【台南景點】鐵皮屋籤筒自助占卜隱身安平古堡旁！10台幣1支、苦命者免費！好籤／壞籤點處置？

台南好玩嘅地方有好多，安平區就係其中為人熟悉嘅景點，當中「安平老街」就有大量美食小吃嘅地方，亦有古堡、樹屋可以參觀，可以拍拖兩個人玩足一日。今次E.A.Two就帶大家去隱藏於「安平老街」內嘅自助占卜鐵皮屋，每支籤僅需TWD10，但抽到壞籤竟然唔使錢？即睇占卜位置、籤文處理方法！

「安平老街」內每一處都係精彩嘅地方，有觀光景點同美食應有盡有，原來當中有一間非常有趣嘅鐵皮屋。呢間鐵皮屋座落「安平古堡」旁邊，直頭係毗連「安平舊聚落歷史公園」，可以畀遊人自己玩吓占卜，全程都係自助模式！事實上，該鐵皮屋並唔顯眼，所以比較少遊人會走入去呢間鐵皮屋玩占卜。

現場所見，鐵皮屋內有一座巨型木箱，有一排排櫃桶，入面擺放好多籤文。而檯面就有一個籤筒，入面就有好多支唔同號碼嘅大竹籤。頂頭除咗寫住「自助抽籤請先投幣」，亦寫有「10元一籤苦命者免費」，下面竟寫住「占卜開運趨吉避凶」。呢個小占卜遊戲價錢低廉，真係值得玩玩！

小檯寫有抽籤玩法，先投幣，然後從籤筒取籤，再對返號碼攞籤文。如果抽到好籤，就唔需要再抽多次；若然抽到壞籤，就要將籤文擺入下面嘅「消災解厄筒」，將厄運解除，再重新抽一支好籤。據悉，籤文係來自於日本東京淺草觀音寺，呢啲真係心誠則靈。

專題

立即 Follow E.A.Two 兩個人醫吓肚
Instagram: @e_a_two
Like Facebook 專頁: E.A.Two 兩個人醫吓肚
Subscribe YouTube Official Channel E.A.Two 兩隻嘢玩乜好，
了解更多E.A.Two 資訊

E.A.Tips :

❶ 該自助求籤位於「安平老街」內，即「古堡街」，毗鄰「安平古堡」，於分岔路口繼續向前行一小段路，就會見到喺右邊。

❷ 確實位置就係「安平舊聚落歷史公園」隔離。

❸ 自助占卜每次只係TWD10，如果抽到壞籤，有權唔需要畀錢，但抽到好籤就要放入TWD10。壞籤只需要放返入去前面指定箱內就得，而好籤就可以攞走。

❹ 抽到好籤係好事，抽到先壞後好都係好事，抽到兩支都係壞籤就唔使錢，其實都係睇運氣，心誠則靈，不過就切記過份迷信。