尖沙嘴西九文化區免費展覽《HERMÈSTORIES》！30分鐘了解藝術及時裝界百年歷史與產品、預訂埋50分鐘劇場體驗！

尖沙嘴西九文化區不時有好多展覽，除咗M＋有藝術展覽，最近FreeSpace自由空間就有一個以《HERMÈSTORIES》為主題嘅品牌展覽同劇場，完全開放公眾免費入場。如果拍拖兩個人先前往參觀，建議事前官網預訂入場時段，展覽只有少量現場登記walk in入場，而劇場就基本上無咩walk in位。

HERMÈSTORIES 展覽

地點﹕尖沙嘴西九文化區博物館道18號自由空間FreeSpace（前身﹕留白Livehouse）
日期﹕2026年10月24日至11月8日
時間﹕星期一至五11:00-19:00、星期六及日10:30-17:00（每節限30分鐘）
入場費﹕免費入場

HERMÈSTORIES 奇幻劇場

地點﹕尖沙嘴西九文化區博物館道18號自由空間FreeSpace（前身﹕留白Livehouse）
時間﹕星期一至五16:30、19:30、星期六及日14:30、17:30（每節約50分鐘）

奇幻劇場演出時間有限定，每日只有下晝兩個時段，每一節大概50分鐘，除非有人放飛機，否則基本上無咩walk in位，需要去官網預訂所需日子同時間。據了解，劇場係將HERMÈS品牌故事搬上舞台，以說書人同年輕女性演繹嘅馬童Lad奇幻故事為主軸，來自於Pauline Bayle編劇，並由Joe Hufton執導，有劇院後台道具庫，加上超現實舞台做表演場地。

如果預約唔到劇場表演，都可以去比較容易預約嘅HERMÈS品牌展覽。品牌由1837年於巴黎創立，總店位於巴黎福寶大道24號，展覽內都有舊照片。展覽現場地方唔大，展品就有900幾件，最初E.A.Two都有啲混亂，後來於現場scan code之後，依據每項展品嘅數字，搵返該號碼嘅英文介紹，就到展品有所了解。現場係可以直接請職員介紹，亦都可以自己睇指定網站介紹，不過職員講嘅係中文，網站寫嘅就係英文。

展品中最搶眼嘅應該係Bolide手袋、Birkin手袋、Kelly手袋，以及標誌橙色盒、絲巾、皮革、拉鍊等等，場內既有品牌歷史，原來現時有16個工藝部門，亦可以從經典商品睇到創意工藝。雖然有啲產品比較新穎，但E.A.Two就比較鍾意睇幾十年前嘅產品，部份設計背後都有悠久歷史，亦有獨特美學。

除咗睇奇幻劇場同展覽，外面重有一個戶外空間，提供免費咖啡或茶，每人都可以自取一杯自選咖啡或熱茶，亦有一件Madeleine，即瑪德蓮蛋糕﹐戶外空間就似野餐區。室內更有自由工作坊，樓上可以玩填顏色，樓下亦可以寄postcard。

兩個人旅吓行

專題

立即 Follow E.A.Two 兩個人醫吓肚
Instagram: @e_a_two
Like Facebook 專頁: E.A.Two 兩個人醫吓肚
Subscribe YouTube Official Channel E.A.Two 兩隻嘢玩乜好，
了解更多E.A.Two 資訊

E.A.Tips :

❶ 記得去HERMÈS官網預約，尤其劇場﹕https://www.hermes.com/hk/en/content/401587-hermestories-hk/。展覽都有可能有少量walk in位。

❷ 展覽截至2026年11月8日。

❸ 無論展覽或劇場，都係免費入場。

❹ 展覽外有個戶外空間，可以免費飲咖啡同食Madeleine (瑪德蓮蛋糕)，都有熱茶可以選擇。

❺ 劇場有50分鐘，展覽就限30分鐘。

❻

❼