐人均僅$48 包印度烤餅、白飯、配菜
【#平價咖喱飯】相信好少人會好次E.A.Two咁走過香港18區，誓要搜羅兼實試全港小店。屯門係香港一個大西北嘅地方，街外人本身就唔多，拍拖兩個人會走到呢一邊嘅咖喱屋嘅非屯門人就更少。今次就前往一間以街坊為主嘅小店，名副其實「屯門咖喱屋」，一望就知係賣咩！