舊京都風小屋已拆走！北角天后廟道三號花園日式庭園竟變單一朱紅色鳥居裝飾？

近年小說《我所看見的未來》翻hit，唔少人竟然因為一本小說而擔心「7月5日災難性大地震」預言成真，連7月日本旅遊人次都大幅減少。日本素材向來受到港人拍拖兩個人歡迎，港島區一個公園早年就有一個京都風庭園，今日小屋已被拆走，取而代之嘅只係單一朱紅色鳥居裝飾，唔通係為咗香港人唔飛日本而設？

早前經過「天后廟道三號花園」，發現之前恍如京都小庭園風格嘅竹棚、仿紙門小屋花園已經消失得無影無蹤，取而代之嘅只係得返一個簡潔朱紅色鳥居，目前背後空空如也。早前該公園入面嘅裝置寫明「待修」﹐但現時該簡潔雅緻嘅日式小屋並非維修完畢，而係整個遭完全拆走，一件不留！

延伸閱讀﹕秒遊京都！炮台山配水庫旁秘藏日式公園 30分鐘直上紅香爐峰山頂

在 Instagram 查看這則帖子

E.A.Two 兩個人醫吓肚（@e_a_two）分享的帖子

因日式小屋裝置早已日久失修，難以進行修復，康文署有關方面將公園內嘅小屋拆除之後，入面嘅裝飾就變得更加單一，淨低嘅就係一個朱紅色鳥居裝飾，同平時Party Room或商場內嘅日式裝飾無異。既然要走一條偽日本路線，點解唔索性模仿京都「千本鳥居」，整多幾座鳥居裝飾，於轉彎位擺放十座八座小型鳥居裝飾呢？畫面唔係更好咩？

唔知點解香港要走偽日本路線，必然係設置整座日本神社標誌鳥居，但好多地方連鳥居（とりい）意義都唔清楚。日本鳥居係進入神社之前嘅界線，鳥居背後就係神社，以阻隔不潔之物，分隔俗世與神域兩端。不過，香港嘅鳥居就真係一座又一座赤紅裝飾，背後係並無任何神社，換言之係零意義。

事實上，就算係台灣嘅日式神社同鳥居，背後都具有意義，例如係桃園區內唯一嘅日式神社「桃園神社」，門口就有個鳥居，入面同樣可以參拜，因為台灣真係曾經為日本殖民地。睇返香港，港島公園內嘅赤紅鳥居，背後只係坑渠，週邊空空如也，無參拜神社、御守洗等，到底呢座鳥居有咩作用呢？

延伸閱讀﹕【桃園景點】公車15分鐘直達桃園神社！全台保留最完整日式神社！三級古蹟內有忠烈祠！設縁結風鈴、手水舍、井上豆花！

兩個人旅吓行

專題

立即 Follow E.A.Two 兩個人醫吓肚
Instagram: @e_a_two
Like Facebook 專頁: E.A.Two 兩個人醫吓肚
Subscribe YouTube Official Channel E.A.Two 兩隻嘢玩乜好，
了解更多E.A.Two 資訊

E.A.Tips :

❶ 原先間日式小屋已經完全被拆走。

❷ 目前整個空間只係剩返呢座朱紅色迷你鳥居裝飾。

❸ 其實現時除咗一嚿裝飾之外，公園係空空如也，無咩值得專登前往，同室內party room或商場嘅鳥居裝飾無咩分別，而且得一個裝飾。

❹ 如果要去，都係一樣由英皇道上行電梯，徒步到天后廟道就會見到公園入口。

❺ 唔好太相信網上嘅介紹，要有獨立思考。

❻

❼