散水餅、開Party適用！真低糖杯子蛋糕、紮實口感、半打精緻款$100有找！Twelve Cupcakes僅餘3間分店！

近年，香港唔知邊度推出「散水餅」文化，打工仔一旦離開公司，就需要買餅送畀同事；而香港離職文化唔再係以前離職做法，舊時其實係「羅漢請觀音」咁被同事請食飯。離職唔知買咩散水餅好？想控制成本，又擔心買得太cheap畀人唱衰？今次E.A.Two提議一個Cupcake品牌，既可以拍拖兩個人自私食，買嚟做散水餅又夠經濟實惠，杯子蛋糕更有mini版提供，可愛精緻又唔失禮，半打$100有找！

呢個Cupcake杯子蛋糕品牌叫「Twelve Cupcakes」，本身係來自於新加坡，由星洲開到香港，一早就係過江龍Cupcake。最難得係呢款Cupcake唔單止手工製作，亦有美感，更加係香港人特別鍾意嘅少甜口味！所以呢款Cupcake唔單止係適宜作為散水餅，亦都適合婚宴或開Party畀大眾享用。

Cupcake分為正常size同mini size，正常單件$32，半打計$178，1打計就$328。而mini size就有set a同set b選擇，一款有半打，只係$98，一打就係$180，細細件就好似一口Cupcake，價格較低，同樣嘅價錢可以食到更多口味，CP值頗高！加上，Cupcake美觀又精緻，畀同事都唔會失禮。另外，加$39有一盒9件brownies或一盒6件macaron，如果Cupcake唔夠派，可以加多盒就可以多幾件散水餅派。

其實，店內重有生日蛋糕同配件可以選擇，有朋友生日都可以預訂蛋糕。原個4吋蛋糕就賣$280、$320一個，5吋就係$380，當然視乎唔同口味同size，有啲蛋糕有特別限定款式可以選擇，造型可愛。店內重有精品小物可以選擇，其中有售賣有本地手作飾物，例如零食造型吊飾，重有紅白藍手袋、生命麵包手袋、香港小食主題手袋等等。

今次E.A.Two選擇「Twelve Cupcakes」嘅Regular size杯子蛋糕，雖則Cupcake口味有12款選擇，但我哋只係買咗半打，即係當中嘅一半。藍色怪獸係藍莓牛油忌廉配藍莓蛋糕；蝶豆花蜂蜜係蝶豆花牛油忌廉配蜂蜜蛋糕；甜蜜小熊係好立克牛油忌廉配好立克蛋糕；Nutella榛子醬朱古力係Nutella醬牛油忌廉配朱古力蛋糕；荔枝烏龍係荔枝牛油忌廉配烏龍茶蛋糕；薄荷朱古力係薄荷牛油忌廉配朱古力蛋糕；微笑花花係雲呢嗱牛油忌廉配檸檬蛋糕；夢幻彩虹杯係雲呢嗱牛油忌廉配雲呢嗱蛋糕；紅絲絨係紅心糖配忌廉芝士加紅絲絨蛋糕；岩鹽焦糖係岩鹽焦糖醬配雲呢嗱牛油忌廉加岩鹽雲呢嗱蛋糕；雙重朱古力係朱古力脆波配朱古力忌廉芝士加朱古力蛋糕；曲奇忌廉係曲奇配曲奇牛油忌廉加朱古力蛋糕。

原來12款口味入面有至少4款蛋糕都係採用朱古力製作，如果鍾意朱古力口味嘅朋友一定鍾意！講到最靚嘅Cupcake，一定係彩虹Cupcake，有3色cream，上面重有一小塊好似藥水味嘅4色糖；但係呢個Cupcake嘅cream係比其他軟身啲，味道一般般，不過就打卡必內備。

6件Cupcake入面薄荷朱古力、紅絲絨都係正常味道，薄荷朱古力真係牙膏嗰種清爽薄荷味，而紅絲絨就係蛋糕最散同食得最狼狽嘅一款Cupcake。荔枝烏龍味係最大起大跌嘅口味，因為第一啖玫瑰味真係好清香同好突出，但食到中後段就有啲澀味，荔枝味都唔係好突出，後段無咗唔係清香感覺。反而表面平平無奇嘅岩鹽焦糖味、蝶豆花味，最有驚喜！焦糖醬唔係太甜，只係微微甜味，配搭微微鹹嘅雲呢嗱蛋糕同忌廉嘅時候，其實香甜焦糖醬只係點綴。而紫藍色嘅蝶豆花cream擠成花形，真係平時蝶豆花茶嘅香味，蜂蜜蛋糕就配搭得好啱。

基本上，6件Cupcake有5件嘅cream都係做得好堅挺，而唔係平時嗰啲軟淋淋，或者啲cream就係夠實淨，所以先做到一件件精緻賣相嘅Cupcake。據悉，Cupcake上嘅cream係來自於法國進口牛油。而蛋糕都係紮實質感，但入口依然係鬆軟同濕潤感覺。最難得係每一件蛋糕嘅甜度都係差唔多，唔會好甜，真係用低糖配方炮製，做到少甜程度，呢一點係值得一讚。

兩個人旅吓行

專題

立即 Follow E.A.Two 兩個人醫吓肚
Instagram: @e_a_two
Like Facebook 專頁: E.A.Two 兩個人醫吓肚
Subscribe YouTube Official Channel E.A.Two 兩隻嘢玩乜好，
了解更多E.A.Two 資訊

E.A.Tips :

❶ $100以下消費只收現金，付款方式接受Visa、Master、現金、銀聯、Apple Pay。

❷ 官網﹕https://twelvecupcakes.com.hk/。

❸ 留意店內有其他精品可以選擇。

❹ 店內有層架售賣。cupcake係有兩款size，一款係正常size，只一款精緻款就係一口size。