分類: 兩個人旅吓行

【#琥珀色地瓜】台南有好多夜市、好多美食，今次E.A.Two走到安平區，發現一間隱身於安平老街附近嘅小吃店，小小車仔內只係售賣古早味蕃薯糖，粒粒琥珀焦糖色，入口綿密香甜，但又甜而不膩！該店於Google評分竟然有4.9分，每日卻只係營業4小時，真係物已罕為貴，拍拖兩個人去到安平記得要校準時間去食呀！

【#老街蝦餅】台南安平區係知名景點，「安平老街」就係一條歷史悠久嘅街道，唔單止有古建築，亦有眾多小攤美食，更有多間台南手信店。當中，台南蝦餅同豬肉乾就係不得不試嘅手信，送禮大方得體，拍拖兩個人自己享受又得！

【#安平牛肉湯】溫體牛肉湯係台南必食嘅小吃之一，但台南市區嘅溫體牛肉湯好多都經常大排長龍。拍拖兩個人去食牛肉湯，要避開人流，又要避開休息日唔容易，今次E.A.Two去到台南安平區先可以食到台南牛肉湯。安平區嘅牛肉湯唔單止無咁多人，亦受到在地人喜愛，間間Google評分都有超過4分，其中有間更24小時營業，隨時隨地都可以歎碗牛肉湯！

【#海邊路線】安平區位於台南市區以西，好多景點都係觀賞夕陽嘅好地方，係拍拖兩個人快閃一日遊嘅好去處。乘搭台南「台灣好行」公車，其實已經去到好多安平區景點，今次E.A.Two先講其中3個，依安平海邊散步，既可睇國定古蹟，亦可前往軍事迷勝地，更可以登觀景台俯瞰台版塞納河！

【#鄰近火車站】去台南快閃旅行，最方便當然係找尋市區住宿，更便利嘅就一定係選擇「台南火車站」附近嘅飯店，徒步就可以抵達飯店，適宜拍拖兩個人入住。平常飯店早餐都未必好食，但呢間嘅自助早餐水準不俗，更有台南知名小吃可以選擇，例如虱目魚、牛肉湯，亦有聯乘義豐嘅冬瓜茶。房間內更有兩塊銅錢餅，到底係咩嚟呢？即睇E.A.Two入住經驗、飯店每晚價格！

【#市區景點】台南市區有唔少值得去嘅景點，好多景點都係日光時間最靚，但有部份景點係夜晚反而愈夜愈靚，比如係鄰近「新光三越」嘅「藍晒圖文創園區」。另外，重有以下呢幾個市區景點，夜晚比日頭更靚，當中有燈會嘅時候，路上掛滿花燈，搖身變成一道花燈隧道，拍拖兩個人可以夜晚去打卡！

【#市區住宿】台南市區有好多間住宿飯店，本來E.A.Two打算入住「康橋商旅」，惟該日子剛好無房間提供，所以改為入住同樣位於市區內嘅「郡象商旅」。該飯店最大優點都係地理位置，因為靠近市區知名景點，拍拖兩個人入住都算方便。飯店內有提供24小時點心吧、自助早餐，但浴室有一個問題，到底係咩呢？